Helpu i lanhau a chynnal a chadw ardaloedd wedi’u dodrefnu

Mae’r safon hon yn ymwneud â pharatoi a glanhau arwynebau fel pren, plastig a ffabrig. Hefyd, mae’n ymwneud â glanhau lloriau a gorchuddion llawr, fel carpedi, finyl a chorcyn. Yn olaf, mae’r safon yn delio â gwasanaethu ardaloedd wedi’u dodrefnu, er enghraifft gwirio’r gwresogi/goleuo a gwacau biniau. Mae ar gyfer cynorthwywyr cadw tŷ a glanhawyr sy’n glanhau’r ardaloedd hyn yn rheolaidd. Mae glendid a golwg ardaloedd ym mhob math o sefydliad yn chwarae rhan allweddol wrth sicrhau boddhad gwesteion. Gall gwesteion neu gwsmeriaid fod yn gyflym iawn i wneud sylw, yn enwedig ar blatfformau’r cyfryngau cymdeithasol. Gallai’r ardal fod yn gyntedd mewn gwesty, ardal i westeion mewn cartref preswyl, yn ystafell fwyta mewn lleoliad gwely a brecwast, yn ogystal ag ystafelloedd gwely.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Helpu i lanhau a chynnal a chadw ardaloedd wedi’u dodrefnu

1. Gwirio amserlenni ar gyfer llwyth gwaith arfaethedig
2. Paratoi’r ardal weithio i’w glanhau
3. Gwirio a pharatoi cyfarpar a deunyddiau glanhau yn unol â chyfarwyddiadau’r gwneuthurwr cyn eu defnyddio
4. Glanhau arwynebau, dodrefn a gosodiadau fel eu bod yn rhydd rhag llwch, malurion a marciau y gellir cael gwared arnynt
5. Glanhau’r llawr a gorchuddion llawr yn ddiogel ac yn systematig, gan wirio bod lloriau a gorchuddion lloriau gorffenedig yn sych ac yn rhydd rhag llwch, baw, malurion a marciau y gellir cael gwared arnynt, a gwaredu gwastraff a dŵr budr yn gywir ac yn ddiogel
6. Dilyn cyfarwyddiadau’r gwneuthurwr wrth ddefnyddio cyfarpar a deunyddiau
7. Glanhau a storio cyfarpar a deunyddiau glanhau yn gywir ar ôl eu defnyddio
8. Cyfleu delwedd gadarnhaol o’r sefydliad wrth ddod i gysylltiad â chwsmeriaid ac aelodau eraill o staff
9. Gwirio bod systemau gwresogi, goleuo ac awyru wedi’u gosod yn gywir
10. Gwirio nad oes arogleuon annymunol mewn ardaloedd wedi’u dodrefnu
11. Gwacau biniau gwastraff a’u gadael yn lân ac yn barod i’w defnyddio
12. Paratoi gwastraff i’w gasglu, gan ei sortio yn unol â gweithdrefnau amgylcheddol a chynaliadwyedd

1. Pam mae’n bwysig ystyried amserlenni wrth lanhau a chynnal a chadw ardaloedd wedi’u dodrefnu
2. Pam mae’n bwysig cyfleu delwedd gadarnhaol o’ch sefydliad i gwsmeriaid a staff eraill wrth weithio
3. Pam dylech chi wisgo dillad amddiffynnol pan fyddwch chi’n glanhau
4. Pam na ddylech chi gymysgu deunyddiau glanhau
5. Pam dylech chi osod arwyddion perygl ac amddiffyn ardaloedd cyfagos
6. Pam dylech chi gael gwared ar holl olion deunyddiau glanhau o arwynebau mewnol, dodrefn, darnau gosod a gosodiadau
7. Pa ragofalon y dylech eu cymryd wrth ddefnyddio ysgolion neu symud dodrefn wrth lanhau
8. Pam dylech chi amddiffyn ardaloedd cyfagos wrth lanhau arwynebau mewnol, dodrefn, darnau gosod a gosodiadau
9. Pam dylech chi ddilyn cyfarwyddiadau’r gwneuthurwr wrth ddefnyddio cyfarpar a deunyddiau glanhau
10. Sut i ddelio â chyfarpar pan fyddwch chi wedi gorffen ei ddefnyddio
11. Sut i nodi a rhoi gwybod am gyfarpar y mae angen ei drwsio neu ei wasanaethu
12. Gofynion cyfreithiol sylfaenol perthnasol o ran defnyddio cyfarpar a deunyddiau glanhau
13. Pa ragofalon y dylech eu cymryd wrth weithio uwchlaw lefel uchder llaw
14. Pa beryglon sy’n cael eu hachosi os daw dŵr i gysylltiad â chyflenwadau trydan neu fatris wrth lanhau lloriau a gorchuddion lloriau
15. Pa ragofalon y dylech eu cymryd i osgoi sioc drydanol wrth lanhau lloriau a gorchuddion lloriau
16. Sut i osgoi achosi llithriadau wrth lanhau lloriau a gorchuddion lloriau
17. Sut i waredu deunyddiau glanhau sydd wedi cael eu defnyddio yn ddiogel ac yn gywir
18. Beth yw’r gwahanol amodau amgylcheddol a pham mae’n bwysig eu cynnal yn briodol
19. Pam mae’n bwysig nodi gwastraff yn gywir, pam ddylid trin a gwaredu gwastraff yn gywir, beth yw’r gwahanol ffyrdd o ddelio â gwastraff, pam mae’n bwysig defnyddio’r ffordd briodol a sut gallwch chi nodi gwastraff peryglus

1. Paratoi’r ardal weithio
19.1 defnyddio cyfarpar diogelu personol
19.2 gosod arwyddion rhybudd perygl
19.3 amddiffyn ardaloedd cyfagos

2. Arwynebau, dodrefn, darnau gosod a gosodiadau
2.1 pren
2.2 plastig / finyl / linoliwm / laminiad
2.3 gwydr
2.4 ceramig / carreg / marmor / gwenithfaen
2.5 metel
2.6 arwynebau wedi’u paentio
2.7 ffabrig

3. Cyfarpar a deunyddiau
3.1 cyfarpar â llaw
3.2 cyfarpar pŵer
3.3 cemegion glanhau

4. Gwastraff
4.1 peryglus
4.2 ddim yn beryglus

5. Dulliau casglu
5.1 casglu allanol
5.2 llosgi / cywasgu
5.3 ailgylchu