Defnyddio system ffeilio

Mae’r safon hon yn ymwneud â gwahanol systemau ffeilio a sut i’w defnyddio’n effeithiol. Mae ar gyfer staff a all fod yn gweithio ar ddesg y dderbynfa neu mewn adran bwciadau. Mae storio ac adalw gwybodaeth yn allweddol i sicrhau bod staff yn gallu cael at y wybodaeth yn gyflym ac yn hawdd, gyda cheisiadau cwsmeriaid yn cael eu bodloni’n effeithlon o ganlyniad.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Ddefnyddio system ffeilio

1. Casglu gwybodaeth ofynnol
2. Dilyn gweithdrefnau cytunedig a deddfwriaeth berthnasol i gynnal diogelwch a chyfrinachedd
3. Storio gwybodaeth ofynnol mewn lleoliadau cymeradwy, yn ôl y safon ofynnol
4. Diweddaru gwybodaeth sy’n anghyflawn neu sy’n hen
5. Cadarnhau pa wybodaeth i’w hadalw
6. Cydymffurfio â gweithdrefnau a deddfwriaeth berthnasol ar gyfer cael mynediad i system wybodaeth
7. Lleoli ac adalw gwybodaeth ofynnol
8. Cyfeirio unrhyw broblemau â systemau gwybodaeth at y cydweithiwr priodol
9. Dilyn safonau a gweithdrefnau sefydliadol a chyfreithiol perthnasol wrth ddileu neu ddinistrio data

1. Pwrpas storio ac adalw gwybodaeth ofynnol
2. Y gwahanol systemau gwybodaeth a’u prif nodweddion
3. Gofynion cyfreithiol a sefydliadol o ran diogelwch a chyfrinachedd gwybodaeth
4. Pwrpas cadarnhau’r wybodaeth i’w chasglu, ei storio a’i hadalw
5. Y dulliau a ddefnyddir i gasglu gwybodaeth ofynnol
6. Y gweithdrefnau i’w dilyn i gael mynediad i systemau gwybodaeth
7. Y mathau o broblemau sy’n digwydd gyda systemau gwybodaeth ac i bwy y dylid rhoi gwybod amdanynt
8. Y rhesymau pam mae angen dinistrio data gan ddilyn safonau a gweithdrefnau sefydliadol a chyfreithiol