Paratoi, gwasanaethu a chlirio ystafelloedd cyfarfod a chynadledda

Mae’r safon hon yn ymwneud â sicrhau bod ystafelloedd cyfarfod a chynadledda yn cael eu paratoi, eu gwasanaethu a’u clirio yn unol â gweithdrefnau sefydliadol. Mae ar gyfer porthorion cynadleddau, derbynyddion ac efallai porthorion nos. Mae’n ymwneud â gwirio cyfarpar gwresogi a goleuo, gosod dodrefn a chyfarpar, a threfnu ac ailgyflenwi eitemau fel nwyddau ysgrifennu, diodydd a gwydrau mewn ystafelloedd digwyddiadau. Mae’n ymwneud â chlirio a chloi’r ystafell ar ôl ei defnyddio, hefyd.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi, gwasanaethu a chlirio ystafelloedd cyfarfod a chynadledda

Paratoi a gwasanaethu ystafelloedd cyfarfod a chynadledda

1. Casglu unrhyw wybodaeth sy’n cael ei darparu am ofynion y cwsmer, oddi wrth yr adran neu’r person perthnasol
2. Cydweithio â threfnydd y cyfarfod/cynhadledd, fel y bo angen
3. Gwirio bod y systemau gwresogi a goleuo yn gweithio
4. Dilyn cyfarwyddiau ar gyfer trefnu dodrefn a chyfarpar
5. Gwirio bod eitemau bwrdd yn lân, heb eu difrodi ac wedi’u gosod yn unol â chais y cwsmer
6. Gwirio bod cyfarpar yn barod i’r cwsmer ei ddefnyddio
7. Cadw’r ystafell yn lân, yn daclus ac wedi’i chyflenwi
8. Ailgyflenwi unrhyw eitemau yn ôl yr angen yn ystod egwyliau
9. Diogelu’r ystafell yn ôl y gofyn yn ystod egwyliau

Clirio ystafelloedd cyfarfod a chynadledda
10. Trefnu’r dodrefn ac eitemau bwrdd a ddylai aros yn yr ystafell
11. Storio dodrefn, cyfarpar ac eitemau bwrdd eraill yn y lle cywir
12. Casglu unrhyw lestri a gwydrau budr yn unol â gweithdrefnau sefydliadol
13. Diffodd unrhyw gyfarpar trydanol yn unol â gweithdrefnau sefydliadol
14. Gadael yr ystafell yn barod i’w glanhau
15. Ailosod systemau gwresogi a goleuo
16. Cloi’r ystafell os oes gofyn i chi gwneud hynny

1. Safonau eich sefydliad ar gyfer gofal cwsmeriaid a sut i gydweithio â chwsmeriaid yn ystod cynadleddau a chyfarfodydd
2. Gweithdrefnau diogelwch eich sefydliad
3. O ble dylech chi gael cyfarwyddiadau ar sut i drefnu’r ystafell ar gyfer cynadleddau a chyfarfodydd
4. Pam mae’n rhaid gwirio bod yr holl ddodrefn ac eitemau dodrefn yn lân a heb ddifrod
5. Pam mae’n rhaid i chi ddefnyddio technegau codi a thrin cywir wrth symud dodrefn ac eitemau trwm eraill
6. Sut i reoli systemau gwresogi a goleuo
7. Sut i wirio cyfarpar fel sgriniau, taflunyddion, siartiau troi a chyfarpar clyweled arall
8. Ble i ddod o hyd i eitemau y gall fod angen eu hailgyflenwi, fel papur siartiau troi, beiros, papur a lluniaeth
9. Pam mae’n rhaid i chi wneud yn siŵr bod ystafelloedd cyfarfod a chynadledda wedi’u diogelu pan na fyddant yn cael eu defnyddio
10. Y mathau o broblemau a allai ddigwydd pan fyddwch chi’n paratoi ac yn gwasanaethu ystafelloedd cyfarfod a chynadledda a sut i ddelio â’r rhain
11. Sut i drefnu’r ystafell pan fydd cyfarfod neu gynhadledd wedi dod i ben
12. Ble ddylech chi storio dodrefn, cyfarpar ac eitemau eraill nad ydynt yn cael eu gadael yn yr ystafell
13. Sut i wneud yn siŵr bod yr ystafell yn barod i’w glanhau
14. Y mathau o broblemau a all ddigwydd pan fyddwch chi’n clirio ystafelloedd sut i ddelio â’r rhain

1. Gwybodaeth
14.1 lafar
14.2 ysgrifenedig

2. Cyfarpar
2.1 sgriniau
2.2 taflunyddion
2.3 mathau eraill o gyfarpar clyweled
2.4 rheolyddion o bell
2.5 lid estyn
2.6 siartiau troi

3. Eitemau bwrdd
3.1 gorchudd bwrdd
3.2 gwydrau
3.3 beiros a phapur
3.4 lluniaeth
3.5 addurniadau

Cyfarpar clyweled arall
Er enghraifft, systemau sain

Gweithdrefnau diogelwch
Gweithdrefnau ar gyfer cloi a datgloi ystafelloedd a chadw llygad am bobl amheus