Cyfleu gwybodaeth mewn amgylchedd busnes

Mae’r safon hon yn ymwneud â chyfathrebu ar lafar ac yn ddieiriau mewn amgylchedd busnes. Mae ar gyfer pobl sy’n gorfod cyfathrebu yn ysgrifenedig yn rheolaidd ac sy’n gorfod cyflwyno gwybodaeth ar lafar i gwsmeriaid neu gydweithwyr. Mae’n cynnwys dewis y dull cyfathrebu mwyaf effeithiol a’i ddilyn drwodd i’r pen o ran gwerthuso effeithiolrwydd beth gwnaethoch chi ei gyfleu a sut gwnaethoch chi gyfleu’r wybodaeth.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Gyfleu gwybodaeth mewn amgylchedd busnes

1. Nodi pwrpas y cyfathrebu
2. Penderfynu pa ddull cyfathrebu i’w ddefnyddio
3. Fformatio gwybodaeth ysgrifenedig yn glir ac yn gywir
4. Defnyddio iaith sy’n addas i bwrpas y cyfathrebu
5. Defnyddio gramadeg, atalnodi a sillafu yn gywir i wneud yn siŵr bod yr ystyr yn glir
6. Gwirio gwaith a gwneud unrhyw ddiwygiadau angenrheidiol
7. Cynhyrchu’r cyfathrebu i fodloni terfynau amser, gan adnabod y gwahaniaeth rhwng beth sy’n bwysig a beth sydd ar frys
8. Cadw copi ffeil o bob cyfathrebu ysgrifenedig
9. Cyflwyno gwybodaeth ar lafar yn glir i bobl eraill
10. Cyfrannu at drafodaethau
11. Gwrando ar wybodaeth sy’n cael ei chyfathrebu gan bobl eraill
12. Gofyn cwestiynau perthnasol i gael eglurhad o unrhyw beth nad ydych chi’n ei ddeall
13. Ceisio adborth ar p’un a wnaeth y cyfathrebu gyflawni ei bwrpas
14. Myfyrio ar ganlyniadau’r cyfathrebu a nodi ffyrdd o ddatblygu sgiliau cyfathrebu ymhellach

1. Y rhesymau dros nodi pwrpas cyfathrebu
2. Dulliau cyfathrebu a phryd i’w defnyddio
3. Sut i ddefnyddio iaith ysgrifenedig sy’n addas i bwrpas y cyfathrebu
4. Sut i fformatio gwybodaeth ysgrifenedig yn glir ac yn gywir
5. Sut i ddefnyddio gramadeg, atalnodi a sillafu yn gywir
6. Egwyddorion Cymraeg Clir / Plain English
7. Y rhesymau dros wirio gwaith
8. Sut i adnabod pan fydd gwaith ar frys neu yn bwysig
9. Gweithdrefnau’r sefydliad ar gyfer ffeilio cyfathrebiadau ysgrifenedig
10. Sut i gyflwyno gwybodaeth a syniadau yn glir ar lafar
11. Sut i gyfrannu at drafodaethau
12. Dulliau gwrando gweithredol
13. Sut i geisio adborth ar b’un a yw’r cyfathrebu wedi cyflawni ei bwrpas
14. Gwerth myfyrio ar ganlyniadau’r cyfathrebu a nodi ffyrdd o ddatblygu sgiliau cyfathrebu ymhellach