Cyfeirio’r ymateb i argyfyngau ar fwrdd llong

Mae’r safon hon yn cwmpasu’r cymhwysedd sy’n ofynnol ar gyfer cyfeirio unrhyw ymateb mewn argyfwng ar fwrdd llong, gan gynnwys tân, cyfyngder, taro’r gwaelod a gwrthdrawiadau, tywydd garw, colli gyriant neu’r llyw, tynnu, llygredd a bygythiad terfysgol. Mae’n cwmpasu diffinio a chynllunio strategaethau i ddelio ag argyfyngau a chyfeirio gweithrediadau brys i sicrhau’r diogelwch mwyaf.
 
Grŵp targed
Mae’r safon hon yn berthnasol i unigolion ar lefel reoli sydd â chyfrifoldeb am gynllunio strategaethau ar ffwrdd llong yn gysylltiedig â sefyllfaoedd argyfwng ar long o unrhyw faint sy’n gweithio mewn unrhyw faes gweithredol.

---

1. nodi’n gywir natur argyfyngau posibl, asesu gwybodaeth berthnasol yn gysylltiedig â phob math o argyfwng a chynllunio ymatebion priodol
2. llunio strategaethau a chynlluniau wrth gefn i sicrhau’r diogelwch mwyaf a lleihau colledion, sy’n defnyddio personél a chyfarpar i’r eithaf ar gyfer tasgau a gweithgareddau brys
3. sicrhau bod driliau ac ymarferion yn cael eu cyflawni yn unol â’r strategaethau a’r cynlluniau
4. rheoli gweithrediadau brys a gweithredu er mwyn sicrhau diogelwch personél a’r llong i’r eithaf yn ystod argyfwng, yn unol â strategaethau a chynlluniau wrth gefn a nodwyd
5. gweithredu unrhyw newid neu amrywiad gofynnol i’r strategaeth argyfwng mewn modd effeithiol ac amserol
6. cyfathrebu’n effeithiol i fodloni gofynion statudol a sefydliadol
7. cadw cofnodion a llunio adroddiadau sy’n gyflawn, yn gywir ac yn bodloni gofynion statudol a sefydliadol

---

1. sut i fonitro a rheoli cydymffurfiad â gofynion deddfwriaethol a mesurau i sicrhau diogelwch bywyd ar y môr ac amddiffyn amgylchedd y môr
2. sut i gynnal diogelwch a diogeledd pawb sydd ar fwrdd y llong a chyflwr gweithredol systemau achub bywyd, ymladd tân a systemau diogelwch eraill
3. sut i ddatblygu cynlluniau rheoli argyfwng a difrod a’r strategaethau i ymdrin â sefyllfaoedd argyfwng
4. defnyddio systemau cyfathrebu mewnol a mathau effeithiol o gyfathrebu
5. dulliau a chymhorthion atal, canfod a diffodd tân
6. swyddogaethau Teclynnau Achub Bywyd a’r defnydd ohonynt
7. sut i reoli gweithrediadau ymladd tân ar fwrdd llong
8. sut i drefnu a hyfforddi partïon tân
9. sut i archwilio a gwasanaethu systemau a chyfarpar canfod a diffodd tân
10. sut i ymchwilio i ddigwyddiadau a llunio adroddiadau arnynt
11. sut i gymryd cyfrifoldeb am gwch goroesi neu gwch achub yn ystod ac ar ôl lansio
12. sut i reoli goroeswyr a chychod goroesi ar ôl gadael y llong
13. sut i ddefnyddio dyfeisiau lleoli, gan gynnwys cyfarpar cyfathrebu a signalu a thân gwyllt
14. sut i roi cymorth cyntaf i oroeswyr
15. trefnu a rheoli’r criw ar gyfer sefyllfaoedd argyfwng
16. sut i werthuso a chymhwyso rheoliadau a chanllawiau statudol, cyfarwyddiadau a chanllawiau sefydliadol a chynlluniau wrth gefn y llong
17. peryglon mannau amgaeedig a sut i achub ohonynt

---

---

---

---

---

---

---

---

---

---

2

---

31 Rhag 2016

---

Ar hyn o bryd

---

Gwreiddiol

---

MSA

---

MSAA14

---

Ffermio Pysgod

---

3550

---

Cyfeirio; ymateb brys; ar fwrdd llong; tân; cyfyngder; taro’r gwaelod; gwrthdrawiadau; tywydd garw; colli gyriant; y llyw; tynnu; llygredd; bygythiad terfysgol; diffinio a chynllunio strategaethau

---