Cynllunio sut i roi gwybod i’ch cwsmeriaid am eich cynnyrch neu’ch gwasanaethau

Mae angen i chi ddeall eich marchnad i werthu eich cynnyrch neu’ch gwasanaethau am elw. Bydd angen i chi ymchwilio i sut rydych chi’n marchnata eich cynnyrch neu’ch gwasanaethau i wella’ch gwerthiannau a’ch marchnata. Bydd y wybodaeth hon yn eich helpu i baratoi cynlluniau a fydd yn perswadio pobl i brynu cynnyrch neu wasanaeth ac yn helpu i wella’ch elw. Bydd manylion yr hyn y mae angen i chi edrych arno yn dibynnu ar eich math o fusnes a’r mathau o gwsmeriaid rydych chi’n ceisio’u cyrraedd. Hefyd, mae angen i chi ystyried beth mae eich cystadleuwyr yn ei wneud a meddwl am ffyrdd o ennill mwy o fusnes.

Gallech wneud hyn os ydych chi:

1. yn sefydlu busnes neu fenter gymdeithasol newydd
2. yn ehangu eich busnes neu’ch menter gymdeithasol
3. yn ceisio cyrraedd cwsmeriaid newydd a’u cadw
4. yn newid neu’n addasu’r cynnyrch neu’r gwasanaethau sy’n cael eu cynnig gan eich busnes neu gan fenter gymdeithasol

Mae cynllunio sut i roi gwybod i’ch cwsmeriaid am eich cynnyrch neu’ch gwasanaethau yn cynnwys:

1. dysgu am y farchnad ar gyfer cynnyrch neu wasanaethau eich busnes
2. cynhyrchu cynllun ar gyfer marchnata
3. penderfynu sut byddwch chi’n barnu llwyddiant eich marchnata a’ch gwerthiannau

P1 penderfynu beth rydych chi’n gobeithio ei gyflawni trwy farchnata a pharu hyn â’r targedau rydych chi wedi’u gosod ar gyfer eich busnes
P2 paratoi rhagolygon ar gyfer marchnata a chyfrifo cost gweithgareddau marchnata
P3 penderfynu ar amser rhesymol i gyrraedd y targedau marchnata
P4 dysgu am ddulliau a chyfleoedd marchnata a hyrwyddo posibl
P5 paratoi cyllideb fanwl ar gyfer marchnata a phenderfynu beth fydd y buddion i’ch busnes
P6 defnyddio eich canfyddiadau i gynhyrchu eich cynllun marchnata a chynnwys yr holl wybodaeth i ddangos sut rydych chi wedi dod i’ch penderfyniadau
P7 penderfynu sut y byddwch yn delio â phethau sydd heb ddilyn eich cynllun 
P8 penderfynu pa bethau byddech chi’n chwilio amdanynt i weld a oedd y eich cynllun marchnata yn llwyddiannus
P9 penderfynu pa wybodaeth byddwch chi’n ei defnyddio i farnu eich perfformiad marchnata
P10 penderfynu pa mor aml byddwch chi’n adolygu perfformiad marchnata i weld a oes angen i chi newid unrhyw rai o’ch targedau
P11 meddwl ble y gallai pethau amrywio o’r cynllun a meddwl sut y byddech chi’n delio â hyn

Targedau marchnata
K1 pam mae’n bwysig gosod targedau ar gyfer marchnata a gwerthiannau
K2 pa wybodaeth y mae ei hangen arnoch am y farchnad ar gyfer eich cynnyrch neu wasanaethau
K3 pa dargedau i’w gosod ar gyfer marchnata ac i’ch cyfran o’r farchnad
K4 sut i osod targedau ar gyfer marchnata a fydd yn cynnwys ystyried
K4.1 eich safle yn y farchnad
K4.2 gwerthiannau a meintiau gros
K4.3 elw a meintiau elw
K4.4 llif arian
K4.5 cynnyrch neu wasanaethau
K4.6 gweithgarwch cystadleuwyr
K4.7 ffasiwn a thueddiadau cwsmeriaid
K4.8 delwedd eich busnes
K4.9 defnyddio adnoddau
K4.10 newidiadau mewn technoleg
Dulliau marchnata
K5 pam mae marchnata a hyrwyddo yn bwysig
K6 gwahanol ffyrdd o hyrwyddo cynnyrch neu wasanaeth (er enghraifft cyhoeddusrwydd yn y wasg, ar y radio ac ar deledu lleol, argymhelliad personol a chymeradwyaeth bersonol)
K7 gwahanol fathau o farchnata (er enghraifft hysbysebu, anfon deunydd cyhoeddusrwydd yn uniongyrchol at gwsmeriaid, gwerthu i gwsmeriaid wyneb yn wyneb neu gysylltiadau cyhoeddus)
Cynlluniau marchnata
K8 sut i lunio cynllun ar gyfer marchnata
K9 beth ddylech chi ei gynnwys mewn cynllun marchnata:
K9.1 beth yw’r farchnad
K9.2 beth mae ei angen a’i eisiau ar gwsmeriaid
K9.3 eich rhagolygon ar gyfer eich busnes
K9.4 pa fath o farchnata byddwch chi’n ei ddefnyddio
K9.5 faint fydd cost y marchnata
K9.6 beth yw’r cynnyrch neu’r gwasanaethau (er enghraifft enw, maint, ansawdd, dyluniad a phecynnu)
K9.7 beth ddylai pris cynnyrch neu wasanaethau fod (er enghraifft gostyngiadau, telerau credyd, cynigion arbennig a chystadleuaeth ochr yn ochr gan gynnyrch neu wasanaethau tebyg eraill)
K9.8 pwy fydd yn ymwneud â marchnata (er enghraifft chi, eich staff neu asiantaethau allanol)
K9.9 sut a ble y bydd cynnyrch neu wasanaethau’n cael eu gwerthu (er enghraifft cyfanwerthu, mewn siopau, drwy’r post neu dros y rhyngrwyd)
K9.10 sut byddwch chi’n cyflwyno’r cynnyrch neu’r gwasanaeth i gwsmeriaid
Perfformiad marchnata
K10 sut i farnu p’un a ydych chi’n bodloni targedau marchnata ai peidio
K11 sut i gynnwys rhywfaint o hyblygrwydd wrth farnu llwyddiant, i gyfrif am yr hyn sy’n digwydd mewn gwirionedd
K12 sut i sefydlu eich busnes i wneud yn siŵr y gallwch chi gael gwybodaeth am farchnata yn hawdd
K13 sut i nodi’r pwyntiau pan fydd y busnes yn amrywio o’r cynllun (er enghraifft ffigurau gwerthu uwch neu is, mwy neu lai o alw gan gwsmeriaid)