Rheoli gweithrediadau sefydlu a chynnal coed

​Mae'r safon hon yn ymwneud â rheoli gweithrediadau sefydlu a chynnal coed. Gallai hyn fod at ddibenion masnachol neu goetir cynhenid.

Mae'n cynnwys y gweithrediadau sy'n ofynnol i sefydlu coed a'r gwaith cynnal dilynol fel y nodir mewn manyleb waith, i fodloni safonau cymeradwy. Mae'r safon yn cynnwys sefydlu coetir newydd a chynnal coetir presennol gan ddefnyddio systemau coedwrol yn ogystal â choed unigol i gyflawni ystod eang o amcanion rheoli safle.

Mae'r safon hon yn gofyn am wybodaeth gyffredinol am weithrediadau a chynllunio safle o ran:

• mathau o bridd
• gofynion draenio dŵr ar ystod o safleoedd
• gofynion rhywogaethau coed, buddion ecolegol a defnydd terfynol
• dehongli gwybodaeth arolwg a daearyddol
• rheoli llafur
• costau
• deddfwriaeth
• coedwriaeth

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol yn unol â'r peryglon a aseswyd
3. sicrhau bod offer amddiffynnol personol (PPE) priodol yn cael eu defnyddio ar gyfer y gwaith
4. pennu'r fanyleb waith ar gyfer y gweithrediadau sefydlu a chynnal coed
5. pennu gofynion monitro'r gweithrediadau sefydlu a chynnal coed
6. nodi'r deunydd sy'n ofynnol i fodloni'r fanyleb waith
7. goruchwylio'r gwaith o archebu ac ymdrin â stoc plannu penodedig i fodloni amcanion y safle a rheoli
8. rheoli gweithrediadau sefydlu a chynnal coed
9. penderfynu ar ddulliau amddiffyn ar gyfer stoc wedi ei blannu mewn perthynas â chyfryngau niweidiol ac elfennau eraill sy'n gysylltiedig â'r safle, fel ffensio a chysgodfeydd coed
10. cadarnhau bod y plannu'n cydymffurfio â'r amcanion a nodwyd, gan wneud gwaith cynnal lle bo angen
11. monitro'r prosiect sefydlu coed yn erbyn yr amcanion, o ran graddfeydd amser, ansawdd, cost, y canlyniadau a gyflawnir, amcanion y cynllun a'r safon a gyflawnir
12. rheoli unrhyw wyro o'r fanyleb
13. dilyn arfer da amgylcheddol a nodir gan y sefydliad, a lleihau niwed amgylcheddol
14. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. gofynion rhywogaethau coed o ran y safle
5. technegau paratoi'r ddaear
6. defnydd o blaladdwyr a'r ddeddfwriaeth berthnasol
7. y dulliau o blannu coed a'r gofynion cynnal
8. y plâu a chlefydau all effeithio ar iechyd coed
9. yr angen i amddiffyn coed rhag ystod eang o gyfryngau niweidiol a'r dulliau a ddefnyddir i wneud hyn
10. gofynion gweithredol y fanyleb waith a'r adnoddau sydd yn angenrheidiol i weithredu'r gwaith, er mwyn cyflawni amcanion rheoli'r safle
11. sut i gynnal bioddiogelwch coed wrth eu sefydlu a'u cynnal
12. systemau a dulliau coedwriaeth
13. egwyddorion coetir a adnewyddir yn naturiol
14. goblygiadau dwysedd stoc
15. triniaeth gywir dynodi treftadaeth, bioamrywiaeth a thirwedd
16. sut i reoli prosiectau i fodloni amcanion y fanyleb waith, ac ymdrin ag unrhyw wyriadau
17. effaith bosibl eich gwaith ar yr amgylchedd a sut y gellir lleihau hyn
18. eich cyfrifoldebau yn unol â deddfwriaeth amgylcheddol, iechyd a diogelwch a chodau ymarfer

​Dulliau amddiffyn coed:

• ffensys
• amddiffyniad unigol
• saethu
• rhwystro
• defnyddio plaladdwyr

Rheoli gweithrediadau sefydlu a rheoli coed ar gyfer un o'r canlynol:

• gweithgareddau masnachol
• gweithgareddau hamdden
• coetir cynhenid

​Mae cyfryngau niweidiol yn cynnwys: pryfed; ceirw; llygod y gwair; cwningod/ysgyfarnogod; fandaliaeth; tywydd