Rhagweld cynhyrchiant cynnyrch coedwig a choetir a chreu cynlluniau cynhyrchu

Mae’r safon hon yn ymwneud â rhagweld cynhyrchu cynnyrch coedwig a choetir a chreu cynlluniau cynhyrchu. Bydd hyn yn cynnwys asesu cynnyrch tebygol pren a chynnyrch eraill a chyflwyno’r rhain mewn cynlluniau cynhyrchu tymor byr, tymor canolig a hirdymor.

Bydd angen eich bod yn gallu cymryd mesuriadau priodol a chymhwyso technegau coedwig a choetir, tablau dosbarth cynnyrch a modelau cynnyrch i gynnyrch pren ac nad yw’n bren.

Mae’n rhaid i’ch gwaith gydymffurfio â’r holl ddeddfwriaeth a’r codau ymarfer perthnasol wrth wneud y gwaith hwn.

1. asesu’r peryglon sy’n gysylltiedig â’r safle a’r gwaith arfaethedig 2. asesu’r cynnyrch cynaliadwy yn seiliedig ar y stocrestr coetir neu goedwig 3. gosod y cylch teneuo a’r dwysedd i gael cynnyrch cynaliadwy mewn coedwriaeth ymarferol a ffordd gost effeithiol 4. rhagweld cynhyrchu cynnyrch coedwig a cheotir i gyd-fynd â’r data sydd ar gael  5. creu cynlluniau cynhyrchu ar gyfer cynnyrch coedwig a choetir, yn unol â pholisïau eich sefydliad 6. cynnal eich iechyd a’ch diogelwch eich hun ac eraill yr holl amser, yn unol â deddfwriaeth berthnasol

1. sut i adnabod peryglon ac asesu risg 2. sut i ddehongli asesiadau risg 3. sut i adnabod rhywogaethau coed mewn coedwig a choetir 4. sut i ddefnyddio technegau mesur coedwig a choetir 5. sut i asesu risg taflu gan wynt a’r offer a’r technegau sydd ar gael ar gyfer hyn 6. sut i fesur pren sydd yn sefyll 7. sut i asesu gofynion coedwriaeth y cnwd 8. sut i ddadansoddi ffyrdd cost effeithiol o gyflawni cynnyrch cynaliadwy 9. sut i greu cynlluniau cynhyrchu gyda rhagolygon realistig ar gyfer cynhyrchu cynnyrch coedwig a choetir 10. sut i gynllunio ar gyfer cynnydd a gostyngiad o ran cynhyrchu 11. effeithiau tan/gor-deneuo, teneuo a pheidio teneuo, teneuo’n hwyr neu’n gynnar ar gnydau 12. y ffactorau sy’n effeithio ar y penderfyniad i deneuo neu i beidio teneuo 13. y ffactorau sy’n effeithio ar hyd cylchdroi 14. yr effeithiau ar gynnyrch cymysgedd o rywogaethau 15. y dulliau a’r modelau o adnabod cynnyrch cynaliadwy 16. dewis model cynnyrch 17. gofynion amgylcheddol a chadwraeth eich sefydliad a’r ddeddfwriaeth berthnasol  18. eich cyfrifoldebau yn unol â deddfwriaeth amgylcheddol ac iechyd a diogelwch perthnasol

Asesu cynnyrch tebygol:

• pren

• cynnyrch eraill

Gallai **cynnyrch eraill** gynnwys unrhyw un o’r canlynol: hadau a chonau, mwsogl, dail, gweddillion cynaeafu **Mewn meithrinfeydd coedwig, gallai’r cynnyrch eraill gynnwys** ystod o goed ifanc yn ystod cyfnodau gwahanol twf, gwreiddyn noeth, neu mewn cynwysyddion ac ati **Taflu gan wynt**: Coeden yn syrthio mewn gwynt uchel, gan dorri’r gwreiddiau allanol, fel bod y goeden yn cael ei dadwreiddio. Mae tri phrif ddull o daflu gan wynt.