Cynnal systemau draenio agored

​Mae'r safon hon yn ymwneud â chynnal systemau draenio agored yn unol â manyleb benodol.

Mae'r fanyleb hon yn cynnwys llwybr, proffil, dyfnder a gradd y draen ynghyd â'r goddefiannau derbyniol a thriniaeth deunydd wedi ei gloddio. Mae'r fanyleb hefyd yn cynnwys gofynion deddfwriaeth berthnasol a'r sefydliad sy'n ei ddefnyddio neu'r client.

Wrth weithio gyda pheiriannau mae angen i chi gael hyfforddiant priodol, a meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol yn unol â'r peryglon a aseswyd
3. dewis a defnyddio offer amddiffynnol personol (PPE) priodol ar gyfer y gwaith
4. cynnal systemau draenio agored yn unol â'r fanyleb benodol
5. cadarnhau bod yr holl offer wedi cael ei wirio a'i fod yn addas at y diben
6. gwneud defnydd effeithiol o'r adnoddau sydd ar gael
7. dewis, paratoi a defnyddio'r offer a'r cyfarpar priodol, yn ddiogel ac yn effeithiol
8. cynnal diogelwch y peiriannau a'r offer ar y safle
9. dilyn arfer da amgylcheddol a nodir gan eich sefydliad a'r diwydiant, a nodi a diogelu nodweddion amgylcheddol
10. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli'r asesiadau risg
3. sut i ddewis, defnyddio a gofalu am offer amddiffynnol personol (PPE)
4. y mathau o offer a chyfarpar sy'n ofynnol a sut i gynnal a chadw'r rhain a'u defnyddio'n ddiogel ac yn effeithiol yn unol ag argymhellion y cynhyrchydd
5. y gofynion cyfreithiol ar gyfer gwirio offer
6. cynlluniau a gweithdrefnau brys sy'n berthnasol i'r safle
7. sut i ddehongli cynlluniau a manylebau ar gyfer cynnal systemau draenio agored
8. sut i glirio draeniau agored ac ailgloddio rhannau o ddraeniau agored sydd wedi dymchwel
9. sut i gynnal draeniau agored mewn amrywiaeth o briddoedd
10. sut i gloddio deunyddiau ymysg coed sydd yn sefyll
11. y technegau y gellir eu defnyddio ar gyfer dad-gorsio
12. sut i adnabod agweddau penodedig o'r safle y dylid eu gwarchod
13. goblygiadau tir, gwneuthuriad a strwythur y pridd, tymor, tywydd a rhywogaethau planhigion
14. goblygiadau cyfradd llif mewn systemau draenio agored
15. effaith bosibl eich gwaith ar yr amgylchedd a sut y gellir lleihau hyn
16. eich cyfrifoldebau yn unol â deddfwriaeth amgylcheddol, iechyd a diogelwch a chodau ymarfer

​Manyleb yn cwmpasu:

• llwybr
• proffil
• dyfnder
• gradd
• cyfradd llif
• triniaeth deunydd wedi ei gloddio
• goddefiant y fanyleb
• mesuriad o'r gwaith a gyflawnwyd