Cynhyrchu cynnyrch tanwydd pren mewn coetir neu goedwig

​Mae'r safon hon yn ymwneud â chynhyrchu cynnyrch tanwydd pren mewn coetir neu goedwig ar gyfer y farchnad ddomestig. Mae'n cynnwys adnabod rhywogaethau tanwydd pren, paratoi a phrosesu pren a pharatoi cynnyrch tanwydd pren, gan ystyried y cynnwys gwlybaniaeth, dwysedd y pren, a gofynion y farchnad.

Wrth weithio gyda pheiriannau bydd angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu'r dulliau gwaith priodol, yn unol â'r peryglon a aseswyd
3. dewis a defnyddio'r offer amddiffynnol personol (PPE) priodol ar gyfer y gwaith
4. adnabod y rhywogaethau tanwydd coed addas o'r coetir neu'r goedwig i fodloni'r manylebau cytûn ar gyfer y cynnyrch tanwydd pren
5. dewis yr offer a'r cyfarpar priodol i greu'r cynnyrch tanwydd pren
6. torri pren i fodloni'r manylebau ar gyfer y cynnyrch tanwydd pren
7. paratoi pren a'i brosesu i gynhyrchu'r cynnyrch tanwydd pren
8. pentyrru cynnyrch tanwydd pren yn ddiogel ar gyfer tymheru
9. storio cynnyrch tanwydd pren yn unol â'r dull cynhyrchu
10. sicrhau bod cynnyrch tanwydd pren yn bodloni gofynion y farchnad
11. gwneud gwaith mewn ffordd sy'n lleihau niwed i'r amgylchedd
12. dileu pob gwastraff a deunydd dros ben a'u gwaredu fel y nodir
13. sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
14. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. y marchnadoedd tanwydd pren gwahanol a'r ystod o gynnyrch
5. nodweddion llosgi a phrosesu rhywogaethau gwahanol o goed coetir neu goedwig
6. y dulliau storio sy'n briodol ar gyfer cynnyrch tanwydd pren gwahanol
7. yr offer sy'n ofynnol a'r dulliau cynhyrchu ar gyfer cynnyrch tanwydd pren gwahanol
8. arwyddocâd cynnwys gwlybaniaeth ar ansawdd y cynnyrch tanwydd pren
9. sut y gall tymheru effeithio ar gynnwys gwlybaniaeth rhywogaethau gwahanol a chynhyrchu cynnyrch tanwydd pren
10. sut y gall storio effeithio ar y cynnwys gwlybaniaeth
11. y broses o losgi pren
12. yr effaith y bydd y deunydd crai yn ei gael ar faint gronynnau a chynnwys llwch
13. perthnasedd tymheru pren a'r lefel sy'n ofynnol ar gyfer cynnyrch tanwydd pren gwahanol
14.  y safonau ansawdd sy'n berthnasol i'r cynnyrch tanwydd pren
15. effaith bosibl eich gwaith ar yr amgylchedd a sut y gellir lleihau hyn
16. y dulliau cywir ar gyfer gwaredu deunydd dros ben a/neu wastraff
17. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol

​Cynhyrchu'r cynnyrch tanwydd pren canlynol:

• priciau tân
• boncyffion hollt
• asglodion pren
• ffagodau