Rheoli gweithrediadau cynaeafu a thynnu coed allan

​Mae'r safon hon yn ymwneud â rheoli gweithrediadau cynaeafu a thynnu coed allan.

Mae'r safon hon yn gofyn am wybodaeth am ragweld cynhyrchu cynnyrch coedwigaeth a choetir.

Bydd angen i chi gynllunio'r cynaeafu a'i fonitro er mwyn sicrhau ei fod yn bodloni amcanion y cynllun.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol, yn unol â'r peryglon a aseswyd
3. sicrhau bod offer amddiffynnol personol (PPE) priodol yn cael ei ddefnyddio ar gyfer y gwaith
4. pennu'r fanyleb waith ar gyfer cynaeafu a thynnu coed allan, yn unol ag amcanion rheoli'r safle
5. pennu gofynion monitro'r gweithrediadau cynaeafu a thynnu coed allan
6. nodi'r adnoddau sy'n ofynnol i fodloni'r fanyleb waith
7. nodi clwstwr ar gyfer cynaeafu a thynnu coed allan yn cynnwys y system dynnu allan
8. cadarnhau bod y gwaith cynaeafu a thynnu coed allan yn cydymffurfio â'r amcanion a nodwyd, a gwneud unrhyw waith cywiro os oes angen
9. rheoli a monitro'r prosiect cynaeafu a thynnu coed allan yn erbyn yr amcanion, o ran cyfnod amser, ansawdd, cost, canlyniadau a gyflawnwyd, yr amcanion a gynlluniwyd a'r safon a gyflawnwyd
10. rheoli unrhyw wyriadau o'r fanyleb waith
11. sicrhau bod niwed amgylcheddol mor isel â phosibl
12. sicrhau bod y gwaith yn cael ei wneud i gadw cynaliadwyedd y safle ac ansawdd y cynnyrch
13. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol
4. sut i nod gofynion clystyrau, systemau tynnu allan a theneuo
5. egwyddorion coetir wedi ei adfywio'n naturiol
6. plâu a chlefydau a sut y gallant effeithio ar iechyd coed
7. gofynion gweithredol y fanyleb a sut i gaffael yr adnoddau angenrheidiol i weithredu'r cynllun i gyflawni amcanion rheoli
8. sut i reoli a monitro prosiectau i fodloni amcanion y fanyleb waith a rheoli unrhyw wyriadau
9. effaith bosibl y gwaith ar yr amgylchedd a sut y gellir lleihau hyn
10. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol

​Clwstwr -     Mae clwstwr yn gymuned o goed ar bwys ei gilydd sydd â set gyffredin o nodweddion.