Creu system ddraenio agored

​Mae'r safon hon yn ymwneud â chreu system ddraenio agored i fanyleb benodol.

Bydd y fanyleb yn cynnwys llwybr, dyfnder a gradd y draen ynghyd â'r goddefiant derbyniol a thriniaeth deunydd sy'n cael ei gloddio.

Mae'r fanyleb hefyd yn cynnwys gofynion deddfwriaeth a'r sefydliad sy'n cyflogi neu sefydliad y cleient.

Gall systemau draenio fod wedi eu nodi'n flaenorol gan eraill ond mewn llawer o achosion bydd angen i chi nodi'r draeniau eich hun.

Wrth weithio gyda pheiriannau mae angen i chi gael hyfforddiant priodol, a meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol, yn unol â'r peryglon a aseswyd
3. dewis a defnyddio offer amddiffynnol personol priodol (PPE) ar gyfer y gwaith
4. creu system ddraenio agored sy'n bodloni'r fanyleb a roddwyd
5. cadarnhau bod yr holl offer wedi cael ei wirio a'i fod yn addas at y diben
6. gwneud defnydd effeithiol o'r adnoddau sydd ar gael
7. dewis, paratoi a defnyddio offer a chyfarpar priodol, yn ddiogel ac yn effeithiol
8. cynnal diogelwch peiriannau ac offer ar y safle
9. dilyn arfer da amgylcheddol a nodir gan eich sefydliad a'r diwydiant, a nodi a diogelu nodweddion amgylcheddol
10. cynnal eich iechyd a'ch diogelwch eich hun ac eraill bob amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. y mathau o offer a chyfarpar sydd eu hangen a sut i gynnal a defnyddio'r rhain yn ddiogel ac yn effeithiol yn unol ag argymhellion y cynhyrchydd
5.  y gofynion cyfreithiol ar gyfer gwirio offer
6. pam y mae'n bwysig cynnal diogelwch offer a cherbydau ar y safle
7. sut i ddehongli cynlluniau a manylebau ar gyfer system ddraenio agored
8. cynlluniau a gweithdrefnau brys sy'n berthnasol i'r safle
9. sut i greu draeniau agored mewn priddoedd amrywiol, yn cynnwys priddoedd organig a mwynau
10. sut i ehangu system ddraenio agored
11. sut i adnabod agweddau penodedig o'r safle, y dylid eu diogelu
12. goblygiadau tir, gwead a strwythur pridd, y tymor, y tywydd a rhywogaethau planhigion
13. goblygiadau cyfradd llif mewn systemau draenio agored
14. effaith bosibl eich gwaith ar yr amgylchedd a sut gellir lleihau hyn
15. eich cyfrifoldebau yn unol â deddfwriaeth amgylcheddol, iechyd a diogelwch a chodau ymarfer

​Manyleb yn cynnwys:

• llwybr
• proffil
• dyfnder
• gradd
• cyfradd llif
• trin deunydd wedi ei gloddio
• goddefiad y fanyleb
• gofynion amgylcheddol deddfwriaethol a sefydliadol

​Safle:

• tir agored
• coedwig wedi ei thorri
• safleoedd coetir