Tynnu coed a chynnyrch coed allan gan ddefnyddio ceffyl

​Mae'r safon hon yn ymwneud â thynnu coed a chynnyrch coed allan gan ddefnyddio ceffyl.

Wrth weithio gyda pheiriannau mae angen eich bod wedi cael hyfforddiant priodol ac yn meddu ar ardystiad presennol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r perygl sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol, yn unol â'r peryglon a aseswyd
3. dewis a defnyddio'r offer amddiffynnol personol (PPE) priodol ar gyfer y gwaith
4. gosod, llwytho a dadlwytho offer yn effeithiol
5. sicrhau bod yr holl offer wedi cael ei wirio a'i fod yn addas at y diben
6. cynnal diogeledd a diogelwch y ceffyl(au) a'r offer pan fyddant ar y safle
7. dewis, paratoi a chadw llwybrau mynediad ac ymadael mewn cyflwr defnyddiol
8. tynnu coed a chynnyrch coed allan gan ddefnyddio ceffyl yn effeithiol ac yn effeithlon gan ddefnyddio llwybrau tynnu allan cytûn
9. dadlwytho, graddio a gwahanu coed a chynnyrch coed, yn unol â'r fanyleb
10. casglu coed a chynnyrch coed yn yr ardal gytûn er mwyn hwyluso codi i fyny a'u hanfon ymlaen
11. dilyn arfer da amgylcheddol a osodwyd gan eich sefydliad a'r diwydiant, a lleihau niwed amgylcheddol
12. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. y mathau o offer a chyfarpar sy'n ofynnol a sut i gynnal a chadw'r rhain a'u defnyddio'n ddiogel ac yn effeithiol yn unol ag argymhellion y cynhyrchydd
5. gofynion cyfreithiol gwirio offer
6. cynlluniau a gweithdrefnau brys sy'n berthnasol i'r safle
7. yr angen i wirio lles y ceffyl(au) yn rheolaidd
8. sut i ddehongli manylebau cynnyrch a didoli cynnyrch yn gategorïau wrth lwytho
9. galluoedd a chyfyngiadau'r ceffyl(au) a ddefnyddir, yn cynnwys cyfyngiadau llethr ac uchafswm llwyth gwaith diogel
10. sut i ddewis llwybrau addas ar gyfer tynnu coed a chynnyrch coed allan gan ddefnyddio ceffyl
11. goblygiadau tirwedd, cyflwr y ddaear, y tymor, y tywydd, llwyth a math/cyflwr y pren ar gynllunio llwybrau tynnu allan gan ddefnyddio ceffyl
12. effaith llwythau anghytbwys ar dynnu allan
13. pam y mae'n bwysig cynnal diogelwch a diogeledd y ceffyl a'r offer pan fyddant ar y safle
14. y dulliau o raddio, pentyrru ac ymdrin â chynnyrch
15. effaith bosibl eich gwaith ar yr amgylchedd a sut y gellir lleihau hyn
16. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol