Nodi cyfleoedd a gweithgareddau coedwig cymdeithasol a chymunedol

Mae’r safon hon yn ymwneud â’r gweithgareddau sy’n ofynnol i nodi cyfleoedd a gweithgareddau coedwig cymdeithasol a chymunedol.

Mae coedwigaeth gymdeithasol yn cynnwys nodi cyfleoedd i ddefnyddio’r goedwig, neu’r coetir, er buddion cymdeithasol i bobl leol a’r cyhoedd yn ehangach, ac annog y gymuned i gymryd rhan. Bydd gan ymarferwyr coedwigaeth gymdeithasol ddealltwriaeth o anghenion coedwigoedd a choetiroedd a sut i’w rheoli, ynghyd â dealltwriaeth dda o sut i reoli anghenion pobl.

Mae coedwigaeth gymunedol yn cynnwys pob agwedd ar berchnogaeth, rheolaeth ac ymwneud gan y cyhoedd, er enghraifft bod y gymuned yn rhan o reoli, prydlesu neu brynu coedwig neu goetir, a’r gweithgareddau a all ddigwydd yno, fel mynediad, hamdden, twristiaeth neu gyflenwi cynhyrchion coetir.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

1. nodi’r risgiau pan fydd ymglymiad gan y cyhoedd yn y goedwig neu’r coetir, a’r goblygiadau i iechyd a diogelwch
2. nodi’r cyfleoedd a’r cyfyngiadau sy’n berthnasol i’r goedwig neu’r coetir
3. nodi mynediad statudol, ffurfiol ac anffurfiol i’r cyhoedd i ardal y goedwig neu’r coetir
4. nodi dyheadau cymunedol ar gyfer y goedwig neu’r coetir
5. nodi pa lefel o ymgynghori â phreswylwyr lleol, y gymuned neu’r cyhoedd yn ehangach y mae ei hangen a dulliau ymgysylltu addas
6. ymgynghori â thirberchnogion a phartïon â budd er mwyn nodi cyfleoedd a gweithgareddau coedwig neu goetir cymdeithasol a chymunedol
7. dadansoddi’r holl wybodaeth sydd ar gael i benderfynu ar gyfleoedd a gweithgareddau posibl
8. archwilio ymarferoldeb a hyfywedd cyfleoedd a gweithgareddau posibl
9. ceisio a gwerthuso cyngor allanol arbenigol, lle bo angen
10. gwerthuso’r ystod o gyfleoedd a gweithgareddau posibl sydd ar gael er mwyn penderfynu ar yr opsiynau sy’n cael eu ffafrio
11. cadarnhau bod eich cynlluniau yn cydymffurfio â’r gofynion iechyd a diogelwch perthnasol a safonau sy’n cael eu cydnabod gan y diwydiant
12. annog cynaliadwyedd ardal y goedwig neu’r coetir i genedlaethau’r dyfodol

1. y cyfleoedd a’r cyfyngiadau sy’n berthnasol i’r goedwig neu’r coetir
2. natur dynodiadau a sut gall y rhain ddylanwadu ar y cyfleoedd a’r gweithgareddau sydd ar gael
3. sut i nodi risgiau a goblygiadau unrhyw beryglon posibl
4. y goblygiadau i iechyd a diogelwch pan fydd y cyhoedd yn cymryd rhan mewn gweithgareddau coedwig neu goetir
5. y ddeddfwriaeth berthnasol sy’n benodol i wlad, gan gynnwys hawliau tramwy a mynediad
6. pwysigrwydd ymgynghori ac ymgysylltu wrth ymchwilio i gyfleoedd a gweithgareddau coedwigaeth gymdeithasol a chymunedol
7. sut i nodi’r gymuned leol ac ymgysylltu â nhw
8. pwysigrwydd ymgynghori â’r landlord i ddeall eu dyheadau a beth maen nhw’n barod i’w dderbyn
9. y goblygiadau o ran atebolrwydd ac yswiriant i’r tirfeddiannwr a sut gallai cyfrifoldeb gael ei drosglwyddo i grŵp cymunedol
10. y cyfleoedd a’r gweithgareddau coedwigaeth gymdeithasol a chymunedol y gellir eu cyflawni a goblygiadau’r rhain
11. sut i asesu ymarferoldeb a hyfywedd cyfleoedd a gweithgareddau posibl
12. ble a sut i gael cyngor ac arweiniad proffesiynol
13. y gwahanol ffactorau y mae angen eu hystyried wrth werthuso cyfleoedd a gweithgareddau coedwigaeth gymdeithasol a chymunedol posibl
14. sut i reoli problemau sy’n gwrthdaro rhwng defnydd y cyhoedd a rheoli’r amgylchedd
15. y dulliau cynaliadwy i sicrhau dyfodol y goedwig neu’r coetir

Mae buddion cymunedol yn cynnwys:

• ymdeimlad o berchnogaeth
• dwyn pobl ynghyd
• diben cyffredin
• cymryd rhan mewn rheoli
• cynhyrchion (i’w defnyddio gan y gymuned neu i’w gwerthu)
• swyddi
• mynediad a thwristiaeth
• incwm ychwanegol

Ffactorau i’w hystyried: e.e. cyfreithiol, cost, adnoddau

Partïon â budd:

• Y rhai sy’n cymryd rhan yn uniongyrchol mewn cyfleoedd a gweithgareddau coedwigaeth gymdeithasol a chymunedol posibl
• y rhai y mae cyfleoedd a gweithgareddau coedwigaeth gymdeithasol a chymunedol posibl yn effeithio arnynt

Cyfleoedd a chyfyngiadau:

• polisïau lleol, rhanbarthol, sy’n benodol i wlad a pholisïau byd-eang
• ffactorau cyfreithiol, ffisegol, amgylcheddol, hamdden, cymunedol, ecolegol, hanesyddol, cymdeithasol, diwylliannol, esthetig ac economaidd

Peryglon posibl: e.e. tir halogedig, rhywogaethau goresgynnol

Mae buddion cymdeithasol yn cynnwys:

• gwella lles
• lleihau straen
• darparu cyfleoedd am ymarfer corff (e.e. “campfeydd gwyrdd”)
• cerdded
• cerdded cŵn
• rhedeg
• beicio
• cyfeiriannu
• ysgolion coedwig
• grwpiau tywysedig
• sgowtiaid/geidiaid ac ati
• gwylio bywyd gwyllt
• braslunio, paentio, ffotograffiaeth