Cysylltu a datgysylltu pren i lithrwr

​Mae'r safon hon yn ymwneud â chysylltu a datgysylltu pren i lithrwr.
Gall llithrwyr gynnwys llithrwr gafael neu lithrwr llinell, a chânt eu defnyddio i dynnu coed a phren allan i fan cronni a'i ddadlwytho ar gyfer ei drin a'i brosesu wedi hynny.

Mae'n rhaid eich bod yn gallu cynllunio eich gwaith a'r safle gwaith.  Mae'n rhaid i chi hefyd gynnal llwybrau tynnu allan diogel ac ardaloedd glanio pren, gan weithredu'r llythrwr yn ddiogel ac yn effeithlon gan wneud cyn lleied o niwed â phosibl i'r safle gwaith, gweddill y coed sydd yn sefyll, llwybrau, ffyrdd, draeniau a'r amgylchedd ehangach.

Wrth weithio gyda pheiriannau bydd angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer wrth wneud y gwaith hwn.

Mae'r safon hon ond yn addas ar gyfer y rheiny sydd eisoes yn gymwys i weithredu peiriant sylfaen gydag atodiadau.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu'r dulliau gwaith priodol, yn unol â'r peryglon a aseswyd
3. dewis a defnyddio offer amddiffynnol personol (PPE) priodol ar gyfer y gwaith
4. dewis, paratoi a defnyddio'r offer a'r cyfarpar priodol, yn ddiogel ac yn effeithiol
5. sicrhau bod yr holl offer wedi cael ei wirio a'i fod yn addas at y diben
6. cynnal diogelwch y peiriannau a'r offer ar y safle.  Dewis, paratoi a chynnal llwybrau mynediad ac ymadael mewn cyflwr defnyddiol
7. nodi'r pren i gael ei dynnu allan a chynllunio sut byddwch yn gwneud y gwaith
8. dewis coed unigol a lluosog wedi eu torri i lawr, polion neu bren arall i gael ei dynnu allan, yn unol â'r fanyleb
9. gosod y peiriant a chysylltu/llwytho'r pren yn ddiogel
10. codi'r pren i fyny i allu sydd yn sicrhau llithro diogel ac effeithiol
11. defnyddio'r atodiad llithro i gysylltu cynnyrch yn ddiogel ac yn effeithiol
12. codi pren i fyny yn wastad â'r peiriant, fel sy'n briodol ar gyfer y math o atodiad
13. cyfyngu maint y llwyth ar y llithrwr i osgoi niwed i'r cynnyrch, ansefydlogrwydd y peiriant, colli llwyth, neu niwed i goed sydd yn sefyll, llwybrau, ffyrdd, draeniau a'r amgylchedd ehangach
14. gosod y pren yn y lle cywir ar gyfer ymdrin a datgysylltu'r pren o'r peiriant ar ôl hynny yn ddiogel ac yn effeithiol yn y pwynt cronni
15. sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
16. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i nodi peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. gweithdrefnau'r safle yn cynnwys systemau cyfathrebu a chynlluniau brys
5. y mathau o offer a chyfarpar sydd eu hangen a sut i gynnal a defnyddio'r rhain yn ddiogel ac yn effeithiol yn unol ag argymhellion y cynhyrchydd
6. y gofynion cyfreithiol ar gyfer gwirio offer
7. pam y mae'n bwysig cynnal diogelwch a diogeledd offer a cherbydau ar y safle
8. y canllawiau presennol ar gyfer gweithredu peiriannau, parthau risg, gweithio ar uchder a chliriadau diogelwch o ddargludyddion trydan uwchben, a beth i'w wneud os bydd cyswllt â llinellau pŵer
9. goblygiadau tirwedd, cyflwr y ddaear, y tymor, y tywydd, math o bren a rhywogaethau i gysylltu/llwytho pren ar lithrwr
10. galluoedd a chyfyngiadau gallu'r llithrwr wrth gysylltu/llwytho pren, yn cynnwys cyfyngiadau llethr ac uchafswm llwyth gwaith diogel
11. sut i ddehongli manylebau cynnyrch, adnabod y math o bren a rhywogaethau a dewis categorïau cynnyrch i fodloni'r fanyleb ofynnol wrth gysylltu/llwytho pren
12. sut i gynnal sefydlogrwydd y pren a'r peiriannau wrth gysylltu/llwytho
13. sut a pham y gallai cynnyrch gael ei rannu a/neu ei raddio i fodloni manyleb ofynnol wrth gysylltu/dadlwytho
14. goblygiadau'r llwyth yn symud neu'n syrthio wrth ddatgysylltu/dadlwytho
15. sut a phryd i ddefnyddio cludwyr wrth ddadlwytho/datgysylltu llwyth
16. sut a phryd i ddefnyddio llafn logio neu blât bonyn i gronni pren sy'n cael ei dynnu allan
17. y rhagofalon ychwanegol sy'n ofynnol pan fydd pren yn cael ei gronni gerllaw ffyrdd neu lwybrau yn ymwneud â gofynion sefydlogrwydd ac arwyddion rhybudd
18. effaith bosibl eich gwaith ar yr amgylchedd a sut y gellir lleihau hyn
19. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol

​Gweithrediadau gwaith coed - torri i lawr yn glir, teneuo, clirio’r hyn a chwythwyd gan wynt a gweithrediadau pren eraill