Tynnu cynnyrch coed allan trwy graen cebl

​Mae'r safon hon yn ymwneud â thynnu cynnyrch pren allan gyda chraen cebl.  Bydd hyn yn cynnwys rigio craen cebl, paratoi peiriannau gweithredu a defnyddio'r system i dynnu cynnyrch pren allan mewn amgylchedd coedwig neu goetir.

Mae hyn yn cynnwys cynllunio eich gwaith a'r safle gwaith, yn cynnwys asesu, sefydlu a rigio'r system fel eich bod yn gweithredu'r craen cebl yn ddiogel ac yn effeithlon gyda'r niwed lleiaf i'r amgylchedd.  Gall cynnyrch pren gynnwys coed cyfan, polion hir, boncyffion a phren byr arall.

Mae'n rhaid eich bod yn gallu gweithredu'r craen cebl o fewn ei derfynau gweithredu dros amrywiaeth o amodau tir, mewn cydweithrediad â gweithredwyr eraill fel y dyn sy'n gweithredu'r gadwyn.

Wrth weithio gyda pheiriannau bydd angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol, yn unol â'r peryglon a aseswyd
3. dewis, paratoi a defnyddio'r offer amddiffynnol personol (PPE) priodol ar gyfer y gwaith
4. dewis, paratoi a defnyddio'r offer a'r cyfarpar priodol, yn ddiogel ac yn effeithiol
5. sicrhau bod yr offer i gyd wedi cael ei wirio a'i fod yn addas at y diben
6. cynnal diogelwch peiriannau ac offer ar y safle
7. paratoi a chadw llwybrau mynediad ac ymadael mewn cyflwr defnyddiol
8. sicrhau bod niwed i'r safle gwaith, unrhyw goed sydd yn dal i sefyll, llwybrau, ffyrdd, draeniau a'r amgylchedd ehangach yn cael eu cadw o fewn terfynau penodedig
9. gwneud gwaith cynnal a chadw, gwiriadau cyn cychwyn a gosod y peiriant ar gyfer ei ddefnyddio fel mater o drefn
10. gyrru a llywio'r peiriant mewn ffordd ddiogel ac effeithiol, o fewn cyfyngiadau'r safle
11. sefydlu a rigio'r craen cebl i dynnu cynnyrch pren allan, yn unol â chanllawiau'r cynhyrchydd a'r diwydiant
12. codi ac angori'r tŵr lle y bo'n briodol
13. rigio ac angori'r fraich ôl, gan nodi rhaffau a phwyntiau angori addas
14. gosod cludwr nenlinell
15. plethu weiar fel mater o drefn
16. cynnal gwaith tîm a chyfathrebu effeithiol gydag aelodau eraill o'r tîm gan ddefnyddio dull priodol
17. cadw'r cynnyrch pren sydd wedi eu tynnu allan sydd yn glanio i'r maint y gall y peiriannau, fel anfonwr neu brosesydd/cynaeafwr ymdrin â nhw
18. gweithredu'r craen cebl i dynnu'r cynnyrch pren allan yn unol â chyfyngiadau'r safle, mewn ffordd ddiogel ac effeithiol
19. sicrhau bod sefydlogrwydd y craen cebl yn cael ei gynnal
20. sicrhau bod y safle'n cael ei adael mewn cyflwr sy'n bodloni'r gofynion amgylcheddol, yn unol â'r fanyleb
21. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. gweithdrefnau'r safle yn cynnwys systemau cyfathrebu a chynlluniau brys
5. y mathau o offer a chyfarpar sydd yn ofynnol a sut i gynnal a defnyddio'r rhain yn ddiogel ac yn effeithiol yn unol ag argymhellion y cynhyrchydd
6. y gofynion cyfreithiol ar gyfer gwirio offer
7. pam y mae'n bwysig cynnal diogelwch a diogeledd offer a cherbydau ar y safle
8. y canllawiau cyfredol ar weithredu peiriannau, parthau risg a chliriadau diogelwch o ddargludyddion trydan uwchben, a beth i'w wneud os bydd cyswllt â llinellau pŵer
9. goblygiadau gweithio ar uchder mewn perthynas â rigio craen cebl
10. sut i sefydlu a rigio braich artiffisial
11. sut i rigio cebl onglog a phryd byddai'n briodol i ddefnyddio winsio onglog
12. sut i rigio cymorth canolraddol a phryd byddai'n briodol gwneud hynny
13. sut i sefydlu a rigio cymorth artiffisial
14. sut i sefydlu angorwyr daear a'u heffeithiolrwydd
15. sut i atgyweirio'r brif nenlinell a rhaffau weiar
16. pwysigrwydd gwaith onglog pan fydd yr ardal lanio wedi ei chyfyngu
17. manteision ac anfanteision cadwyni rhyddhau'n gyflym a chymhorthion ac offer cadwyno
18. y mathau o gludwr nenlinell
19. goblygiadau tynnu cynnyrch pren gwahanol allan
20. y nodweddion a'r technegau gwahanol ar gyfer tynnu cynnyrch pren allan trwy graen cebl gyda systemau gweithredu gwahanol
21. galluoedd a chyfyngiadau'r system craen cebl a ddefnyddir, yn cynnwys cyfyngiadau llethr, hyd y pren sy'n cael ei lwytho ac uchafswm y llwyth gwaith diogel
22. goblygiadau amodau'r ddaear, y tymor a'r tywydd ar dynnu cynnyrch pren allan gyda chraen cebl
23. manteision ac anfanteision tynnu allan i fyny ac i lawr llethr
24. effaith bosibl eich gwaith ar yr amgylchedd a sut y gellir lleihau hyn
25. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch

​Tynnu un neu fwy o'r cynnyrch pren canlynol allan:

• coed cyfan
• polion hir
• boncyffion a phren byr arall

Cyfathrebu gydag aelodau eraill y tîm gan ddefnyddio un neu fwy o'r canlynol:

• arwyddion llaw
• radio dwy ffordd
• penwarau