Pren cadwyn ar gyfer ei dynnu allan

​Mae'r safon hon yn ymwneud â chadwyno pren ar gyfer ei dynnu allan gyda chraen cebl neu winsh. Agwedd bwysig ar y gwaith hwn yw'r cyfathrebu rhwng y dyn sy'n cadwyno a gweithredwr y winsh neu'r craen cebl.

Wrth weithio gyda pheiriannau mae angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â'r ddeddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

Mae'r safon hon ar gyfer pawb sydd yn gysylltiedig â gweithio fel rhan o dîm i dynnu coed neu eu torri i lawr neu bren mewn amgylchedd coedwig neu goetir.

1. ​asesu'r peryglon sydd yn gysylltiedig â'r safle a'r gwaith arfaethedig
2. dewis a gweithredu dulliau gwaith priodol, yn unol â'r peryglon a aseswyd
3. dewis a defnyddio'r offer amddiffynnol personol (PPE) priodol ar gyfer y gwaith
4. dewis, paratoi a defnyddio'r offer a'r cyfarpar priodol, yn ddiogel ac yn effeithiol
5. sicrhau bod yr holl offer wedi cael ei wirio a'i fod yn addas at y diben
6. cynnal diogelwch y peiriannau a'r offer ar y safle
7. nodi a dewis pren i'w dynnu allan, yn unol â'r fanyleb a chynllunio'r ffordd y byddwch yn gwneud y gwaith
8. sicrhau bod gan y cebl ddiamedr a hyd digonol ar gyfer y llwyth a'r pellter tynnu
9. cynnal gwaith tîm a chyfathrebu effeithiol gydag aelodau eraill o'r tîm, gan ddefnyddio dull priodol
10. gwneud gwiriadau gweledol parhaus ar gebl y winsh a chydrannau'r derfynell ac offer ategol
11. pren cadwyn ar gyfer tynnu allan, fel y bo'n briodol, i sicrhau winsio diogel ac effeithiol
12. sicrhau bod pren mewn safle diogel cyn rhyddhau'r cadwyni, a chysylltu'r llwyth i'r winsh, os yw'n llithro
13. dilyn arfer da amgylcheddol fel y nodir gan eich sefydliad a'r diwydiant, a lleihau niwed amgylcheddol
14. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. gweithdrefnau'r safle yn cynnwys systemau cyfathrebu a chynlluniau brys
5. y mathau o offer a chyfarpar sy'n ofynnol a sut i gynnal a defnyddio'r rhain yn ddiogel ac yn effeithiol
6. y gofynion cyfreithiol ar gyfer gwirio offer
7. pam y mae'n bwysig cynnal diogelwch a diogeledd peiriannau a chyfarpar ar y safle
8. y canllawiau cyfredol ar weithredu peiriannau, parthau risg a chliriadau diogelwch o ddargludyddion trydan uwchben, a beth i'w wneud os bydd cyswllt â llinellau pŵer
9. goblygiadau'r tir, amodau'r ddaear, y tymor, y tywydd, math o bren a rhywogaeth ar gadwyno pren ar gyfer ei dynnu allan
10. y gwiriadau angenrheidiol a wneir gan y gweithredwr fel sy'n ofynnol gan ddeddfwriaeth berthnasol, cyn ac ar ôl defnyddio, yn cynnwys nodi faint o lwyth y gall yr offer ei gario
11. addasrwydd, galluoedd a chyfyngiadau'r peiriannau a ddefnyddir ac uchafswm diogel y llwyth gwaith, fel sy'n ofynnol gan ddeddfwriaeth
12. y problemau, y peryglon a'r risgiau ychwanegol a gyflwynir trwy weithio ar lethrau serth a chyfyngiadau eich galluoedd eich hunain wrth gadwyno pren ar gyfer ei dynnu allan
13. sut i ddehongli manylebau cynnyrch, adnabod y math o bren a'r rhywogaethau a dewis y categorïau cynnyrch i fodloni'r fanyleb sy'n ofynnol wrth gadwyno pren ar gyfer ei dynnu allan
14. y dulliau amrywiol o gadwyno polion, bôn gyntaf a phen gyntaf, yn cynnwys y safle cysylltu gorau ar gyfer y cadwynau ar y pren
15. y mathau o gadwynau a'r cysylltiadau cadwyno ar gyfer tynnu pren allan a'r dulliau cêbl sydd ar gael
16. y pwyntiau ychwanegol i'w hystyried wrth gadwyno coesau lluosog
17. yr arwyddion a'r dulliau o roi arwyddion i weithredwr y winsh neu'r rheolwr hanner ffordd
18. sut i ymdrin â phren sydd wedi dod ar draws rhwystr pan fydd yn cael ei winsio i mewn
19. effaith llwythi wedi eu cadwyno'n wael neu â siâp lletchwith ar dynnu allan ar linell weiar
20. effaith bosibl eich gwaith ar yr amgylchedd a sut y gellir lleihau'r rhain
21. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol

​Gall pren fod yn goesau unigol a lluosog

Cyfathrebu gydag aelodau eraill o'r tîm gan ddefnyddio un neu fwy o'r canlynol:

• arwyddion llaw
• radio dwy ffordd
• enwarau

Cynnal gwiriadau gweithredwr:

• cebl a'i derfynell
• strapiau
• pwlis
• hualau
• bachau
• cadwyni
• defnydd o ganllawiau cynhyrchwyr

Defnyddio cebl weiar neu weolyn/rhaff

​Pren cadwyn – y defnydd o gadwyn sy’n tynhau’n awtomatig ac na fydd yn dadwneud