Prosesu pren gan ddefnyddio peiriannau bwydo â llaw

​Mae'r safon hon yn ymwneud â phrosesu pren gan ddefnyddio peiriannau bwydo â llaw.

Mae'r safon hon yn berthnasol i'r rheiny sy'n gweithio gyda pheiriannau bwydo â llaw fel y canlynol: mainc llif symudol, prosesydd coed tân, holltwr polyn, peiriant hogi, pliciwr (tynnu rhisgl) neu asglodiwr pren, i brosesu pren mewn i ystod eang o gynnyrch.

Wrth weithio gyda pheiriannu mae angen eich bod wedi cael yr hyfforddiant priodol, ac yn meddu ar ardystiad cyfredol lle y bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r ddeddfwriaeth a'r codau ymarfer perthnasol wrth wneud y gwaith hwn.

---

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol yn unol â'r peryglon a aseswyd
3. dewis a defnyddio offer amddiffynnol personol (PPE) priodol ar gyfer y gwaith
4. dewis, paratoi a defnyddio offer a chyfarpar priodol, yn ddiogel ac yn effeithiol
5. cadarnhau bod yr holl offer wedi cael ei wirio a'i fod yn addas at y diben
6. cynnal diogelwch peiriannau ac offer ar y safle
7. gwneud gwaith cynnal, gwiriadau cyn cychwyn a gosod y peiriant ar gyfer ei ddefnyddio fel mater o drefn
8. gosod a sefydlu'r peiriant mewn perthynas â'r safle gwaith a'r deunyddiau i gael eu prosesu
9. prosesu pren gan ddefnyddio peiriannau bwydo â llaw, yn unol â'r fanyleb
10. pentyrru cynnyrch yn ddiogel ac mewn safle sy'n hwyluso eu trin wedi hynny, lle y bo'n briodol
11. sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
12. sicrhau bod cronni pren wedi ei brosesu ac is-gynnyrch o fewn y terfynau a nodwyd ac nad yw'n effeithio ar ddiogelwch y safle
13. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

---

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. gweithdrefnau'r safle yn cynnwys systemau cyfathrebu a chynlluniau brys
5. y mathau o offer a chyfarpar sy'n ofynnol a sut i gynnal a defnyddio'r rhain yn ddiogel ac yn effeithiol yn unol ag argymhellion y cynhyrchydd
6. y gofynion cyfreithiol ar gyfer gwirio offer
7. pam y mae'n bwysig cynnal diogelwch a diogeledd peiriannau ac offer ar y safle
8. yr angen am a buddion cynnal gwiriadau gweithredwr fel mater o drefn a gwaith cynnal a chadw yn unol ag argymhellion y cynhyrchydd
9. galluoedd a chyfyngiadau'r peiriannau a ddefnyddir
10. y mathau gwahanol o beiriannau prosesu pren trwy fwydo â llaw sydd ar gael a'u defnydd
11. goblygiadau tirwedd, cyflwr y ddaear, y tymor a thywydd ar ardaloedd gwaith a phentyrru, ac ar y defnydd o beiriannau
12. y canllawiau cyfredol ar weithredu peiriannau, parthau perygl a chliriadau diogelwch o ddargludyddion trydan uwchben, a beth i'w wneud os bydd cyswllt â llinellau pŵer
13. sut i sefydlu ardal waith ar gyfer prosesu pren, yn cynnwys safle'r prosesydd pren, y pren sy'n barod i gael ei drosi a'r ardaloedd pentyrru'r cynnyrch a'r isgynnyrch
14. goblygiadau trosi pren hir ar weithrediad y peiriant, yn cynnwys cynhyrchu cynnyrch hir fel rheiliau hollt ar lif cylch
15. y dulliau o raddio, pentyrru ac ymdrin â chynnyrch ac is-gynnyrch, â llaw a chyda chymorth peiriannau trin
16. y pellterau gweithio diogel rhwng peiriannau wrth weithio'n agos at beiriannau eraill
17. effeithiau posibl eich gwaith ar yr amgylchedd a sut y gellir lleihau'r rhain
18. eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol

---

---

---

---

---

---

---

---

---

---

---

2021

---

Ar hyn o bryd

---

Gwreiddiol

---

Lantra

---

LANTw40

---

Coedyddiaeth a choedwigaeth, Gweithredwyr llifau cadwyn a pheiriannau coedwigoedd

---

---

pren; proses; peiriannau; mainc llif symudol; prosesydd coed tân; holltwr polyn; peiriant hogi; pliciwr; peiriant tynnu rhisgl; asglodiwr pren

---