Prosesu coed wedi eu torri i lawr yn fecanyddol
Trosolwg
Mae'r safon hon yn ymwneud â phrosesu coed wedi eu torri i lawr yn fecanyddol mewn coedwigoedd a choetir. Bydd hyn yn cynnwys paratoi, gyrru a symud y peiriant.
Gellir cyflawni'r gweithrediad hwn hefyd yn gyfan gwbl wrth gynaeafu coed gan ddefnyddio pen cynaeafu a phrosesu ar y cyd.
Nid yw proseswyr coed tân a pheiriannau tebyg wedi eu cynnwys.
Mae'r safon hon yn cynnwys tynnu canghennau a/neu drosi pren (traws-dorri) er mwyn ei drin wedi hynny ac mae'n cynnwys gweithio yn unol â manyleb i gael y budd mwyaf a lleihau colli neu niweidio cynnyrch.
Gall fod angen torri canghennau coed mawr neu wedi eu cam-ffurfio gyda llif gadwyn wrth eu prosesu.
Wrth weithio gyda pheiriannau mae angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth gyfredol.
Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.
Mae'r safon hon ond yn addas ar gyfer y rheiny sydd eisoes yn gymwys i weithredu peiriant sylfaen gydag atodiadau.
Meini prawf perfformiad
Mae'n rhaid eich bod chi'n gallu:
- asesu'r peryglon sy'n gysylltiedig â'r safle a'r gwaith arfaethedig
- dewis a gweithredu'r dulliau gwaith priodol, yn unol â'r peryglon a aseswyd
- dewis a defnyddio'r offer amddiffynnol personol (PPE) priodol ar gyfer y gwaith
- dewis, paratoi a defnyddio'r offer a'r cyfarpar priodol, yn ddiogel ac yn effeithiol
- cynnal diogelwch peiriannau ac offer ar y safle
- dewis, paratoi a chadw mynediad a llwybrau allan mewn cyflwr defnyddiol
- sicrhau bod niwed i'r safle gwaith, unrhyw goed sydd yn dal i sefyll, llwybrau, ffyrdd, draeniau a'r amgylchedd ehangach yn cael ei gadw o fewn terfynau penodedig
- nodi'r coed sydd wedi eu torri i lawr i gael eu prosesu a gosod y peiriant prosesu i mewn i ardal bentyrru'r cynnyrch
- dewis dull prosesu sy'n berthnasol i faint a chyflwr y goeden a'r fanyleb a roddwyd
- torri canghennau coed, gan sicrhau bod yr ansawdd o fewn y terfynau penodedig
- traws-dorri coed yn ddiogel ac yn effeithiol, i fanyleb, gan osgoi holltau
- pentyrru a gwahanu pren i hwyluso'r gwaith o'u tynnu, yn cynnwys rhoi malurion yn glir o barth y pren
- sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
- cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol
Gwybodaeth a Dealltwriaeth
You need to know and understand:
- sut i nodi peryglon ac asesu risg
- sut i ddehongli asesiadau risg
- sut i ddewis, defnyddio a gofalu am offer amddiffynnol personol (PPE)
- gweithdrefnau’r safle yn cynnwys systemau cyfathrebu a chynlluniau brys
- y canllawiau cyfredol ar weithredu peiriannau, parthau risg, gweithio ar uchder a chliriadau diogelwch o ddargludyddion trydan uwchben a beth i’w wneud os bydd cyswllt â llinellau pwer
- y mathau o offer a chyfarpar sy’n ofynnol a sut i gynnal a defnyddio’r rhain yn ddiogel ac yn effeithiol yn unol ag argymhellion y cynhyrchydd
- y gofynion cyfreithiol ar gyfer gwirio offer
- pam y mae’n bwysig cynnal diogelwch a diogeledd offer a cherbydau ar y safle
- galluoedd a chyfyngiadau’r peiriannau a ddefnyddir yn cynnwys cyfyngiadau llethr
- sut i adnabod a dethol rhywogaethau coed a’r maint i fodloni’r fanyleb ofynnol wrth brosesu
- sut i dynnu aelodau coed wedi eu cam-ffurfio
- goblygiadau prosesu coed drylliedig, afiach, pwdr, marw neu goed eraill wedi eu cam-ffurfio
- sut i ymdrin â choed â bonion na ellir cael mynediad iddynt
- y gweithdrefnau ar gyfer gosod hyd boncyffion, goddefiadau ac isafswm diamedrau uchaf, sy’n briodol ar gyfer y peiriant
- sut i adfer gwybodaeth am gynnyrch unigol a chronnol
- sut i wneud gwiriadau rheolaidd ar fanyleb pren wedi ei brosesu yn ystod y gweithrediad a sut i adnabod camweithio cyn ac yn ystod y gweithrediad
sut i wirio a hogi’r cyllyll tynnu canghennau a pham y mae angen gosod y proffil ar y cyllyll
sut i wirio a hogi’r mecanwaith traws-dorri a’r gweithdrefnau i sicrhau bod y gweithredwr wedi ei ddiogelu
effaith bosibl eich gwaith ar yr amgylchedd a sut y gellir lleihau hyn
eich cyfrifoldebau yn unol â deddfwriaeth a chodau ymarfer amgylcheddol ac iechyd a diogelwch perthnasol
Cwmpas/ystod
Sut i ddefnyddio un o'r proseswyr canlynol:
- proseswyr gwely
- proseswyr gafael
- proseswyr bŵm trawiad/ dychweliadol
Sut i baratoi'r ddaear trwy greu matiau malurion i leihau niwed i'r ddaear a chynorthwyo nofiant.
Gosodiadau peiriannau:
- addasiadau i gyd-fynd â'r gwaith
- systemau mesur cynhwysol
- cael data safle a chynhyrchu
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Coed wedi eu cam-ffurfio: coed â changhennau garw, fforchog, aml-goes a/neu wedi plygu
Coed â bonion anhygyrch: coed wedi eu chwythu gan wynt neu lle mae coed wedi eu torri i lawr mewn cyfeiriad gwrthwynebol
Cynnyrch unigol a chronnol: nifer y darnau a meintiau pob manyleb
Paratoi'r safle yn cynnwys paratoi ar gyfer cyrsiau dŵr sy'n croesi a'r defnydd o rampiau ac ati