Goruchwylio gweithrediadau coedyddiaeth yn agos at gyfleustodau uwchlaw’r ddaear

​Mae'r safon hon yn ymwneud â goruchwylio gweithrediadau coedyddiaeth yn agos at gyfleustodau uwchlaw'r ddaear, h.y. gwaith sy'n gysylltiedig â, neu'n agos at, wasanaethau a chyfleustodau yn cynnwys cyfleustodau uwchben.

Mae'r safon yn cynnwys goruchwylio rheolaeth wedi ei chynllunio o goed a llystyfiant o amgylch y cyfleustod uwchlaw'r ddaear er mwyn iddo barhau i weithredu'n ddiogel ac yn effeithiol. Bydd y gwaith hwn yn cynnwys paratoi a gweithredu'r gwaith gofynnol yn ddiogel gan roi ystyriaeth ddyledus i'r peryglon cysylltiedig. Mae'n rhaid i'r rheiny sydd yn gysylltiedig â'r alwedigaeth hon fod yn ymwybodol o'r peryglon sydd yn gysylltiedig â gwaith y cyfleustod, yn arbennig peryglon trydanol.

Wrth weithio gyda pheiriannau mae angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

1. ​cynnal asesiad perygl a risg o'r safle cyn gweithrediadau coedyddiaeth yn agos at gyfleustodau uwchlaw'r ddaear
2. gweithredu'r mesurau rheoli priodol yn unol â safonau deddfwriaethol, diwydiant a phenodol i gyfleustodau priodol gan sicrhau defnydd cywir o offer a chyfarpar amddiffynnol  personol (PPE)
3. sicrhau bod yr arwyddion a'r rheolyddion gwarchod gofynnol yn eu lle
4. adnabod cyfarpar a pharthau diogelwch sy'n benodol i gyfleustod, sydd â'r potensial i ymyrryd â gweithrediadau
5. rheoli'r defnydd o offer arbenigol sydd yn addas ar gyfer y gweithrediad coedyddiaeth yn agos at gyfleustodau uwchlaw'r ddaear ac unrhyw strwythurau cyfleustodau
6. rheoli'r gwaith cynnal a chadw a gweithrediad offer arbenigol yn unol â'r paramedrau a nodir gan y cynhyrchydd a'r cyfleustod
7. goruchwylio'r gweithrediad coedyddiaeth i sicrhau bod llai o lystyfiant yn effeithio ar gyfleustodau uwchlaw'r ddaear
8. sicrhau bod y dulliau gwaith yn unol â'r peryglon a aseswyd
9. goruchwylio'r gwaith i sicrhau bod y cyfarwyddiadau gwaith yn cael eu dilyn
10. sefydlu cynlluniau brys wrth gefn
11. atal dros dro, atal neu adolygu gwaith, fel y bo'n briodol, er mwyn cynnal eich diogelwch eich hun ac eraill
12. sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
13. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

1. ​sut i baratoi cynlluniau a gweithdrefnau wrth gefn sy'n berthnasol i'r safle a pham y mae angen y rhain
2. sut i adnabod peryglon ac asesu risg
3. sut i ddehongli asesiadau risg
4. sut i ddewis, defnyddio a gofalu am offer amddiffynnol personol (PPE)
5. lefel y risg a gyflwynir gan goed a llystyfiant naill ai drwy eu cyflwr biofecanyddol a/neu eu hagosatrwydd at y cyfleustod uwchlaw'r ddaear
6. sut i werthuso'r goeden am beryglon a goblygiadau'r peryglon a nodir
7. effaith debygol gwaith arfaethedig y cyfleustod uwchlaw'r ddaear ar goed a llystyfiant
8. y defnydd o offer diogelwch priodol sy'n benodol i'r cyfleustod perthnasol a'r offer ar gyfer gweithredu
9. y gofynion cyfreithiol ar gyfer gwirio offer
10. y peryglon a'r risgiau posibl sy'n gysylltiedig â gweithio'n agos at y cyfleustod uwchlaw'r ddaear, yn cynnwys unrhyw strwythurau cysylltiedig a'r pellterau diogelwch a'r defnydd o offer
11. ymddangosiad esthetig gorau'r coed neu'r llystyfiant wrth wneud gwaith gerllaw'r cyfleustodau neu strwythurau'r cyfleustod
12. y gofynion deddfwriaethol perthnasol a diben dogfennau diogelwch penodol i gyfleustod
13. y goblygiadau i rywogaethau gwahanol o goed, eu cyflwr a'r amser o'r flwyddyn wrth gynllunio gweithrediadau tocio a sut y bydd y rhain yn effeithio ar y gwaith
14. egwyddorion bioleg coed a goblygiadau dwysedd lleihau a theneuo corun ar rywogaethau gwahanol o goed
15. sut i ddatrys gwrthdaro rhwng cadw estheteg a bodloni gofynion perchennog y cyfleustod neu ddeiliad y drwydded
16. pwysigrwydd nodi, diffinio a chynnal parthau gwaith diogel a llwybro planhigion, offer a chyfarpar yn briodol
17. eich cyfrifoldebau yn goruchwylio'r gwaith
18. pwysigrwydd adolygu'r gwaith yn rheolaidd a pham y gall fod angen ei atal dros dro neu ei atal
19. effaith bosibl y gwaith ar yr amgylchedd a sut y gellir lleihau hyn
20. eich cyfrifoldebau yn unol â deddfwriaeth a chodau ymarfer amgylcheddol perthnasol

​Gweithio yn y sefyllfaoedd canlynol:

• safleoedd gyda choed gerllaw cyfleustodau
• coed gyferbyn â strwythurau cyfleustodau