Datblygu cynllun rheoli coetir

Mae’r safon hon yn ymwneud â’r gweithgareddau sy’n ofynnol i ddatblygu cynllun rheoli coetir.

I ddatblygu cynllun rheoli coetir, bydd angen nodi nodweddion ac agweddau allweddol ar y coetir, i benderfynu ar yr amcanion rheoli allweddol sy’n ofynnol a chynllunio sut bydd y rhain yn cael eu cyflawni a’u monitro.

Bydd angen i chi ystyried unrhyw gyfyngiadau sy’n effeithio ar y gwaith, e.e. safleoedd dynodedig, presenoldeb strwythurau rhestredig, bywyd gwyllt, rhywogaethau estron goresgynnol neu rywogaethau gwarchodedig, ac ati.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

1. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
2. asesu’r risgiau sy’n gysylltiedig â’r safle wrth gynnal arolwg o safle yn unol â gweithdrefnau sefydliadol
3. gwirio unrhyw ddynodiadau neu ofynion statudol sydd ar waith a allai atal neu osod amodau ar y gwaith i'w gyflawni a chysylltu â’r corff statudol perthnasol i gael cydsyniad ffurfiol
4. gwirio a oes angen Asesiad o’r Effaith Amgylcheddol a sut i wneud cais amdano
5. cynnal arolwg o’r safle i ddarparu gwybodaeth allweddol i gynllun rheoli’r coetir
6. darparu cyfeirnod grid a mesur a chofnodi maint y safle gan ddefnyddio’r cyfarpar perthnasol a ffynonellau gwybodaeth
7. nodi llwybrau mynediad i’r coetir, gan ystyried eu haddasrwydd ar gyfer echdynnu pren a’r camau sy’n ofynnol i’w gwella
8. nodi a chofnodi strwythur ac amrywiaeth bresennol y coetir
9. nodi a chofnodi nodweddion arwyddocaol
10. nodi a chofnodi unrhyw risgiau neu broblemau
11. nodi ac ymgysylltu â rhanddeiliaid allweddol
12. cadarnhau diben, cwmpas ac amcanion ar gyfer y coetir fydd yn cael ei reoli, gan gynnwys amcanion amgylcheddol, cymdeithasol ac economaidd
13. penderfynu ar strategaeth reoli hirdymor wedi’i llunio i gyflawni/cynnal strwythur amrywiol o gynefin, rhywogaethau ac oedrannau coed sy’n briodol i raddfa a chyd-destun y coetir
14. cadarnhau bod y strategaeth yn mynd i’r afael â’r amcanion a sut mae buddiannau a phroblemau perthnasol wedi cael eu hystyried
15. datblygu cynlluniau gweithredol ar gyfer rheoli coetir yn gynaliadwy, gan gynnwys cwympo coed ac ailstocio
16. cynhyrchu costiadau i’r cynllun, gan gynnwys costau cychwynnol a chostau gweithredu parhaus, ffynonellau incwm a ffynonellau cyllid posibl
17. penderfynu sut bydd effeithiolrwydd cynllun rheoli’r coetir yn cael ei fonitro a pha mor aml
18. cyflwyno cynllun rheoli’r coetir a dogfennaeth ategol yn y fformat priodol i’r awdurdod perthnasol eu cymeradwyo
19. cwblhau a storio’r holl ddogfennaeth berthnasol yn unol â gofynion cyfreithiol a sefydliadol

1. sut i nodi peryglon ac asesu’r risgiau sy’n gysylltiedig â gwneud arolwg o’r safle, a’r gweithdrefnau iechyd a diogelwch a’r Systemau Gweithio Diogel perthnasol – gan gynnwys gweithio ar eich pen eich hun, lle bo’n briodol
2. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
3. pryd bydd angen cynllun rheoli coetir a’r broses i’w dilyn
4. pryd bydd angen Asesiad o’r Effaith Amgylcheddol
5. sut i wirio a oes unrhyw ddynodiadau neu ofynion statudol ar waith a’r gofynion am gysylltu â’r corff statudol
6. y cyfrifoldebau cyfreithiol yn gysylltiedig â rhywogaethau coetir gwarchodedig, rheoli’r coetir a mynediad i’r coetir
7. ble i gael gwybodaeth am lwybrau mynediad presennol i’r safle a llwybrau mynediad arfaethedig
8. amrywiaeth o dechnegau cynnal arolwg a dulliau casglu data a sut i’w defnyddio, gan gynnwys ffynonellau data sylfaenol ac eilaidd
9. sut i ddarllen mapiau’r Arolwg Ordnans, defnyddio cyfarpar GPS a mesur ardaloedd o fapiau a maint y safle o’r tir
10. pwysigrwydd cael amrywiaeth o rywogaethau coed a gwneud stocrestr o goed presennol
11. sut i nodi a choladu gwybodaeth am nodweddion arwyddocaol ac ystyried eu heffaith
12. sut i nodi a choladu gwybodaeth am risgiau a phroblemau ac ystyried eu heffaith
13. pwysigrwydd nodi ac ymgynghori â’r holl randdeiliaid a sut gellir gwneud hyn
14. diben, cwmpas ac amcanion y coetir sydd i’w reoli
15. gwerth amgylcheddol, cymdeithasol ac economaidd rheoli coetir yn gynaliadwy
16. sut i benderfynu ar strategaeth hirdymor ar gyfer y coetir a beth sydd angen ei gynnwys
17. sut i gynnwys agweddau allweddol mewn cynlluniau rheoli coetir gweithredol
18. pwysigrwydd monitro llwyddiant cynllun rheoli’r coetir a sut i benderfynu ar y dull mwyaf effeithiol ar gyfer hyn
19. y weithdrefn ar gyfer cyflwyno cynllun rheoli’r coetir i’w gymeradwyo
20. y gofynion cyfreithiol a sefydliadol ar gyfer cwblhau a storio dogfennaeth

Risgiau neu broblemau:

• presenoldeb ceirw neu wiwerod llwyd
• presenoldeb da byw neu famaliaid eraill
• iechyd cyffredinol planhigion
• y potensial i wrthsefyll y newid yn yr hinsawdd
• unrhyw fygythiadau neu beryglon eraill

System Weithio Ddiogel (SSoW) – dyma ddull gweithio sy’n rhoi mesurau rheoli ar waith sy’n deillio o asesiad risg, er mwyn rheoli peryglon a nodwyd, a rhennir y mesurau hyn yn bedair elfen: person diogel; cyfarpar diogel; lle diogel; ac arfer diogel.

Nodweddion arwyddocaol:

• priddoedd, draenio
• ffynonellau dŵr
• agweddau hanesyddol, gan gynnwys defnydd yn y gorffennol
• fflora ar lawr, rhywogaethau trechol ac unrhyw rywogaethau a warchodir neu rywogaethau goresgynnol
• ffawna, yn enwedig unrhyw rywogaethau prin neu nodedig
• nodweddion archaeolegol
• unrhyw nodweddion arwyddocaol eraill
• gwerth amgylcheddol, cymdeithasol ac economaidd y safle

Gallai rhanddeiliaid gynnwys:

• cymdogion
• awdurdod lleol
• cyrff statudol
• defnyddwyr hamdden y safle
• partïon eraill â budd

Strwythur ac amrywiaeth y coetir:

• math o gynefin
• oedran, rhywogaeth, dwysedd, tarddiad a dosbarthiad coed presennol
• stocio, cyfansoddiad a chyflwr unrhyw adfywio naturiol
• mannau agored