Cynnal gwaith rigio coed o’r awyr

URN: LANTw31
Sectorau Busnes (Cyfresi): Gwaith coed
Datblygwyd gan: Lantra
Cymeradwy ar: 2017

Trosolwg

​Mae'r safon hon yn ymwneud â chynnal gwaith rigio coed o'r awyr.  Mae'n cynnwys symud adrannau o gorun coeden o dan reolaeth offer rigio a chodi gyda rhaff. Bydd y gwaith yn cael ei wneud gan weithredwr â phrofiad helaeth o goedyddiaeth a gweithrediadau llif gadwyn mewn canopi.

Fel rhan o'r safon hon, byddwch yn cynnal asesiad o beryglon coeden ac asesiad "gweithio ar uchder" o bennu a yw'n ddiogel gwneud y gwaith ac i bennu'r dull mynediad mwyaf diogel ac effeithiol.

Mae'n rhaid i'r gwaith awyr hwn gael ei gynorthwyo gan weithiwr ar y ddaear â phrofiad sylweddol o waith coed o'r awyr a thechnegau rigio.

Mae'r safon hon yn cynnwys defnyddio rigio ar gyfer symud adrannau bach o goed. Mae hyn mewn perthynas â thocio, lle gallai'r targedau islaw gyflwyno perygl sylweddol, ac mae'n cynnwys dileu rhan o goed/coed cyfan, lle nad yw targedau'n galluogi technegau syrthio rhydd/taflu â llaw.

Wrth weithio gyda pheiriannau mae angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.


Meini prawf perfformiad

Mae'n rhaid eich bod chi'n gallu:

  1. ​asesu'r peryglon sydd yn gysylltiedig â'r safle a'r gwaith arfaethedig, yn cynnwys gweithio ar uchder
  2. cynllunio a gweithredu cynllun achub a diweddaru hwn yn ystod y gwaith
  3. dewis a gweithredu dulliau gweithio priodol yn unol â'r peryglon a aseswyd
  4. dewis a defnyddio offer amddiffynnol personol (PPE) priodol ar gyfer y gwaith
  5. bodloni'r gofynion deddfwriaethol a sefydliadol amgylcheddol a nodwyd mewn perthynas â rigio coed o'r awyr
  6. dewis a defnyddio dulliau mynediad a gosod sy'n briodol i'r peryglon a aseswyd a'r datganiad dull
  7. archwilio offer mynediad er mwyn sicrhau ei fod yn ddiogel ac yn addas i'w ddefnyddio yn unol â chyfarwyddiadau'r cynhyrchydd a'r ddeddfwriaeth berthnasol
  8. cyfrifo'r llwythau disgwyliedig y bydd angen i'r rigio eu cymryd, o fewn ei ffactorau dylunio/diogelwch a dewis cydrannau addas i ffurfio'r system rigio
  9. asesu'r safle a dewis pwyntiau angori ar gyfer y cydrannau rigio gan ystyried y llwyth disgwyliedig, y criw ar y ddaear, pwyntiau angori eraill, safle'r offer mynediad, y parth gollwng a gynlluniwyd a'r ardal brosesu
  10. tynnu adrannau o'r goeden y gellir eu gollwng gan ddefnyddio toriadau addas, gan leihau llwythau sioc yn y system rigio
  11. cyfathrebu â'r staff ar y ddaear mewn perthynas ag ymddangosiad a chynnydd y gweithrediad
  12. ymdrin yn briodol â'r deilliannau
  13. sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
  14. cynnal eich iechyd a'ch diogelwch eich hun ac eraill yr holl amser, yn unol â'r ddeddfwriaeth berthnasol

Gwybodaeth a Dealltwriaeth

You need to know and understand:

  1. ​sut i adnabod peryglon ac asesu risg
  2. sut i ddehongli asesiadau risg
  3. y mesurau rheoli i'w gweithredu ar gyfer y peryglon cysylltiedig, yn cynnwys gweithio ar uchder
  4. sut i ddewis, defnyddio a gofalu am offer amddiffynnol personol (PPE)
  5. cynlluniau a gweithdrefnau brys sy'n berthnasol i'r safle
  6. sut i ddewis, paratoi a defnyddio offer a chyfarpar priodol, yn ddiogel ac yn effeithiol yn unol ag argymhellion y cynhyrchydd
  7. y gofynion cyfreithiol ar gyfer gwirio offer
  8. sut i werthuso'r goeden am beryglon a goblygiadau'r peryglon a nodir
  9. sut i gyfrifo'r llwythau disgwyliedig sy'n cael eu creu gan y rigio
  10. sut i ddewis cydrannau addas i ffurfio system rigio sy'n briodol ar gyfer y llwyth disgwyliedig
  11. sut i ddewis pwyntiau angori addas ar gyfer y llwythau disgwyliedig heb beryglu safle mynediad y gweithwyr.
  12. sut i ddewis y safle mynediad addas a chynllunio'r parthau gollwng
  13. sut i gynllunio a gosod y safle rigio ar y ddaear i ddiogelu criw'r ddaear, cynorthwyo llif y gwaith, ymdrin â'r deilliannau a sefydlu'r parthau gollwng dymunol
  14. sut i sefydlu systemau cyfathrebu
  15. sut i dynnu adrannau o goed y gellir eu hiselhau gan ddefnyddio toriadau addas, gan leihau llwythau sioc i'r system rigio
  16. pryd byddai angen rigio coed a chyfyngiadau hyn
  17. sut, pryd a ble i ddefnyddio systemau rigio cyfansawdd neu gymhleth
  18. sut i osod a defnyddio llinell dynnu/tagio i gynorthwyo adrannau i gael eu tynnu.
  19. effaith bosibl eich gwaith ar yr amgylchedd a sut y gellir lleihau hyn
  20. eich cyfrifoldebau yn unol â deddfwriaeth amgylcheddol ac iechyd a diogelwch perthnasol

Cwmpas/ystod


Cwmpas Perfformiad


Gwybodaeth Cwmpas


Gwerthoedd


Ymddygiadau


Sgiliau


Geirfa

​Systemau rigio cyfansawdd/cymhleth:

  • llinell dreigl
  • trosglwyddo llwyth
  • cydbwysedd
  • crud
  • coes corun
  • llinell gyflymder/llinell awyr
  • pwyntiau angori ffug
  • technegau craen a chodi
  • symud gyda chraen

Dolenni I NOS Eraill


Cysylltiadau Allanol


Fersiwn rhif


Dyddiad Adolygu Dangosol

2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANTw31

Galwedigaethau Perthnasol

Coedyddiaeth a choedwigaeth, Gweithredwyr llifau cadwyn a pheiriannau coedwigoedd

Cod SOC


Geiriau Allweddol

awyr; rigio; coeden; llif gadwyn