Cynnal gweithrediadau achub o’r awyr

​Mae'r safon hon yn cynnwys cynnal gweithrediadau achub o'r awyr.  Mae'n cynnwys cael mynediad i goed trwy ddringo (gan ddefnyddio ysgolion ac offer dringo) neu Lwyfan Gwaith Uchel Symudol (MEWP), i achub mewn amrywiaeth o gyd-destunau (e.e. gweithrediadau tocio, torri, dadelfennu neu rigio). Mae achub o'r awyr yn cynnwys achub cleifion ymwybodol ac anymwybodol.

Wrth achub o'r awyr mae'n rhaid i chi gynnal safonau iechyd a diogelwch uchel bob amser ar gyfer eich hun a'r bobl y byddwn yn dod i gysylltiad â nhw.

Wrth weithio gyda pheiriannau bydd angen eich bod wedi cael hyfforddiant priodol, a meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a chodau ymarfer perthnasol wrth wneud y gwaith hwn.

Mae'r safon hon ond yn addas ar gyfer y rheiny sydd eisoes yn gymwys i ddringo coed a/neu ddefnyddio MEWP.

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu'r dulliau gwaith priodol, yn unol â'r peryglon a aseswyd
3. dewis a defnyddio offer amddiffynnol personol (PPE) priodol ar gyfer y gwaith
4. cynnal gwaith tîm effeithiol wrth weithio gydag eraill er mwyn cynnal gweithrediadau achub o'r awyr
5. cyfathrebu'n glir ac yn effeithiol gyda'r holl bobl sydd yn gysylltiedig â'r gweithrediadau achub o'r awyr
6. asesu'r unigolyn ac unrhyw anafiadau posibl
7. asesu'r sefyllfa achub ac unrhyw beryglon yn sgil achub o'r awyr, yn ôl y wybodaeth sydd ar gael
8. ffurfio cynllun ar gyfer achub o'r awyr, dewis dulliau mynediad ac achub sydd yn ddiogel, yn briodol ar gyfer y sefyllfa ac yn unol â chanllawiau a chodau ymarfer perthnasol y diwydiant
9. dewis, paratoi a defnyddi offer a chyfarpar priodol, yn ddiogel ac yn effeithiol
10. cadarnhau bod yr holl offer wedi cael ei wirio a'i fod yn addas at y diben
11. cyflawni'r cynllun achub o'r awyr ac achub y claf o'r goeden
12. wrth gyrraedd y claf, gweinyddu'r cymorth cyntaf priodol, yn seiliedig ar eu hasesiad nhw o'u cyflwr a'ch hyfforddiant chi
13. dod â'r claf i'r ddaear a pharhau gyda chymorth cyntaf fel y bo angen nes gall y gwasanaethau brys gymryd drosodd
14. cofnodi manylion y digwyddiad yn glir ac yn gywir
15. hysbysu ynghylch y digwyddiad yn unol â pholisïau a gofynion cyfreithiol perthnasol
16. cynnal eich iechyd a'ch diogelwch eich hun ac eraill bob amser, yn unol â deddfwriaeth berthnasol

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. sut i gynllunio achub o'r awyr a'r elfennau allweddol y mae angen eu cynnwys
5. y cynlluniau a'r gweithdrefnau brys a ddefnyddir ar gyfer achub o'r awyr
6. sut i gychwyn y cynllun brys
7. sut i asesu'r prif beryglon yn y goeden a'r ardal gyfagos a'r anawsterau gweithredol yn achub o'r awyr
8. sut i ddatrys yr anawsterau gweithredol wrth achub o'r awyr
9. sut i asesu'r sefyllfa ac anghenion y claf a phenderfynu a oes angen y gwasanaethau brys
10. y dulliau achub gofynnol sy'n briodol i ystod o sefyllfaoedd posibl yn cynnwys cael claf ymwybodol neu anymwybodol
11. y mathau o offer a chyfarpar sy'n ofynnol a sut i gynnal a chadw'r rhain a'u defnyddio'n ddiogel ac yn effeithiol yn unol ag argymhellion y cynhyrchydd
12. y gofynion cyfreithiol ar gyfer gwirio offer
13. sut i achub o'r awyr gan ddefnyddio dulliau yn cynnwys llinellau claf ac achubwr, a llinell achubwr yn unig, mewn sefyllfaoedd gwahanol
14. y sefyllfaoedd pan nad achub o'r awyr trwy ddringo fydd y dull mwyaf priodol
15. sut bydd rhywogaethau a chyflwr coed yn effeithio ar weithredoedd achub
16. sut i gychwyn a chynnal cyfathrebu effeithiol yn ystod achub o'r awyr gyda'r canlynol: y claf, cydweithwyr, y cyhoedd yn gyffredinol a'r gwasanaethau brys
17. sut i achub o'r awyr gan ddefnyddio Llwyfan Gwaith Uchel Symudol (MEWP) a goblygiadau'r terfyn llwyth gwaith diogel (SWL) ar y weithred achub
18. egwyddorion sylfaenol cymorth cyntaf a sut y gellir eu cymhwyso, yn ôl eich lefel chi o hyfforddiant
19. pwysigrwydd gwerthuso'r camau a gymerwyd wrth gynnal gweithrediadau achub o'r awyr
20. pwysigrwydd gwirio pa mor dda y gwnaethoch weithio gydag eraill i gynnal gweithrediadau achub o'r awyr
21. eich cyfrifoldebau yn unol â deddfwriaeth amgylcheddol ac iechyd a diogelwch perthnasol

​Gwneud y canlynol trwy ddringo, gan ddefnyddio MEWP neu'r ddau:

• achub dioddefwr sydd yn ymwybodol
• achub dioddefwr sydd yn anymwybodol
• achub dioddefwr ger prif fonyn y goeden
• achub dioddefwr yn y corun i ffwrdd o'r brif fonyn
• achub dioddefwr o bolyn
• achub gweithredwr Llwyfan Gwaith Uchel Symudol sydd wedi ei anafu
• defnyddio tîm achub o ddau berson neu fwy