Tynnu coed sydd yn hongian i lawr

​Mae'r safon hon yn ymwneud â thynnu coed sydd yn hongian ar goed eraill i lawr. Gellir defnyddio winshis, offer llaw neu beiriannau priodol. Gall winshis fod wedi eu pweru â llaw neu'n fecanyddol.

Wrth weithio gyda pheiriannau mae angen eich bod wedi cael hyfforddiant priodol ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn

---

1. ​asesu'r peryglon sydd yn gysylltiedig â'r safle a'r gwaith arfaethedig
2. dewis a gweithredu dulliau gwaith priodol, yn unol â'r peryglon a aseswyd
3. dewis a defnyddio offer amddiffynnol personol (PPE) priodol ar gyfer y gwaith
4. dewis, paratoi a defnyddio'r offer a'r cyfarpar priodol, yn ddiogel ac yn effeithiol
5. cadarnhau bod yr holl offer wedi cael ei wirio a'i fod yn addas at y diben
6. paratoi'r safle i hwyluso'r gwaith o dynnu coed sydd yn hongian i lawr a sicrhau bod yr ardal waith o dan y goeden yn glir
7. gwneud gwaith cynnal a chadw gweithredwr, gwiriadau cyn cychwyn a gosod y llif gadwyn ar gyfer ei defnyddio fel mater o drefn
8. dewis y dull o dynnu i lawr, sy'n berthnasol i faint, ffurf a chyflwr y goeden
9. paratoi coed trwy dynnu rhan neu'r colfach cyfan, fel y bo'n briodol i faint, cyflwr a'r dull o dynnu'r goeden i lawr
10. cyflunio offer atal yn ddiogel ac yn effeithiol, os oes angen
11. tynnu coed sydd yn hongian i lawr gan ddefnyddio offer a chyfarpar sy'n briodol i faint, cyflwr a dulliau tynnu coeden i lawr
12. sicrhau bod coed mewn safle diogel a phriodol i alluogi gweithgareddau dilynol
13. sicrhau bod y safle'n cael ei adael mewn cyflwr sy'n bodloni gofynion amgylcheddol, yn unol â'r fanyleb
14. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

---

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. y mathau o offer a chyfarpar sy'n ofynnol a sut i gynnal a chadw'r rhain a'u defnyddio'n ddiogel ac yn effeithiol yn unol ag argymhellion y cynhyrchydd
5. y gofynion cyfreithiol ar gyfer gwirio offer
6. y cynlluniau a'r gweithdrefnau brys ar gyfer y safle
7. pwysigrwydd arsylwi'r goeden sydd yn hongian a'r ardal waith trwy gydol y gweithrediadau gwaith coed
8. y dulliau tynnu i lawr ar gyfer ystod o bwysau a diametrau coed, gan ddefnyddio offer llaw priodol
9. y dulliau tynnu i lawr ar gyfer coed sy'n hongian gan ddefnyddio winshis neu ddulliau llaw neu fecanyddol eraill
10. y mathau amrywiol o winshis ac offer addas a ddefnyddir wrth dynnu i lawr a'r modd o weithredu, yn cynnwys winshis llaw ac wedi'u pweru
11. yr ardaloedd peryglus mewn perthynas â'r coed sy'n hongian sydd i gael eu tynnu i lawr
12. y defnydd o offer llaw, rhaffau tynnu a winshis, i gynorthwyo gyda'r gwaith o docio/tynnu aelodau coed
13. y gweithredoedd priodol i'w cymryd os na ellir tynnu coeden sydd yn hongian i lawr
14. effaith bosibl eich gwaith ar yr amgylchedd a sut y gellir lleihau hyn
15. eich cyfrifoldebau yn unol â deddfwriaeth amgylcheddol ac iechyd a diogelwch perthnasol

---

---

---

​Offer cynorthwyol sy'n addas ar gyfer winshis:

• ceblau
• strapiau
• cadwyni
• dolenni
• cipflociau pwli
• dyfeisiadau eraill fel clampiau ymestyn cebl

Offer llaw yn cynnwys:

• tongiau codi
• polion bachog
• bachau troi
• strapiau troi
• polion tynnu i lawr
• winshis llaw bach

---

---

---

---

---

---

---

---

28 Chwef 2021

---

Ar hyn o bryd

---

Gwreiddiol

---

Lantra

---

LANTw23

---

Coedyddiaeth a choedwigaeth, Garddwriaeth a choedwigaeth, Gweithredwyr llif gadwyn a choedwigaeth

---

---

llif gadwyn; hongian; coed

---