Gwneud gwaith cynnal a chadw fel mater o drefn ar lifau cadwyn a systemau torri

​Mae'r safon hon yn ymwneud â gwneud gwaith cynnal a chadw fel mater o drefn ar lifau cadwyn a systemau torri, yn cynnwys y bar canllaw.

Mae llifau cadwyn a ddefnyddir mewn gwaith awyr a daear wedi eu cynnwys yn y safon hon.

Gallai'r gwaith hwn gael ei wneud mewn gweithdy neu amgylchedd coetir.

Wrth weithio gyda chemegau a pheiriannau mae angen i chi gael hyfforddiant priodol, a meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.

---

1. ​asesu'r peryglon sy'n gysylltiedig â'r safle a'r gwaith arfaethedig
2. dewis a gweithredu dulliau gwaith priodol yn unol â'r peryglon a aseswyd
3. dewis a gwisgo'r offer amddiffynnol personol (PPE) addas ar gyfer y gwaith cynnal a chadw fel mater o drefn
4. nodi bod y nodweddion diogelwch ar y llif gadwyn yn bresennol ac yn gweithio
5. dewis yr offer cynnal a chadw priodol ar gyfer uned bŵer y llif gadwyn a'r systemau torri, yn unol â gofynion y cynhyrchydd
6. archwilio, glanhau, gwasanaethu a chynnal uned bŵer y llif gadwyn, yn unol â gofynion y cynhyrchydd a chanllawiau'r diwydiant
7. archwilio'r cydrannau yn uned bŵer y llif gadwyn
8. archwilio a chynnal a chadw'r system dorri, yn unol ag argymhellion y cynhyrchydd, gan ddefnyddio'r offer priodol
9. adnewyddu cydrannau wedi eu niweidio, sydd ar goll neu wedi treulio
10. hysbysu ynghylch unrhyw ddiffygion yn briodol, gallai hyn fod ar lafar neu yn ysgrifenedig
11. ailosod y llif gadwyn a'r system dorri i safon weithredol
12. cynnal gwaith cynnal a chadw fel mater o drefn, gwiriadau cyn cychwyn a gosod y llif gadwn ar gyfer ei defnyddio
13. cadw cofnodion priodol
14. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

---

1. ​sut i adnabod peryglon ac asesu risg
2. sut i ddehongli asesiadau risg
3. sut i ddewis, defnyddio a gofalu am offer amddiffynnol personol (PPE)
4. gweithdrefnau a chynlluniau brys sy'n berthnasol i'r gwaith
5. sut i ddefnyddio rhestr wirio/taflen adrodd chynnal a chadw
6. y rhesymau pam y caiff nodweddion diogelwch eu gosod ar lifau cadwyn a sut maent yn gweithredu
7. y prif ardaloedd i'w cadw'n glir o falurion yn ystod y gweithrediad
8. prif bwyntiau diogelwch gweithredol llif gadwyn a system dorri
9. gofynion gweithredu a chynnal a chadw cydrannau unigol
10. sut i adnabod dangosyddion allweddol sefydlu cydrannau unigol llif gadwyn yn gywir
11. y rhesymau pam y mae'n bwysig gwirio'r gadwyn a'r bar canllaw am draul a niwed
12. y symptomau a'r problemau y byddwch yn dod ar eu traws pan fydd y gadwyn a'r bar canllaw wedi treulio, eu niweidio neu wedi eu cynnal a'u cadw'n wael a sut i ymdrin â nhw o fewn eich lefel cyfrifoldeb chi
13. sut i wirio addasrwydd y bar canllaw, yr olwyn ddanheddog a'r gadwyn
14. terfynau derbyniol traul cydrannau'r system dorri cyn bod angen eu hadnewyddu
15. y gweithdrefnau i'w dilyn os yw niwed neu draul i gydrannau y tu hwnt i'r terfynau a argymhellir
16. pwysigrwydd dewis meintiau cywir ffeil a mesurydd wrth hogi a gosod dyfnder toriad ar y gadwyn, a ble i gael y manylebau
17. sut mae cadwyn dorri'n gweithio
18. y mathau gwahanol o gadwyn a sut i'w cymhwyso
19. pam y mae'n bwysig cynnal llifau cadwyn a'r system dorri i safon uchel
20. pam mae cofnodion llif gadwyn a system dorri'n cael eu cynnal
21.  y camau i'w cymryd pan na ellir atgyweirio llif gadwyn neu system dorri, os oes nam arno neu os nad yw'n weithredol
22. pwysigrwydd gwirio pa mor dda y cafodd problemau gyda'r llif gadwyn a'r cydrannau eu trin
23. eich cyfrifoldebau yn unol â deddfwriaeth amgylcheddol ac iechyd a diogelwch perthnasol a chodau ymarfer

---

​Glanhau, gwasanaethu a chynnal a chadw'r uned bŵer yn cynnwys:

• plwg tanio
• hidlwr aer
• mecanwaith cychwyn
• brêc y gadwyn
• hidlwyr tanwydd ac olew
• systemau olew

Archwilio'r cydrannau canlynol:

• mecanweithiau cydiwr
• pibell fwg (ac eithrio polion tocio wedi eu pweru)

Archwilio a chynnal a chadw'r rhannau canlynol o'r system dorri:

• bar canllaw cadwyn cydnaws
• cadwyn
• cyfuniad olwyn ddanheddog

---

---

---

---

---

---

​Trefn – cynnal a chadw i gywiro ac atal a wneir yn ddyddiol neu’n rheolaidd gan y gweithredwr cyn ac yn ystod y gwaith.

---

---

---

---

28 Chwef 2021

---

Ar hyn o bryd

---

Gwreiddiol

---

Lantra

---

LANTw19

---

Ceidwad Parc, Ceidwad y Grîn, Coedyddiaeth a choedwigaeth, Garddwr, Garddwriaeth a choedwigaeth, Gofalwr Tir, Gweithredwyr llif gadwyn a pheiriannau coedwig, Tirluniwr

---

---

trefn; llif gadwyn; cynnal a chadw; system dorri

---