Cynnal gweithrediadau gwaith coed brys

URN: LANTw18
Sectorau Busnes (Cyfresi): Garddwriaeth,Gwaith coed
Datblygwyd gan: Lantra
Cymeradwy ar: 2017

Trosolwg

​Mae'r safon hon yn ymwneud â gwneud gweithrediadau gwaith coed brys. Mae'r safon yn cynnwys cynnal gwaith coed brys fel arfer o ganlyniad i fethiant coeden, damwain cerbyd neu argyfwng yn ymwneud â'r tywydd.

Mae'n rhaid i'r defnydd o offer a'r holl weithrediadau fodloni'r canllawiau a gyhoeddir gan y swyddog cyfrifol, e.e. cynrychiolydd y frigâd dân neu swyddog cleient, yn ogystal â gofynion y gyfraith, codau ymarfer cyfredol a chanllawiau'r diwydiant.

Mae'n bwysig bod yn ymwybodol o'r ffordd y caiff gweithrediadau gwaith coed eu heffeithio gan gymhlethdod y sefyllfa frys.

Mae'n ofyniad bod yn rhaid i'r tîm gweithrediadau gwaith coed brys feddu ar yr offer cywir a'r cymwysterau a'r profiad priodol.

Wrth weithio gyda pheiriannau bydd angen eich bod wedi cael hyfforddiant priodol, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'n rhaid i'ch gwaith gydymffurfio â'r holl ddeddfwriaeth a'r codau ymarfer perthnasol wrth wneud y gwaith hwn.


Meini prawf perfformiad

Mae'n rhaid eich bod chi'n gallu:

  1. ​asesu'r peryglon sy'n gysylltiedig â'r safle a'r gwaith arfaethedig
  2. dewis a gweithredu dulliau gwaith priodol yn unol â'r peryglon a aseswyd
  3. dewis a defnyddio'r offer amddiffynnol personol (PPE) priodol ar gyfer y gwaith
  4. lleoli'r cydlynydd ymateb mewn argyfwng
  5. defnyddio'r pecyn ymateb mewn argyfwng ar gyfer gweithrediadau gwaith coed
  6. cyfathrebu a gweithio'n effeithiol fel tîm trwy gydol y gweithrediadau gwaith coed brys
  7. gweithio'n effeithiol gyda'r cydlynydd ymateb, y gwasanaethau brys a chynrychiolwyr cyfleustodau, fel y bo'n briodol
  8. pennu pa weithgareddau sydd yn ddiogel ac yn briodol i'w gwneud ar adeg yr argyfwng a pha rai y gellid eu cynnal yn nes ymlaen
  9. dewis, paratoi a defnyddio'r offer a'r cyfarpar priodol, yn ddiogel ac yn effeithiol
  10. cadarnhau bod yr holl offer wedi cael ei wirio a'i fod yn addas at y diben
  11. gweithio ymysg cyrff y coed sydd yn sefyll sydd wedi eu niweidio i dynnu darnau sy'n cyflwyno perygl
  12. torri cyrff y coed sydd wedi syrthio yn ofalus
  13. torri bôn coed sydd wedi eu niweidio wrth blât y gwreiddyn lle bo angen
  14. cynnal y gweithrediadau gwaith coed brys y cytunwyd arnynt yn effeithlon ac yn effeithiol
  15. gwneud yr ardal yn ddiogel, gyda llwybrau mynediad addas, fel y bo angen
  16. cytuno ar gynlluniau ar gyfer gwneud unrhyw waith dilynol a chlirio
  17. gwaredu gwastraff yn unol â'r cynllun brys, gofynion diogelwch ac amgylcheddol
  18. adfer a sicrhau'r safle cyn ymadael
  19. cynnal eich iechyd a'ch diogelwch eich hun ac eraill yr holl amser, yn unol â deddfwriaeth berthnasol

Gwybodaeth a Dealltwriaeth

You need to know and understand:

  1. ​sut i adnabod peryglon a gweithio o fewn mesurau rheoli asesiadau risg a chynlluniau brys
  2. sut i ddewis, defnyddio a gofalu am offer amddiffynnol personol (PPE)
  3. y mathau o offer a chyfarpar sy'n ofynnol a sut i gynnal a chadw'r rhain a'u defnyddio'n ddiogel ac yn effeithiol yn unol ag argymhellion y cynhyrchydd
  4. y gofynion cyfreithiol ar gyfer gwirio offer
  5. Sut i sicrhau plât gwreiddyn y goeden neu strwythurau ansefydlog eraill gyda'r offer priodol
  6. sut i dorri'r goeden oddi ar blât y gwreiddyn
  7. y rhesymau a'r amgylchiadau lle mae'n angenrheidiol symud coed ar y ddaear i ardal waith fwy diogel
  8. egwyddorion torri cyrff coed i lawr, gyda phwyslais penodol ar gefnogi'r aelodau a thensiwn a chywasgu
  9. sut i weithio'n ddiogel o fewn cyrff coed wedi eu niweidio
  10. sut  a pham i ddechrau a chynnal cyfathrebu a gwaith tîm wrth wneud gweithrediadau gwaith coed brys
  11. y gweithdrefnau ar gyfer ymdrin ag argyfyngau a gwasanaethau brys
  12. sut i bennu gweithgareddau sydd yn ofynnol i wneud yr argyfwng yn ddiogel a'r rheiny y gellir eu gadael tan yn ddiweddarach
  13. sut i waredu gwastraff
  14. sut i weithio mewn mathau gwahanol o safleoedd a sefyllfaoedd
  15. eich cyfrifoldebau yn unol â deddfwriaeth amgylcheddol, iechyd a diogelwch a chodau ymarfer perthnasol

Cwmpas/ystod


Cwmpas Perfformiad


Gwybodaeth Cwmpas

​Sut i weithio yn y mathau canlynol o safleoedd a sefyllfaoedd:

  • yn agos at adeiladau neu gyfleustodau uwchben
  • yn agos at y briffordd
  • yn agos at ddŵr
  • gyda choed wedi syrthio
  • gydag adeiladau wedi eu niweidio
  • mewn tywydd gwael
  • gyda llinellau trydan wedi eu niweidio uwchben a allai fod yn fyw
  • gyda cheblau wedi eu niweidio uwchben
  • gyda chyfleustodau wedi eu niweidio o dan y ddaear
  • gyda draeniau sydd yn gorlifo
  • gyda thrychinebau amgylcheddol: carthffosiaeth grai, ac ati.
  • o dan oleuadau artiffisial

Gwerthoedd


Ymddygiadau


Sgiliau


Geirfa


Dolenni I NOS Eraill


Cysylltiadau Allanol


Fersiwn rhif


Dyddiad Adolygu Dangosol

2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANTw18

Galwedigaethau Perthnasol

Ceidwad Parc, Ceidwad y Grîn, Coedyddiaeth a choedwigaeth, Garddwr, Garddwriaeth a choedwigaeth, Gofalwr Tir, Gweithredwyr llif gadwyn a pheiriannau coedwig, Tirluniwr

Cod SOC


Geiriau Allweddol

trefn; llif gadwyn; cynnal; system dorri