Casglu, prosesu ac amddiffyn samplau profion diagnostig cleifion milfeddygol a chyfathrebu’r canlyniadau

Mae’r safon hon yn ymwneud â chasglu a phrosesu samplau profion diagnostig gan gleifion milfeddygol a chyfathrebu canlyniadau’r profion. Mae hyn yn cynnwys trin ac atal y claf milfeddygol a monitro lles y claf.

Mae’r safon hon hefyd yn cynnwys amddiffyn samplau profion diagnostig gan ddefnyddio dulliau oergell a chemegol cyn cyfathrebu’r canlyniadau er mwyn i’r llawfeddyg milfeddygol wneud penderfyniad.

Mae’r safon hon yn addas ar gyfer nyrsys milfeddygol cofrestredig.

1. cadarnhau hunaniaeth y claf milfeddygol, ei gyflwr a'r prawf diagnostig sy'n ofynnol
2. asesu'r risg i'ch iechyd a'ch diogelwch eich hun a chydweithwyr wrth gasglu, prosesu ac amddiffyn samplau profion diagnostig gan gleifion milfeddygol
3. dewis a rhoi gweithdrefnau rheoli heintiau ymarfer milfeddygol gofynnol ar waith ar gyfer yr ardal o'r filfeddygfa lle'r ydych yn gweithio
4. dewis a gwisgo'r dillad a'r offer amddiffynnol personol (PPE) gofynnol ar gyfer casglu, prosesu ac amddiffyn samplau profion diagnostig
5. sicrhau bod y claf wedi ei sefydlu a'i atal, gan ddefnyddio'r dulliau a'r offer atal gofynnol
6. nodi'r safle casglu sampl a chasglu neu gynorthwyo gyda'r gwaith o gasglu samplau profion diagnostig yn unol â chais y llawfeddyg milfeddygol
7. monitro'r claf milfeddygol i ganfod unrhyw bryderon wrth gasglu samplau profion diagnostig
8. trin, amddiffyn, labelu a storio samplau profion diagnostig yn gywir i'w prosesu ar gyfer eu dadansoddi'n allanol neu'n fewnol
9. llenwi'r dogfennau angenrheidiol yn unol â gweithdrefnau'r filfeddygfa
10. pecynnu ac anfon samplau profion diagnostig y mae angen eu dadansoddi'n allanol yn unol â'r gofynion cyfreithiol perthnasol, polisi ymarfer milfeddygol a gofynion y labordy profi allanol
11. cyflawni'r prawf perthnasol ar gyfer dadansoddi samplau diagnostig yn fewnol gan ddefnyddio'r offer profi diagnostig gofynnol yn ddiogel yn unol â phrotocolau ymarfer milfeddygol
12. cael a chofnodi canlyniadau profion diagnostig allanol a mewnol yn unol â phrotocolau ymarfer milfeddygol
13. nodi unrhyw ganlyniadau profion diagnostig annilys a chymryd camau unioni
14. gwaredu deunydd dros ben a gwastraff yn unol â deddfwriaeth berthnasol a gweithdrefnau ymarfer milfeddygol
15. cydymffurfio â deddfwriaeth a chodau ymarfer perthnasol iechyd a lles anifeiliaid
16. gwneud eich gwaith yn unol â'r deddfwriaethau amgylcheddol ac iechyd a diogelwch, gofynion asesu risg, codau ymarfer a pholisïau busnes perthnasol

​

1. y mathau o gyflyrau milfeddygol a archwilir gan ddefnyddio profion diagnostig
2. sut i asesu'r risg i'ch iechyd a'ch diogelwch chi a chydweithwyr wrth gasglu, prosesu ac amddiffyn samplau profion diagnostig gan gleifion milfeddygol
3. y gweithdrefnau rheoli heintiau ymarfer milfeddygol gofynnol ar gyfer yr ardal o'r filfeddygfa lle'r ydych yn gweithio
4. sut i ddewis a gwisgo'r dillad a'r offer amddiffynnol personol (PPE) gofynnol ar gyfer casglu, prosesu ac amddiffyn samplau profion diagnostig
5. sut i sefydlu ac atal rhywogaethau gwahanol o gleifion milfeddygol ar gyfer mathau gwahanol o brofion diagnostig
6. pam y mae'n bwysig cadarnhau bod sampl cywir yn cael ei gymryd oddi wrth y claf milfeddygol
7. sut i gasglu'r samplau profion diagnostig gofynnol gan y claf milfeddygol
8. sut i fonitro'r claf milfeddygol i ganfod pryderon corfforol ac ymddygiadol wrth gasglu samplau profion diagnostig
9. sut i nodi ac adrodd ynghylch unrhyw bryderon a allai ddigwydd wrth gasglu samplau
10. y manylion sy'n ofynnol ar gyfer labelu mewn perthynas â'r sampl prawf diagnostig a pham y mae'n bwysig eu cofnodi
11. sut i drin, amddiffyn a storio mathau gwahanol o samplau profion diagnostig i osgoi difetha a halogi
12. y rheoliadau a'r gweithdrefnau ymarfer milfeddygol perthnasol ar gyfer pecynnu ac anfon samplau profion diagnostig i'w dadansoddi'n allanol
13. sut i gael a chofnodi canlyniadau profion diagnostig allanol a mewnol
14. y gweithdrefnau ymarfer milfeddygol ar gyfer prosesu a dadansoddi data a samplau profion diagnostig ar gyfer mathau gwahanol o brofion diagnostig mewnol
15. dangosyddion canlyniadau profion diagnostig annilys a sut i unioni neu hysbysu cydweithwyr neu asiantaethau allanol sy'n gyfrifol am ddadansoddi allanol  ynghylch y rhain
16. sut i nodi paramedrau gofynnol mesuriadau ar gyfer samplau profion diagnostig
17. sut i gyfathrebu canlyniadau'r profion diagnostig i aelodau'r filfeddygfa
18. y gweithdrefnau cywir ar gyfer gwaredu deunydd dros ben a gwastraff
19. eich cyfrifoldebau proffesiynol fel nyrs filfeddygol gofrestredig
20. eich cyfrifoldebau ar gyfer iechyd a lles anifeiliaid yn unol â deddfwriaeth a chodau ymarfer perthnasol
21. eich cyfrifoldeb yn unol â'r deddfwriaethau amgylcheddol ac iechyd a diogelwch, codau ymarfer a pholisïau busnes perthnasol