Trin a rheoli cleifion milfeddygol mewn lleoliad milfeddygol

Mae’r safon hon yn ymwneud â thrin a rheoli cleifion milfeddygol mewn lleoliad milfeddygol er mwyn gallu darparu gofal, yn ogystal ag archwiliadau, gweithdrefnau clinigol a thriniaeth a lleihau’r risg i’r claf milfeddygol, chi eich hun ac eraill.  Bydd hyn yn cynnwys trin a rheoli’r claf milfeddygol yn y ffordd ofynnol gan ddefnyddio dulliau sy’n berthnasol i’r rhywogaeth.

Byddwch yn gallu asesu’r risg cysylltiedig, nodi dulliau atal, trin a rheoli priodol ar gyfer y claf milfeddygol perthnasol a’i ofynion, ac yn gallu defnyddio’r dulliau hyn yn effeithiol ac yn ddiogel er mwyn hybu lles y claf milfeddygol bob amser. Gallai’r mathau o anifeiliaid gynnwys rhai domestig, ceffylaidd, estron a gwyllt.

Bydd angen i chi fod yn ymwybodol o’ch galluoedd a’ch cyfyngiadau eich hun a sicrhau eich bod yn bodloni’r cyfrifoldebau cyfreithiol ar gyfer dyletswydd gofal yn unol â deddfwriaeth berthnasol iechyd a lles anifeiliaid.

Mae’r safon hon yn addas ar gyfer nyrsys milfeddygol cofrestredig.

​

1. ​sut i asesu’r gofynion ar gyfer trin a rheoli cleifion milfeddygol mewn lleoliad milfeddygol

2. yr ystod o ddulliau ar gyfer trin a rheoli rhywogaethau gwahanol o gleifion milfeddygol

3. sut i ddewis a defnyddio’r cymhorthion gofynnol ar gyfer trin a rheoli cleifion milfeddygol
4. y mathau o offer personol ac amddiffynnol (PPE) sy’n ofynnol ar gyfer y gweithgaredd
5. sut i asesu’r risg i chi eich hun, i anifeiliaid, cleientiaid a chydweithwyr wrth drin a rheoli rhywogaethau gwahanol
6. gweithdrefnau rheoli heintiau gofynnol ymarfer milfeddygol mewn milfeddygfa
7. sut i drafod a chynghori cydweithwyr a chleientiaid a allai gynorthwyo gyda gweithgareddau milfeddygol am ddulliau trin
8. y rhagofalon i’w cymryd i atal anafiadau, straen neu gyflyrau presennol yn gwaethygu i’r claf milfeddygol
9. effaith eich rhyngweithio gyda’r claf milfeddygol a sut i leihau unrhyw effeithiau niweidiol ar ei ymddygiad
10. sut i adnabod ac asesu arwyddion pryderon corfforol neu feddygol y claf milfeddygol a deall beth allai eu hymatebion fod
11. sut i adnabod sefyllfaoedd neu gyflyrau lle nad yw’n addas i berson fynd at, trin neu reoli claf milfeddygol heb gymorth a chanlyniadau posibl gwneud hynny
12. sut i addasu’r dulliau trin a rheoli a ddefnyddir fel y bo angen ar gleifion milfeddygol
13. sut i adnabod effaith eich ymddygiad eich hun ar y claf milfeddygol
14. y cofnodion y mae angen eu cadw a phwysigrwydd eu cwblhau
15. eich cyfrifoldebau o ran iechyd a lles anifeiliaid yn unol â deddfwriaeth a chodau ymarfer perthnasol iechyd a lles anifeiliaid
16. eich cyfrifoldeb yn unol â’r deddfwriaethau amgylcheddol ac iechyd a diogelwch, codau ymarfer a pholisïau busnes perthnasol