Rhoi cymorth a chyngor i gleientiaid yn ymwneud â gofal eu hanifail

Mae’r safon hon yn ymwneud â rhoi cymorth a chyngor i gleientiaid yn ymwneud â gofal eu hanifail. Mae’n cynnwys cefnogi cleientiaid wrth ddarparu gwasanaethau milfeddygol, cynghori cleientiaid ar ofal cyffredinol anifeiliaid, gan ddangos i gleientiaid sut i ofalu am anifeiliaid a darparu deunyddiau milfeddygol i gleientiaid.

Mae’r safon hon yn addas ar gyfer nyrsys milfeddygol cofrestredig.

1. rhoi gwybodaeth i gleientiaid am gyflwr eu hanifail yn unol â gweithdrefnau ymarfer milfeddygol

2. cynnig y cymorth corfforol ac emosiynol gofynnol i gefnogi’r cleient yn ystod sefyllfaoedd anodd

3. cynnig cyngor ac argymhellion perthnasol i gleientiaid yn ymwneud â gofal anifail(anifeiliaid) yn unol â gweithdrefnau ymarfer milfeddygol
4. hysbysu’r cleient am y gwasanaethau milfeddygol sydd ar gael i fodloni eu hanghenion  
5. esbonio canlyniadau peidio â dilyn y cyngor a roddir ar ofal yr anifail i’r cleient
6. gwirio dealltwriaeth y cleient a rhoi cymorth a chyngor ychwanegol lle bo angen
7. trosglwyddo’r cleient i’r person perthnasol neu filfeddygfa neu bractis allanol pan fo angen cyngor arbenigol
8. dangos y dulliau cywir o roi gofal i’r anifail i’r cleient 
9. cadarnhau bod y cleient yn gallu ailadrodd y broses o arddangos gofal tra bod cymorth uniongyrchol ar gael
10. hysbysu’r cleient ynghylch dulliau ar gyfer cysylltu â’r filfeddygfa os oes angen cymorth yn y dyfodol
11. esbonio’r goblygiadau iechyd a diogelwch perthnasol i’r cleient
12. cydymffurfio â deddfwriaeth a chodau ymarfer perthnasol yn ymwneud ag iechyd a lles anifeiliaid

​

1. ymarfer polisi yn ymwneud â rhoi gwybodaeth i gleientiaid a mynediad at eu hanifeiliaid

2. y mathau o gymorth a chyngor i’w rhoi i gleientiaid yn ymwneud â gofal eu hanifail

3. y problemau a allai ddigwydd wrth ddarparu gwasanaethau milfeddygol

4. y mathau o gymorth corfforol ac emosiynol i’w gynnig i gleientiaid

5. pam y mae’n bwysig bod cleientiaid yn nodi pryd y mae angen cymorth neu gyngor arnynt

6. sut i sicrhau bod y cyngor a’r wybodaeth sy’n cael eu rhoi i gleientiaid yn berthnasol

7. pam y mae’n bwysig rhoi’r cyngor a nodir gan filfeddygfeydd

8. pa fath o argymhellion y gellir eu rhoi i gleientiaid â gofynion gwahanol a phryd y dylid eu trosglwyddo i filfeddygfeydd neu bractisau allanol am gyngor arbenigol

9. y gwasanaethau milfeddygol sydd ar gael a’r wybodaeth sy’n ofynnol gan gleientiaid gwahanol

10. sut i esbonio canlyniadau peidio â dilyn y cyngor a roddir ar ofal eu hanifail i gleientiaid

11. y mathau o anawsterau y gallai cleientiaid eu cael yn deall cyngor

12. yr angen i esbonio sut dylid trin anifeiliaid a’r rheswm dros gynghori’r triniaethau

13. sut i gynghori’r cleient ynghylch yr amodau amgylcheddol gofynnol ac arsylwadau ar ymddygiad anifeiliaid

14. effeithiau mathau gwahanol o ofal ar fathau gwahanol o gyflwr ac anifail

15. y dulliau cywir o ofalu am anifeiliaid a’r ffordd y gellir arddangos y rhain i’r cleientiaid

16. sut i wirio a yw cleientiaid wedi deall y gofal a ddangoswyd

17. pam y mae’n bwysig bod cleientiaid yn atgynhyrchu’r hyn a ddangoswyd tra bod rhywun yn gallu rhoi cyngor pellach

18. y dulliau o gysylltu â’r filfeddygfa

19. y dulliau cywir o waredu deunydd gwastraff a meddyginiaeth a gynhyrchir gan filfeddygfeydd

20. sut i gydymffurfio â deddfwriaeth a chodau ymarfer perthnasol iechyd a lles anifeiliaid

21. eich cyfrifoldeb yn unol â deddfwriaethau amgylcheddol ac iechyd a diogelwch, codau ymarfer a pholisïau busnes perthnasol