Paratoi a chynnal a chadw’r amgylchedd a’r offer yn barod ar gyfer llawdriniaethau milfeddygol

Mae’r safon hon yn cynnwys paratoi a chynnal a chadw’r amgylchedd a’r offer yn barod ar gyfer llawdriniaethau milfeddygol. Bydd angen eich bod yn gallu paratoi a chynnal a chadw’r amgylchedd llawfeddygol, yn cynnwys paratoi ystafelloedd, ystafelloedd llawdriniaeth, offer a deunyddiau.

Mae’r safon hon yn addas ar gyfer nyrsys milfeddygol cofrestredig.

​

1. asesu’r risg i’ch iechyd a’ch diogelwch eich hun a chydweithwyr yn yr amgylchedd llawdriniaeth filfeddygol

2. dewis a gwisgo’r dillad a’r offer amddiffynnol personol (PPE) gofynnol ar gyfer gweithio yn yr amgylchedd llawdriniaeth filfeddygol

3. defnyddio’r dechneg hylendid dwylo gofynnol

4. dewis a rhoi gweithdrefnau rheoli heintiau ymarfer milfeddygol gofynnol ar waith yn yr ardal o’r filfeddygfa lle’r ydych yn gweithio

5. cadw’r amgylchedd llawdriniaeth filfeddygol yn aseptig yn barod ar gyfer llawdriniaethau milfeddygol

6. cynnal eich sterileiddiwch eich hun a’r rheiny sydd yn gysylltiedig â pharatoi a chynnal a chadw’r amgylchedd a’r offer

7. cynnal a chadw a storio offer a deunyddiau llawfeddygol yn unol â gweithdrefnau ymarfer milfeddygol

8. cynnal sterileiddiwch y maes llawfeddygol

9. glanhau a sterileiddio offer a chyfarpar llawfeddygol

10. defnyddio dull sterileiddio gofynnol ymarfer milfeddygol

11. cadarnhau bod yr offer a’r deunyddiau llawfeddygol gofynnol gan y llawfeddyg milfeddygol

12. paratoi’r offer a’r deunyddiau llawfeddygol yn unol â gweithdrefnau’r filfeddygfa

13. gosod offer a deunyddiau llawfeddygol yn y safle gofynnol i gynorthwyo’r llawdriniaeth filfeddygol

14. rhoi’r wybodaeth berthnasol am y llawdriniaeth filfeddygol i’r llawfeddyg milfeddygol ac aelodau’r filfeddygfa sy’n defnyddio’r amgylchedd llawdriniaeth filfeddygol

15. rheoli’r amodau amgylcheddol i gyd-fynd â chyflwr a gofynion y claf milfeddygol a’r math o lawdriniaeth filfeddygol sy’n cael ei chynnal

16. hysbysu cydweithwyr ynghylch unrhyw anawsterau yn darparu offer a deunyddiau yn unol â gweithdrefnau’r filfeddygfa

17. cydymffurfio â’r rheoliadau a’r canllawiau perthnasol, yn ymwneud â defnyddio offer a deunyddiau llawfeddygol, bob amser

18. symud deunyddiau dros ben a gwastraff, a nwyon o’r amgylchedd llawfeddygol a’u gwaredu yn unol â gofynion rheoliadol perthnasol a gweithdrefnau ymarfer milfeddygol

19. gwneud eich gwaith yn unol â deddfwriaethau amgylcheddol ac iechyd a diogelwch perthnasol, gofynion asesu risg, codau ymarfer a pholisïau busnes

1. ​sut i asesu’r risg i’ch iechyd a’ch diogelwch eich hun a chydweithwyr yn yr amgylchedd llawdriniaeth filfeddygol

2. sut i ddewis y dillad a’r offer amddiffynnol personol (PPE) gofynnol ar gyfer gweithio yn yr amgylchedd llawdriniaeth filfeddygol

3. y technegau hylendid dwylo gofynnol a gweithdrefnau rheoli heintiau ymarfer milfeddygol sy’n berthnasol i’r ardal o’r filfeddygfa lle’r ydych yn gweithio
4. sut i lanhau mathau gwahanol o amgylchedd llawdriniaeth filfeddygol 
5. y dulliau sydd ar gael i lanhau a sterileiddio offer a chyfarpar 
6. sut i gynnal amgylcheddau sterilaidd mewn amgylchedd llawdriniaeth filfeddygol
7. yr offer a’r deunyddiau a ddefnyddir ar gyfer gweithdrefnau gwahanol llawdriniaeth filfeddygol a pham y mae’n bwysig cael arweiniad gan lawfeddyg milfeddygol am y rhain

8. gofynion paratoi mathau gwahanol o offer a deunyddiau llawdriniaeth filfeddygol

9. gofynion paratoi a defnyddio offer sugno

10. ble dylid gosod offer a deunyddiau llawfeddygol ar gyfer gweithdrefnau gwahanol llawdriniaeth filfeddygol
11. y mathau o wybodaeth sy’n ofynnol ar gyfer llawdriniaethau milfeddygol 
12. yr amodau amgylcheddol a ddylai fodoli ar gyfer mathau gwahanol o lawdriniaethau 
13. y namau sydd yn digwydd i offer llawdriniaethau milfeddygol sydd yn effeithio ar eu gweithrediad, eu dibynadwyedd, eu diogelwch a’u heffeithiolrwydd a’r camau i’w cymryd i’w hunioni neu eu hadfer
14. y mathau o namau a all ddigwydd gyda deunyddiau, yn cynnwys niwed i becynnau, dirywiad a halogiad
15. y rheoliadau a’r canllawiau perthnasol yn ymwneud â defnyddio offer a deunyddiau llawfeddygol
16. y deunyddiau dros ben a gwastraff, a’r nwyon o’r amgylchedd llawfeddygol a sut i ymdrin â phob un o’r rhain
17. eich cyfrifoldebau proffesiynol fel nyrs filfeddygol gofrestredig
18. eich cyfrifoldeb yn unol â deddfwriaethau amgylcheddol ac iechyd a diogelwch, codau ymarfer a pholisïau busnes perthnasol