Cynnal delweddau diagnostig ar gleifion milfeddygol a chreu’r canlyniadau

Mae’r safon hon yn ymwneud â chynnal delweddau diagnostig ar gleifion milfeddygol a chreu’r canlyniadau.  Bydd hyn yn cynnwys cadarnhau cyflwr y cleifion milfeddygol a nodi pa brawf diagnostig sy’n ofynnol, nodi’r ardaloedd i gael eu delweddu, prosesu’r ddelwedd ddiagnostig yn gywir a chofnodi’r canlyniadau yn unol â’r gweithdrefnau ymarfer milfeddygol.

Mae’r safon hon yn addas ar gyfer nyrsys milfeddygol cofrestredig.

1. cadarnhau cyflwr y claf milfeddygol a’r dechneg delweddu diagnostig sy’n ofynnol

2. asesu’r risg i’ch iechyd a’ch diogelwch eich hun a chydweithwyr wrth gynnal delweddau diagnostig ar gleifion milfeddygol 

3. dewis a gweithredu gweithdrefnau rheoli heintiau ymarfer milfeddygol gofynnol sy’n berthnasol i’r ardal o’r filfeddygfa lle’r ydych yn gweithio 
4. dewis a gwisgo’r dillad a’r offer amddiffynnol personol (PPE) gofynnol a chadarnhau bod y rheiny sydd yn gysylltiedig â’r prawf diagnostig yn cydymffurfio
5. sefydlu ac atal y claf milfeddygol gan ddefnyddio offer a dulliau atal addas
6. nodi’r ardaloedd i gael eu delweddu a chynnal y delweddau diagnostig yn unol â gofynion y llawfeddyg milfeddygol a chyflwr y claf milfeddygol 
7. monitro’r claf milfeddygol i ganfod anawsterau tra’n cynnal y delweddau diagnostig 
8. sicrhau bod y claf milfeddygol wedi ymlacio a lleihau anesmwythdra corfforol yn yr amgylchedd clinigol
9. dod â’r sesiwn delweddau diagnostig i ben yn unol â gweithdrefnau ymarfer milfeddygol
10. cwblhau cofnodion yn unol â gofynion cyfreithiol ac ymarfer milfeddygol perthnasol
11. prosesu’r ddelwedd ddiagnostig 
12. creu delweddau diagnostig o’r ansawdd gofynnol gan y filfeddygfa
13. gwirio ansawdd y ddelwedd ddiagnostig a sicrhau bod y canlyniadau’n cael eu cofnodi yn erbyn y claf milfeddygol a nodwyd yn unol â gweithdrefnau’r filfeddygfa
14. nodi unrhyw ganlyniadau delweddau diagnostig annilys a sicrhau camau adferol
15. cydymffurfio â deddfwriaeth a chodau ymarfer perthnasol iechyd a lles anifeiliaid
16. gwneud eich gwaith yn unol â deddfwriaethau amgylcheddol ac iechyd a diogelwch perthnasol, gofynion asesu risg, codau ymarfer a pholisïau busnes

​

1. pam y mae’n bwysig cadarnhau pa ardal o’r claf milfeddygol sy’n cael ei archwilio a pha dechneg delweddau sy’n ofynnol

2. sut i asesu’r risg i’ch iechyd a’ch diogelwch eich hun a chydweithwyr wrth gynnal delweddau diagnostig ar gleifion milfeddygol

3. y gweithdrefnau rheoli heintiau ymarfer milfeddygol gofynnol sy’n berthnasol i’r ardal o’r filfeddygfa lle’r ydych yn gweithio

4. y mathau o ddillad ac offer amddiffynnol personol (PPE) sy’n ofynnol ar gyfer cynnal delweddau diagnostig ar gleifion milfeddygol

5. sut i sefydlu ac atal mathau gwahanol o gleifion milfeddygol

6. sut i sicrhau bod y technegau diagnostig cywir yn cael eu cymhwyso

7. sut i gynnal mathau gwahanol o ddelweddau diagnostig

8. pwysigrwydd monitro cleifion milfeddygol yn ystod delweddau diagnostig a phryd i hysbysu aelodau o’r tîm milfeddygol ynghylch unrhyw bryderon

9. sut i sicrhau bod y claf milfeddygol wedi ymlacio a lleihau anesmwythdra corfforol mewn amgylcheddau clinigol

10. pwysigrwydd lleoliad, cyfarwyddiadau anatomeg, cyflinelliad, canoli a labelu wrth gynnal delweddau diagnostig ar gleifion milfeddygol

11. pa addasiadau i amodau amgylcheddol sydd eu hangen ar gyfer mathau gwahanol o gleifion milfeddygol

12. sut i greu’r ddelwedd a gofnodwyd i ansawdd diagnostig gofynnol ymarfer milfeddygol

13. y dogfennau y mae’n rhaid eu llenwi ar ddiwedd y sesiwn delweddau diagnostig

14. gweithdrefnau’r filfeddygfa ar gyfer dadansoddi a chofnodi canlyniadau

15. pam y mae’n bwysig bod y canlyniadau yn cyfateb â’r claf milfeddygol cywir

16. y dulliau ar gyfer atal halogiad wrth greu canlyniadau

17. yr arwyddion o ganlyniadau annilys a namau sydd yn digwydd a’r camau adferol

18. eich cyfrifoldebau ar gyfer iechyd a lles anifeiliaid yn unol â deddfwriaeth a chodau ymarfer perthnasol

19. eich cyfrifoldebau proffesiynol fel nyrs filfeddygol gofrestredig

20. eich cyfrifoldeb yn unol â deddfwriaethau amgylcheddol ac iechyd a diogelwch, codau ymarfer a pholisïau busnes perthnasol