Gweinyddu gofal nyrsio brys a chritigol i gleifion milfeddygol

Mae’r safon hon yn ymwneud â gweinyddu gofal brys a chritigol i gleifion milfeddygol. Mae hefyd yn cynnwys gweinyddu cymorth cyntaf brys i anifeiliaid, therapi hylifol a monitro cyflwr claf milfeddygol gofal critigol yn ystod y cyfnodau gofynnol.

Mae’r safon hon yn addas ar gyfer nyrs filfeddygol gofrestredig.

​

1. asesu'r risg i'ch iechyd a'ch diogelwch eich hun a chydweithwyr wrth weinyddu gofal nyrsio brys a chritigol i gleifion milfeddygol
2. dewis a rhoi gweithdrefnau rheoli heintiau ymarfer milfeddygol gofynnol ar waith ar gyfer yr ardal o'r filfeddygfa lle'r ydych yn gweithio
3. cynnal archwiliad llawn o'r claf milfeddygol i asesu eu cyflwr a chadarnhau bod y systemau hanfodol yn weithredol
4. blaenoriaethu camau brys i sefydlogi'r claf milfeddygol i atal cymhlethdodau corfforol a meddygol pellach
5. cael unrhyw wybodaeth angenrheidiol am y claf milfeddygol lle y bo'n bosibl (e.e. cyflyrau perthnasol neu hanes diweddar o ofal milfeddygol)
6. ffurfio cynllun gofal nyrsio milfeddygol critigol mewn ymgynghoriad â'r llawfeddyg milfeddygol
7. gweinyddu gofal nyrsio critigol i fodloni anghenion y claf milfeddygol, ei gyflwr a gofynion triniaeth
8. cadarnhau bod y claf milfeddygol gofal critigol wedi ei osod a'i atal gan ddefnyddio'r dulliau a'r offer atal gofynnol
9. monitro a chofnodi cyflwr y claf milfeddygol gofal critigol yn ystod y cyfnodau gofynnol gan ddilyn polisi ymarfer milfeddygol a hysbysu'r llawfeddyg milfeddygol ynghylch unrhyw bryderon
10. hysbysu'r cleient am y camau sy'n cael eu cymryd fel y bo angen
11. gwerthuso'r gofal nyrsio brys a chritigol sy'n cael ei ddarparu ac adolygu'r cynllun nyrsio milfeddygol critigol yn unol â hynny
12. gwaredu deunyddiau dros ben a gwastraff yn unol â deddfwriaeth berthnasol a gweithdrefnau ymarfer milfeddygol
13. cydymffurfio â'r ddeddfwriaeth a'r codau ymarfer iechyd a lles anifeiliaid perthnasol
14. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau busnes

​

1. y broses o adlewyrchu a'r modelau adlewyrchol amrywiol sydd ar gael mewn gofal nyrsio milfeddygol
2. sut i asesu'r risg sydd yn gysylltiedig â gweinyddu gofal brys a chritigol i gleifion milfeddygol
3. egwyddorion meddygol a phrotocolau ymarfer milfeddygol sy'n berthnasol i weinyddu gofal brys a chritigol
4. gweithdrefnau rheoli heintiau ymarfer milfeddygol gofynnol wrth weinyddu gofal nyrsio brys a chritigol i gleifion milfeddygol
5. yr arwyddion clinigol ymysg cleifion milfeddygol sydd yn gofyn am ofal nyrsio brys a chritigol
6. pam y mae'n bwysig cadarnhau cyflwr y claf milfeddygol a'i ofynion ar gyfer triniaeth a gofal nyrsio critigol gyda'r llawfeddyg milfeddygol
7. y mathau o ofal nyrsio brys a chritigol sydd eu hangen ar gleifion milfeddygol a sut i weinyddu hyn
8. sut i sefydlogi cleifion milfeddygol â chyflyrau gwahanol a sut i flaenoriaethu triniaeth frys a chritigol
9. sut i ffurfio cynllun gofal nyrsio critigol ar gyfer claf milfeddygol, mewn ymgynghoriad â'r llawfeddyg milfeddygol
10. sut i osod ac atal rhywogaethau gwahanol o gleifion milfeddygol ar gyfer mathau gwahanol o ofal nyrsio critigol
11. pam y mae'n bwysig monitro a chofnodi cyflwr y claf milfeddygol gofal critigol yn ystod y cyfnodau gofynnol a hysbysu'r llawfeddyg milfeddygol ynghylch unrhyw bryderon
12. pam y mae'n bwysig hysbysu'r cleient ynghylch y camau sy'n cael eu cymryd lle bo angen
13. yr arwyddion bod y driniaeth gofal nyrsio brys a chritigol yn gweithio
14. sut i asesu anghenion lles anifeiliaid y claf milfeddygol a sut y gellir mynd i'r afael â nhw neu eu rhoi ar waith tra'u bod yn eich gofal
15. pwysigrwydd cynnwys therapi corfforol yng nghynllun gofal critigol y cleifion milfeddygol
16. pwysigrwydd cyfrannu a chymryd rhan yn y broses o adolygu digwyddiad critigol
17. sut i waredu deunydd dros ben a gwastraff yn unol â'r ddeddfwriaeth berthnasol a gweithdrefnau ymarfer milfeddygol
18. eich cyfrifoldebau proffesiynol fel nyrs filfeddygol gofrestredig
19. eich cyfrifoldeb yn unol â deddfwriaeth berthnasol iechyd a lles anifeiliaid, deddfwriaethau amgylcheddol ac iechyd a diogelwch, codau ymarfer a pholisïau busnes

​

Cynllun gofal nyrsio milfeddygol critigol; darparu cymorth cyntaf brys, therapi hylifol, monitro cleifion milfeddygol â chyflyrau sydd yn rhoi bywyd yn y fantol, monitro cleifion milfeddygol sy'n cael anhawster yn anadlu, monitro rhythm y galon, monitro cleifion milfeddygol sydd mewn sioc.