Sefydlu, monitro a chynnal da byw ar safleoedd awyr agored

Mae’r safon hon yn ymwneud â sefydlu, monitro a chynnal da byw ar safleoedd awyr agored. Gall hyn gynnwys defnyddio anifeiliaid pori fel rhan o’r ymagwedd at reoli cynefinoedd rhannol naturiol y rhoddir pwys arnynt o ran eu bioamrywiaeth.

Mae gweithgareddau’n cynnwys monitro addasrwydd parhaus y safle awyr agored i gynnal y da byw ac adnabod newidiadau yng nghyflwr neu ymddygiad y da byw. Mae’n rhaid i chi allu cymryd y camau gweithredu perthnasol lle nodir newidiadau o’r fath.

Wrth weithio gyda da byw neu beiriannau, mae’n rhaid eich bod wedi’ch hyfforddi a rhaid bod gennych ardystiad cyfredol, lle bo angen, yn unol â’r ddeddfwriaeth berthnasol.

Wrth wneud eich gwaith, rhaid i chi ystyried ei effaith ar yr amgylchedd, a gweithio tuag at ddiogelu a gwella cynefinoedd a bioamrywiaeth ac ymateb i effeithiau’r newid yn yr hinsawdd, a’u lliniaru.

Mae’n rhaid i’ch gwaith gydymffurfio â’r holl ddeddfwriaeth, codau ymarfer, safonau’r diwydiant a chanllawiau perthnasol.

Mae’r safon hon yn addas i bobl sy’n gyfrifol am sefydlu, monitro a chynnal da byw ar safleoedd awyr agored.

---

1. cynnal eich iechyd a’ch diogelwch eich hun ac iechyd a diogelwch pobl eraill bob amser, yn unol â’r ddeddfwriaeth a chodau ymarfer perthnasol
2. asesu’r risgiau sy’n gysylltiedig â’r safle a’r gwaith sydd i’w gyflawni cyn dechrau gweithio a thrwy gydol y gweithgaredd
3. cynnal arolygon safle i gofnodi a mapio amodau presennol y cynefin, graddau’r cynefinoedd gwahanol a’r mathau o gynefinoedd gwahanol wrth ddefnyddio cynefinoedd rhannol naturiol ar gyfer pori
4. gwerthuso effaith llysysyddion gwyllt ar safleoedd awyr agored
5. gwirio unrhyw ofynion statudol a allai fod ar waith a all atal neu osod amodau ar sefydlu da byw ar safleoedd awyr agored
6. cadarnhau bod y cyfarpar diogelu personol (PPE) priodol ar gyfer y gwaith i’w gyflawni yn cael ei wisgo drwy’r amser
7. cadarnhau bod yr hyfforddiant, y profiad a’r ardystiad perthnasol ar waith i ymgymryd â’r gwaith i’w gyflawni a chydnabod y cyfyngiadau ar eich cymhwysedd eich hun
8. dewis, paratoi, defnyddio, cynnal a chadw a storio’r offer a’r cyfarpar sy’n ofynnol yn ddiogel, yn unol â’r gofynion cyfreithiol perthnasol a chyfarwyddiadau’r gwneuthurwr
9. cynnal hylendid a bioddiogelwch yn unol â gofynion cyfreithiol perthnasol, canllawiau’r diwydiant a gweithdrefnau sefydliadol
10. gwirio a chadarnhau addasrwydd y safle awyr agored a’i fod yn barod ar gyfer da byw, bod ei ffiniau yn ddiogel ac yn gadarn a bod cysgod ar gael, os oes angen
11. cadarnhau bod mesurau ar waith i amddiffyn y da byw rhag tarfu neu ysglyfaethwyr
12. gwirio bod lefel y tir pori a’i ansawdd yn bodloni anghenion y da byw, gan gynnwys gwirio am bresenoldeb planhigion a choed buddion a gwenwynig, yn ogystal â phlâu a chlefydau
13. cadarnhau bod y cyflenwad bwyd anifeiliaid a dŵr glân yn bodloni gofynion da byw a gofynion cyfreithiol
14. paratoi a chytuno ar gynlluniau rheoli tir pori yn unol â gofynion cyfreithiol a gweithdrefnau sefydliadol, gan gynnwys mathau o dda byw, cyfraddau stocio cyffredinol, tymhorau pori a hyd cyfnod pori
15. sefydlu’r da byw ar y safle awyr agored ar yr adeg gywir ac mewn modd sy’n lleihau straen, sy’n cynnal eu hiechyd a’u lles ac yn cynnal eich diogelwch eich hun
16. defnyddio a monitro patrymau pori addas ar gyfer y da byw a’r borfa neu’r porthiant, nodi pryd mae angen gwella’r tir pori a chymryd y camau perthnasol
17. monitro amodau ar y safle awyr agored a chymryd y camau gofynnol os aiff yn anaddas i’r da byw oherwydd y tywydd neu newidiadau eraill
18. rheoli effeithiau sathru a thomi yn unol â chynlluniau rheoli tir pori
19. cynnal y safle awyr agored a’i ffiniau i sicrhau eu bod yn parhau’n addas ac yn ddiogel
20. monitro cyflwr y cynefin wrth ddefnyddio cynefinoedd rhannol naturiol ar gyfer pori
21. monitro’r da byw i asesu eu hiechyd a’u lles parhaus tra byddant ar y safle awyr agored a chymryd y camau gofynnol os bydd unrhyw broblemau
22. monitro’r cyflenwad bwyd anifeiliaid a dŵr, yn unol â gofynion da byw ac amodau amgylcheddol
23. addasu nifer y da byw a’r cyfuniad o dda byw, lle bo angen, i gyfrif am y tir pori sydd ar gael ac anghenion yr anifeiliaid
24. defnyddio dulliau priodol i gyfathrebu’n effeithiol â chydweithwyr ac eraill sy’n ymwneud â’r gwaith, neu y mae’r gwaith yn effeithio arnynt, yn unol â gweithdrefnau sefydliadol
25. rhoi agweddau arfer gorau at gynaliadwyedd ar waith, sy’n briodol i’r gwaith sy’n cael ei gyflawni
26. delio’n effeithiol â phroblemau sy’n codi o fewn cwmpas a chyfyngiadau eich cyfrifoldebau eich hun a rhoi gwybod am broblemau na ellir eu datrys, yn unol â gweithdrefnau sefydliadol
27. cwblhau a storio’r holl ddogfennaeth berthnasol yn unol â gofynion cyfreithiol a gweithdrefnau sefydliadol perthnasol

---

1. sut i nodi peryglon ac asesu’r risgiau sy’n gysylltiedig â’r safle a’r gwaith sydd i’w wneud, a phwysigrwydd asesiad risg penodol i’r safle a mesurau rheoli sy’n briodol i’ch maes gwaith
2. y gweithdrefnau iechyd a diogelwch a’r Systemau Gweithio Diogel perthnasol
3. amrediad a phwysigrwydd cynefinoedd rhannol naturiol sydd angen anifeiliaid pori i gynnal eu bioamrywiaeth a sut i asesu amodau, graddau a mathau o gynefinoedd rhannol naturiol gwahanol ar gyfer pori
4. effaith gwahanol fathau o dda byw ar gynefinoedd rhannol naturiol gwahanol
5. y gofynion statudol a allai atal neu osod amodau ar sefydlu da byw ar safleoedd awyr agored, gan gynnwys gwarchodaeth cadwraeth ar gyfer cynefinoedd neu rywogaethau
6. y ddeddfwriaeth a’r codau ymarfer, safonau a chanllawiau’r diwydiant, polisïau, gweithdrefnau a phrotocolau sefydliadol, moeseg busnes a moeseg proffesiynol presennol sy’n berthnasol i’ch maes gwaith ac y mae’n rhaid i chi gadw atynt
7. gofynion cyfreithiol, y diwydiant a sefydliadol am hyfforddiant, profiad ac ardystiad i wneud y gweithgareddau gwaith gofynnol a phwysigrwydd cydnabod eich cyfyngiadau a pheidio ag ymgymryd â gwaith sydd y tu hwnt i lefel eich cymhwysedd
8. pam mae’n bwysig cyfathrebu’n effeithiol â chydweithwyr ac eraill sy’n cymryd rhan yn y gwaith, neu y mae’r gwaith yn effeithio arnynt, a’r dulliau cyfathrebu ddylai gael eu defnyddio
9. yr offer, y cyfarpar a’r cyfarpar diogelu personol (PPE) sy’n ofynnol ar gyfer y gwaith a sut i ddewis, paratoi, defnyddio, cynnal a chadw a storio’r rhain yn ddiogel, yn unol â’r gofynion cyfreithiol perthnasol, cyfarwyddiadau’r gwneuthurwr a gweithdrefnau sefydliadol
10. pwysigrwydd mesurau hylendid a bioddiogelwch a sut i gymhwyso’r rhain
11. pwysigrwydd draenio a hydroleg ar safleoedd awyr agored gwahanol
12. effeithiau sathru ar adar sy’n nythu a dulliau o warchod adar sy’n nythu
13. effaith da byw ar gyrsiau dŵr a chynefinoedd gwlypdir
14. sut i wneud cyfrifiadau dwysedd stocio a’r lefelau priodol ar gyfer safleoedd awyr agored gwahanol
15. sut i asesu peryglon diogelwch a diogeledd posibl ac addasrwydd ffiniau gwahanol, a chysgod, os oes ei angen, i’r da byw
16. yr angen am amddiffyn da byw rhag tarfu neu ysglyfaethwyr a’r camau y gellir eu cymryd
17. sut i asesu lefel ac ansawdd y tir pori, gan gynnwys cydnabod presenoldeb plâu a chlefydau, a nodi planhigion sy’n fuddiol i’r da byw ynghyd â phlanhigion a choed a allai fod yn wenwynig
18. gofynion da byw am fwyd anifeiliaid a dŵr ar safleoedd awyr agored, sut gellir darparu’r rhain a’r gofynion cyfreithiol perthnasol
19. elfennau allweddol cynlluniau rheoli tir pori ac ymagweddau at reoli stoc er mwyn cyflawni’r lefelau priodol o bori i gynnal a chadw a gwella cynefinoedd
20. dulliau o drin a sefydlu da byw ar safleoedd awyr agored sy’n lleihau straen ac sy’n sicrhau eu bod mor fodlon â phosibl, a’r peryglon a allai ddigwydd wrth ryddhau da byw
21. dulliau o fonitro da byw ar safleoedd awyr agored i gynnal eu hiechyd a’u lles, a chanlyniadau posibl methu gwneud hynny
22. eich cyfrifoldebau am les da byw o dan ddeddfwriaeth, codau ymarfer a pholisïau sefydliadol perthnasol ar iechyd a lles anifeiliaid
23. sut i adnabod da byw iach ac arwyddion o afiechyd
24. effaith meddyginiaethau gwrthlyngyr ar fioamrywiaeth
25. yr angen am wirio rhifau stoc a ffiniau
26. defnyddio coleri electronig i fonitro lleoliad a chynnal diogeledd anifeiliaid pori
27. pwysigrwydd adnabod pan fydd tir pori wedi disbyddu a phryd i symud da byw oddi yno, ar sail y cyflwr ac a oes bwyd ar gael
28. rôl porthiant atodol wrth gynnal lles anifeiliaid a ffyrdd o osgoi gorfaethu o borthiant atodol yn y fan a’r lle
29. achosion prinder a halogiad dŵr a’r camau i’w cymryd os bydd y rhain yn digwydd
30. sut i adnabod arwyddion o “sathru tir” a’r camau i’w cymryd
31. eich cyfrifoldeb chi a chyfrifoldeb y sefydliad am amddiffyn yr amgylchedd a gweithio’n gynaliadwy
32. y problemau a all godi wrth sefydlu, monitro a chynnal da byw ar safleoedd awyr agored, y camau i’w cymryd a’r gweithdrefnau sefydliadol ar gyfer rhoi gwybod am broblemau na ellir eu datrys
33. y gofynion cyfreithiol a sefydliadol ar gyfer cwblhau a storio dogfennaeth

---

---

---

---

---

---

---

Rhywogaethau planhigion goresgynnol a chwyn niweidiol gan gynnwys:
• rhododendron
• rhedyn
• clymog Japan
• llysiau’r gingroen

Monitro’r da byw am: gyflwr ac ymddygiad, iechyd ac afiechyd

Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)

---

---

---

5

---

2029

---

Ar hyn o bryd

---

Gwreiddiol

---

Lantra

---

LANLP9

---

Ffermwr, Gweithiwr Fferm Cyffredinol, Gweithiwr Fferm Foch, Tyddynnwr, Crofftwr, Coedwigaeth

---

5111

---

anifail; da byw; cae; pori; porthiant; porfa; bwyd; dŵr

---