Cyflwyno ffrwythloni artiffisial i anifeiliaid fferm

Mae’r safon hon yn cynnwys prif nodweddion cyflwyno ffrwythloni artiffisial i anifeiliaid fferm. Mae ffrwythlondeb yr haid yn ffactor hanfodol mewn unrhyw fenter fridio, ac mae ffrwythloni artiffisial (AI) wedi dod yn weithdrefn flaenllaw yn y broses atgenhedlu ar lawer o unedau bridio. Ar y lefel hon bydd disgwyl i chi gyflwyno pob agwedd ar y broses ffrwythloni.

Mae’r safon hon yn cynnwys proses ffrwythloni artiffisial a rheoli’r weithdrefn o ganfod oestrws ac amseru’r gwasanaeth i gadw cofnodion. Mae’n ofynnol bod gennych brofiad o drin anifeiliaid fferm sy’n oedolion a’ch bod yn gwneud y gweithgareddau hyn yn unol ag arferion busnes.

Wrth weithio gydag anifeiliaid fferm neu beiriannau dylech fod wedi cael hyfforddiant ac yn meddu ar ardystiad cyfredol, lle bo angen.

Mae’r safon hon yn addas ar gyfer y rheiny sy’n gyfrifol am gyflwyno ffrwythloni artiffisial i anifeiliaid fferm sydd wedi cael hyfforddiant priodol.

1. asesu’r risg sydd yn gysylltiedig â’r gweithgaredd i’w gyflawni

2. gwisgo dillad ac offer amddiffynnol personol (PPE) addas

3. dewis, paratoi, defnyddio, cynnal a storio’r offer gofynnol mewn cyflwr diogel a sterilaidd

4. cynnal hylendid a bioddiogelwch, yn unol ag arferion busnes

5. cadarnhau bod yr ardal waith yn ddiogel ac yn addas ar gyfer ffrwythloni artiffisial mewn anifeiliaid fferm

6. nodi’r anifeiliaid fferm i dderbyn ffrwythloni artiffisial

7. symud a thrin yr anifeiliaid fferm mewn ffordd sy’n debygol o gynnal eich diogelwch eich hun a lleihau straen i’r anifeiliaid fferm

8. cyflwyno ffrwythloni artiffisial i anifeiliaid fferm gan leihau  anesmwythdra gymaint â phosibl tra’n hybu llesiant anifeiliaid

9. dychwelyd anifeiliaid fferm i adeiladau a’u monitro am unrhyw broblemau a allai ddigwydd

10. parhau i gyfathrebu gyda chydweithwyr ac eraill sydd yn gysylltiedig â’ch gwaith, neu wedi eu heffeithio ganddo

11. gwneud yr holl waith yn unol â deddfwriaeth amgylcheddol ac iechyd a diogelwch perthnasol, deddfwriaeth iechyd a llesiant anifeiliaid, gofynion asesu risg, codau ymarfer a pholisïau busnes

12. cadarnhau bod cofnodion yn cael eu cynnal a’u storio fel sy’n ofynnol gan ddeddfwriaeth berthnasol a’r busnes

1. sut i adnabod peryglon ac asesu risg

2. y math o ddillad ac offer amddiffynnol personol (PPE) sydd yn addas ar gyfer y gweithgaredd

3. yr offer sy’n ofynnol a sut i’w baratoi, ei ddefnyddio a’i storio yn ddiogel ac mewn cyflwr sterilaidd

4. pwysigrwydd cynnal hylendid a bioddiogelwch a’r dulliau ar gyfer cyflawni hyn

5. arwyddion oestrws mewn anifeiliaid fferm a’r dyfeisiadau y gellir eu defnyddio i gynorthwyo eu canfod

6. hyd oestrws ac amseriad ffrwythloni artiffisial i gyflawni beichiogrwydd

7. y dull cywir o gyflwyno ffrwythloni artiffisial i anifeiliaid fferm

8. yr amodau arferol lle dylid atal anifeiliaid fferm yn ystod ffrwythloni artiffisial, er mwyn hybu eu llesiant

9. y dulliau ar gyfer symud anifeiliaid fferm ar gyfer ffrwythloni artiffisial lle gallai eu hymddygiad newid gan bresenoldeb oestrws

10. y problemau a allai ddigwydd ar ôl i ffrwythloni artiffisial ddigwydd a sut i ymdrin â’r rhain

11. pwysigrwydd parhau i gyfathrebu gyda’r rheiny sydd yn gysylltiedig â’ch gwaith, neu wedi eu heffeithio ganddo, a sut dylid gwneud hyn

12. eich cyfrifoldebau ar gyfer llesiant anifeiliaid fferm yn unol â deddfwriaeth iechyd a llesiant anifeiliaid, codau ymarfer a pholisïau busnes perthnasol

13. eich cyfrifoldebau yn unol â deddfwriaeth amgylcheddol ac iechyd a diogelwch perthnasol, codau ymarfer a pholisïau busnes

14. y cofnodion y mae angen eu cadw a phwysigrwydd eu cwblhau