Yn ol

Monitro a chynnal gori a thwf adar ifanc

URN: LANLP36
Sectorau Busnes (Cyfresi): Cynhyrchu Anifeiliaid Fferm,Crofftio a Chadw Tyddyn
Datblygwyd gan: Lantra
Cymeradwy ar: 2019

Trosolwg

​

Mae’r safon hon yn cynnwys monitro a chynnal gori a thwf adar ifanc. 

Rydych yn debygol o fod â chyfrifoldeb cyffredinol dros y rhan yma o gynhyrchu a chael cymorth yn y rhinwedd hon gan weithwyr eraill. Bydd angen gwybodaeth drwyadl a sgiliau ymarferol arnoch ac mae’n rhaid eich bod yn gallu nodi a datrys problemau sydd yn digwydd.

Mae’r safon hon yn cynnwys sicrhau bod yr ardaloedd gori a thwf a’r amodau amgylcheddol yn unol â gofynion cynhyrchu.
   
Wrth weithio gydag anifeiliaid neu beiriannau dylech fod wedi cael hyfforddiant ac yn meddu ar ardystiad cyfredol, lle bo angen.

Mae’r safon hon yn addas ar gyfer y rheiny sy’n gyfrifol am fonitro a chynnal gori a thwf adar ifanc.

Meini prawf perfformiad

Mae'n rhaid eich bod chi'n gallu:

​

  1. asesu’r risgiau sydd yn gysylltiedig â’r gweithgaredd i gael ei wneud
  2. cadarnhau bod dillad addas a chyfarpar diogelu personol (PPE) yn cael eu gwisgo
  3. cadarnhau bod yr offer, y cyfarpar a’r deunyddiau angenrheidiol yn cael eu dethol, eu paratoi, eu defnyddio a’u cynnal a’u cadw, yn ddiogel ac yn gywir
  4. cynnal hylendid a bioddiogelwch, yn unol ag arferion busnes
  5. cadarnhau bod y llety a’r ardaloedd gori/tyfu yn cael eu sefydlu’n gywir ar gyfer derbyn adar diwrnod oed ac ifanc 
  6. monitro a chynnal yr amodau amgylcheddol, yn unol â gofynion cynhyrchu 
  7. cadarnhau bod adar ifanc yn cael eu symud i’r ardaloedd gori/tyfu yn y niferoedd angenrheidiol ac mewn ffordd sydd yn cynnal eu hiechyd a’u lles
  8. monitro’r amodau byw yn rheolaidd a lle y bo’n briodol, eu haddasu i wella twf i fodloni targedau cynhyrchu
  9. cadarnhau bod cyflenwadau bwyd a dŵr yn cael eu monitro a’u hadnewyddu, fel sydd yn ofynnol gan y system gynhyrchu ac yn unol â gofynion cynhyrchu
  10. monitro bod twf adar ifanc yn bodloni targedau cynhyrchu
  11. monitro iechyd a lles adar ifanc a chadarnhau bod y camau cywir yn cael eu cymryd i ymdrin ag adar sâl neu wedi eu niweidio
  12. cael a gwerthuso cyngor arbenigol lle bo angen, yn cynnwys eich milfeddyg
  13. parhau i gyfathrebu gyda chydweithwyr a phobl eraill sydd yn gysylltiedig â’r gwaith
  14. rheoli gwastraff yn ddiogel ac yn gywir, yn unol â deddfwriaeth berthnasol ac arferion busnes
  15. gwneud eich gwaith yn unol â deddfwriaeth amgylcheddol, iechyd a diogelwch berthnasol, deddfwriaeth iechyd a lles anifeiliaid, gofynion asesu risg, codau ymarfer a pholisïau busnes
  16. cadarnhau bod cofnodion yn cael eu cynnal a’u storio fel sydd yn ofynnol gan y ddeddfwriaeth berthnasol a’r busnes 

Gwybodaeth a Dealltwriaeth

You need to know and understand:

​

  1. sut i nodi peryglon ac asesu risgiau
  2. y math o ddillad a chyfarpar diogelu personol sydd yn addas ar gyfer y gweithgaredd
  3. y mathau o offer, cyfarpar a deunyddiau sydd eu hangen a sut i baratoi, defnyddio, cynnal a chadw a storio’r rhain yn ddiogel ac yn gywir
  4. pwysigrwydd cynnal hylendid a bioddiogelwch a’r dulliau ar gyfer cyflawni hyn
  5. y mathau o lety ar gyfer systemau cynhyrchu gwahanol a sut i’w sefydlu
  6. y ffordd y gall y tymhorau a’r tywydd effeithio ar ori/twf adar ifanc
  7. yr amodau amgylcheddol sydd eu hangen gan y rhywogaeth arbennig a’r cyfnod datblygu, ac effaith bosibl unrhyw newidiadau ar gynhyrchu
  8. sut i fonitro a chynnal yr amodau amgylcheddol 
  9. y gofynion cynhyrchu a sut i fonitro a chynnal targedau yn ymwneud â gori/twf adar ifanc
  10. y ffordd y dylid archwilio a thrin adar ifanc, a gofynion codau lles mewn perthynas â symud adar ifanc
  11. datblygiad ffisiolegol cywir yr adar ifanc
  12. y dwyseddau stoc angenrheidiol ar gyfer y rhwyogaeth a’r cyfnod datblygu a’r ffordd y mae hyn yn effeithio ar dwf a chynhyrchiant
  13. gofynion cywir deiet a dŵr ar gyfer y rhywogaeth a’r cyfnod datblygu ac effaith bosibl unrhyw newid
  14. ffynonellau dibynadwy cyngor arbenigol, yn cynnwys eich milfeddyg
  15. y camau i’w cymryd i ymdrin ag adar sâl neu wedi eu niweidio a’r gweithdrefnau cywir ar gyfer difa dyngarol
  16. y camau i’w cymryd os bydd methiant cyflenwad neu gamweithrediad cyfarpar
  17. pwysigrwydd parhau i gyfathrebu gyda’r rheiny sydd yn gysylltiedig â’ch gwaith a’r ffordd y dylid gwneud hyn
  18. pwysigrwydd bodloni safonau diogelwch bwyd a sicrhau ansawdd perthnasol y diwydiant
  19. sut i drin, cludo, storio a gwaredu gwastraf, yn cynnwys carcasau, yn unol ag arferion cyfreithiol a busnes perthnasol
  20. eich cyfrifoldebau dros les adar yn unol â deddfwriaeth iechyd a lles anifeiliaid berthnasol a chodau ymarfer
  21. eich cyfrifoldebau yn unol â deddfwriaeth amgylcheddol ac iechyd a diogelwch berthnasol, codau ymarfer a pholisïau busnes
  22. y dulliau o reoli stoc, cadw cofnodion ac adrodd a ddefnyddir gan y busnes

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

2024

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANLP36

Galwedigaethau Perthnasol

Ffermwr, Rheolwr Uned, Goruchwyliwr, Tyddynnwr, Crofftwr

Cod SOC

5111

Geiriau Allweddol

dofednod; aderyn; iâr; twrci; gori