Monitro a chynnal y gwaith o baratoi adar ar gyfer eu ffrwythloni

Mae'r safon hon yn cynnwys monitro a chynnal y gwaith o baratoi adar yn barod ar gyfer eu ffrwythloni. Gall ffrwythloni ddigwydd trwy ffrwythloni artiffisial (AI) neu trwy ddulliau naturiol.           

Mae'r safon hon yn cynnwys cynllunio gofynion adar ar gyfer eu ffrwythloni a sicrhau bod adar yn cael eu trin yn unol â'r gofynion llesiant perthnasol.          

Rydych yn debygol o fod â chyfrifoldeb cyffredinol dros y rhan hon o'r cynhyrchu a chael cefnogaeth gweithwyr eraill yn rhinwedd y swydd hon.  Bydd angen gwybodaeth a sgiliau ymarferol sylweddol arnoch ac mae'n rhaid eich bod yn gallu nodi a datrys problemau sydd yn digwydd.         

Wrth weithio gydag anifeiliaid fferm neu beiriannau dylech fod wedi cael hyfforddiant ac yn meddu ar ardystiad cyfredol, lle bo angen.

Mae'r safon hon yn addas ar gyfer y rheiny sydd yn gyfrifol am fonitro a chynnal y gwaith o baratoi adar ar gyfer eu ffrwythloni.

1. asesu'r risg sydd yn gysylltiedig â'r gweithgaredd i'w gyflawni
2. cadarnhau bod dillad ac offer amddiffynnol personol (PPE) addas yn cael eu gwisgo
3. cadarnhau bod yr offer, y cyfarpar a'r deunyddiau gofynnol yn cael eu dewis, eu paratoi, eu defnyddio a'u cynnal a'u cadw yn ddiogel ac yn gywir
4. monitro systemau ar gyfer adnabod adar sydd yn addas i gael eu ffrwythloni
5. cadarnhau addasrwydd adar ar gyfer dibenion bridio, yn unol â'r cynllun atgenhedlu
6. monitro cyflwr corfforol adar a'u parodrwydd i gael eu ffrwythloni
7. dewis adar i gael eu ffrwythloni ar yr amser gorau yn unol â'r cynllun atgenhedlu
8. monitro'r gwaith o baratoi adar ar gyfer eu ffrwythloni
9. monitro a chynnal yr amodau amgylcheddol er mwyn sicrhau bod ffrwythloni'n digwydd, yn unol â'r cynllun atgenhedlu
10. monitro a chynnal y gwaith o drin a chasglu adar, yn unol â gofynion deddfwriaethol a llesiant perthnasol
11. parhau i gyfathrebu gyda chydweithwyr ac eraill sydd yn gysylltiedig â'r gwaith
12. cynnal hylendid a bioddiogelwch, yn unol ag arferion busnes
13. rheoli gwastraff yn ddiogel ac yn gywir, yn unol â deddfwriaeth berthnasol ac arferion busnes
14. gwneud eich gwaith yn unol â deddfwriaeth amgylcheddol ac iechyd a diogelwch perthnasol, deddfwriaeth iechyd a llesiant anifeiliaid, gofynion asesu risg, codau ymarfer a pholisïau'r sefydliad
15. cadarnhau bod cofnodion yn cael eu cynnal a'u storio fel sy'n ofynnol gan ddeddfwriaeth berthnasol a'r sefydliad

​

1. sut i adnabod peryglon ac asesu risg
2. y math o ddillad ac offer amddiffynnol personol (PPE) sydd yn addas ar gyfer y gweithgaredd
3. y mathau o offer, cyfarpar a deunyddiau sy'n ofynnol a sut i baratoi, defnyddio, cynnal a chadw a storio'r rhain yn ddiogel ac yn gywir
4. sut i fonitro addasrwydd neu anaddasrwydd yr adar i gael eu ffrwythloni
5. y dulliau gwahanol o ffrwythloni adar
6. y system a ddefnyddir gan y busnes ar gyfer adnabod a chasglu adar i gael eu ffrwythloni
7. y ddeddfwriaeth a'r codau ymarfer perthnasol mewn perthynas â ffrwythloni
8. sut i asesu parodrwydd yr adar i gael eu ffrwythloni
9. sut gallai newidiadau yng nghyflwr corfforol yr adar effeithio ar eu cylch atgenhedlu, ffrwythloni a'r camau i'w cymryd i unioni hyn
10. y ffyrdd o fonitro cyflwr corfforol ac ymddygiad yr adar
11. sut i baratoi adar i gael eu ffrwythloni trwy ffrwythloni naturiol ac artiffisial
12. y dos gofynnol o semen a defnydd a diben teneuwr os oes angen
13. proses ffrwythloni artiffisial mewn adar
14. yr amodau amgylcheddol cywir sy'n ofynnol ar gyfer ffrwythloni
15. gofynion yr adar o ran porthiant a dŵr a sut dylid cyflenwi'r rhain
16. y mathau o broblemau a allai ddigwydd wrth baratoi adar ar gyfer eu ffrwythloni a sut dylid eu trin
17. diben y cynllun atgenhedlu a phwysigrwydd cadw cofnodion
18. pwysigrwydd parhau i gyfathrebu gyda'r rheiny sydd yn gysylltiedig â'ch gwaith
19. pwysigrwydd cynnal hylendid a bioddiogelwch a'r dulliau ar gyfer cyflawni hyn
20. pwysigrwydd bodloni safonau diogelwch bwyd perthnasol a safonau sicrhau ansawdd y diwydiant
21. sut i drin, cludo, storio a gwaredu gwastraff; yn unol ag arferion cyfreithiol a busnes perthnasol
22. eich cyfrifoldebau dros lesiant adar yn unol â deddfwriaeth iechyd a llesiant anifeiliaid a chodau ymarfer perthnasol
23. eich cyfrifoldebau yn unol â deddfwriaeth amgylcheddol ac iechyd a diogelwch perthnasol, codau ymarfer a pholisïau busnes
24. y dulliau o reoli stoc, cadw cofnodion ac adrodd a ddefnyddir gan y busnes