Cynorthwyo i odro anifeiliaid fferm

Mae’r safon hon yn cynnwys cynorthwyo i odro anifeiliaid fferm, yn cynnwys gwartheg, geifr a defaid.

Mae’n ofynnol arnoch i ddilyn cyfarwyddiadau i gynnal cyflwr a llesiant yr anifeiliaid fferm trwy gydol y weithdrefn odro. Mae hyn yn cynnwys y godro ei hun, a thra bod yr anifeiliaid fferm yn mynd i mewn i’r parlwr godro ac yn gadael. Wrth gwblhau’r weithdrefn odro, mae’n rhaid glanhau a diheintio’r ardal waith a’r offer yn drwyadl.

Wrth weithio gydag anifeiliaid fferm neu beiriannau, dylech fod wedi cael hyfforddiant ac yn meddu ar ardystiad cyfredol, lle bo angen.

Wrth wneud eich gwaith mae’n rhaid i chi ystyried yr effaith y bydd yn ei gael ar yr amgylchedd.

Mae’r safon hon yn addas ar gyfer y rheiny sydd yn cynorthwyo i odro anifeiliaid fferm.

1. bod yn ymwybodol o beryglon sydd yn gysylltiedig â’r gweithgaredd i’w gyflawni

2. gwisgo dillad ac offer amddiffynnol personol (PPE) addas

3. sicrhau bod yr ardal waith yn lân ac yn daclus, a bod yr offer godro’n cael ei baratoi cyn godro’r anifeiliaid fferm

4. cynnal hylendid a bioddiogelwch yn unol â’r cyfarwyddiadau

5. cynorthwyo’r gwaith o gasglu’r anifeiliaid fferm sydd yn aros i gael eu godro, gan gynnal eich diogelwch eich hun ac iechyd a llesiant yr anifeiliaid fferm bob amser

6. arsylwi ymddygiad a gweithgaredd yr anifeiliaid fferm a hysbysu’r person sy’n gyfrifol am y godro ynghylch problemau

7. darparu porthiant, yn unol â’r cyfarwyddiadau, os yw’r anifeiliaid fferm i gael eu bwydo wrth eu godro

8. paratoi cadeiriau ar gyfer godro, gan sicrhau eu bod yn lân a chysylltu’r unedau yn unol â’r cyfarwyddiadau

9. gwirio a monitro gweithrediad yr offer cyn ac yn ystod o broses odro a hysbysu’r person sy’n gyfrifol am odro ynghylch problemau

10. adnabod adegau pan fydd anifeiliaid fferm yn cynhyrchu llaeth sydd yn anaddas i bobl ei ddefnyddio

11. tynnu a gosod unedau yn y safle cywir, yn unol â’r cyfarwyddiadau, pan fydd llif y llaeth yn dod i ben

12. gosod triniaethau ar yr anifeiliaid fferm, os ceir cyfarwyddyd i wneud hynny, wrth gwblhau’r godro

13. cwblhau’r gweithdrefnau godro yn yr amser priodol, yn unol â’r cyfarwyddiadau

14. sicrhau bod y llaeth yn rhydd rhag halogiad

15. gwaredu llaeth sydd yn anaddas i bobl ei ddefnyddio yn ddiogel yn unol â’r cyfarwyddiadau

16. cynorthwyo gyda’r gwaith o symud anifeiliaid fferm o’r ardal odro mewn ffordd sy’n achosi’r straen lleiaf posibl

17. cwblhau gweithdrefnau glanhau ar ôl godro, gan adael yr ardal waith a’r offer yn y cyflwr cywir ar gyfer ei ddefnyddio yn y dyfodol

18. gwneud eich gwaith yn unol â deddfwriaeth amgylcheddol ac iechyd a diogelwch perthnasol a deddfwriaeth iechyd a llesiant anifeiliaid, gofynion asesu risg, codau ymarfer a pholisïau busnes

19. cynorthwyo’r gwaith o gwblhau cofnodion fel sy’n ofynnol gan ddeddfwriaeth berthnasol a’r busnes

1. y peryglon sydd yn gysylltiedig â godro anifeiliaid fferm

2. y math o ddillad ac offer amddiffynnol personol (PPE) sydd yn addas ar gyfer y gweithgaredd

3. y math o barlwr godro sy’n cael ei ddefnyddio a’r offer sy’n ofynnol ar gyfer godro

4. sut i gynnal a defnyddio’r offer yn ddiogel ac yn gywir

5. y trefniadau hylendid a bioddiogelwch mewn perthynas â godro anifeiliaid fferm

6. sut i adnabod anifeiliaid fferm iach ac arwyddion salwch

7. y dulliau gwahanol o fwydo anifeiliaid fferm wrth odro

8. safle cywir anifeiliaid fferm yn yr ardal odro

9. y ffyrdd y mae anifeiliaid fferm yn ymateb i’ch ymddygiad a sut i drin anifeiliaid fferm anodd yn ddiogel

10. y dulliau ar gyfer paratoi cadeiriau ar gyfer godro, yn cynnwys glanhau a gwiriadau cyn godro

11. sut i adnabod cadair lân

12. arwyddion mastitis mewn anifeiliaid fferm, y rhesymau pam y dylid gwaredu llaeth o’r fath a’r gweithdrefnau ar gyfer ei waredu

13. sut i adnabod adegau pan mae anifeiliaid fferm yn cynhyrchu llaeth sydd yn anaddas i bobl ei ddefnyddio

14. y ffyrdd y gellir halogi llaeth a sut i leihau hyn

15. sut i wirio gweithrediad yr offer godro

16. sut i osod triniaethau ar yr anifeiliaid fferm, lle bo angen, ar ôl cwblhau’r weithdrefn odro

17. pwysigrwydd hysbysu’r person sy’n gyfrifol am y godro ynghylch materion neu broblemau

18. y rhesymau pam y mae graddfeydd amser yn bwysig wrth odro anifeiliaid fferm

19. dulliau a phwysigrwydd profi llaeth

20. y safonau diogelwch bwyd mewn perthynas â godro a phwysigrwydd cadw atynt

21. eich cyfrifoldebau dros lesiant anifeiliaid fferm yn unol â deddfwriaeth iechyd a llesiant anifeiliaid, codau ymarfer a pholisïau busnes

22. eich cyfrifoldebau yn unol â deddfwriaeth amgylcheddol ac iechyd a diogelwch, codau ymarfer a pholisïau busnes

23. y cofnodion y mae angen eu cadw a phwysigrwydd eu cwblhau