Gwasanaethu ac atgyweirio systemau aerdymheru/oeri ar y tir

Mae’r safon hon yn cynnwys gwasanaethu ac atgyweirio systemau aerdymheru/oeri ar y tir yn cynnwys aerdymheru symudol (MAC) ac oeri peiriannau sefydlog.  

Mae’r safon yn cynnwys egwyddorion gweithredol, gwiriadau swyddogaethol a chynnal a chadw MAC ac oeri peiriannau sefydlog, (e.e. adfer/sychu/gwefru, cyfradd/effeithiolrwydd oeri, llif/hidlo aer, cyplysiadau/pibellau/pibau, anwedd/inswleiddio/brigio, systemau gyriant, systemau TXV (falfiau ehangu thermol)/FOT (tiwb tyllau sefydlog)/rheoli hinsawdd). Mae hefyd yn cynnwys profi gollyngiadau, (e.e. uwchfioled, gweledol, profion nitrogen electronig a di-ocsigen).

Wrth weithio gyda pheiriannau neu gyfarpar dylech fod wedi cael hyfforddiant ac yn meddu ar ardystiad cyfredol lle bo angen, yn unol â deddfwriaeth berthnasol.

Wrth weithio ar gerbydau trydan foltedd uchel (foltedd peryglus /HaV) mae’n rhaid i ddadrymuso gael ei wneud gan berson sydd wedi cael hyfforddiant yn unol â gweithdrefnau’r cynhyrchydd.

Mae’r safon hon ar gyfer y rheiny sy’n gweithio ym maes peirianneg ar y tir sy’n defnyddio eu menter eu hun mewn rôl sy’n ymwneud yn uniongyrchol â chwsmeriaid. Gallai gynnwys mentora cydweithiwr iau i gynorthwyo gydag agweddau o’r gwasanaethu ac atgyweirio.

Noder – dylai unrhyw un sy’n ymdrin ag oeryddion feddu ar ardystiad dilys sydd yn cydymffurfio â rheoliadau ymdrin â nwy cyfredol F.

1. bod yn ymwybodol o beryglon ac asesu’r risgiau sydd yn gysylltiedig â’r gweithgaredd a’r lleoliad lle bydd yn cael ei wneud
2. bod yn ymwybodol o’r effaith amgylcheddol bosibl sydd yn gysylltiedig â’r gweithgaredd a ffyrdd y gellir rheoli hyn
3. dewis a gwisgo dillad addas a chyfarpar diogelu personol (PPE)
4. dewis, paratoi, defnyddio, cynnal a chadw a storio’r offer a’r cyfarpar sydd eu hangen i gyflawni’r gweithgaredd yn unol â gofynion cyfreithiol perthnasol, cyfarwyddiadau’r cynhyrchydd ac arferion y cwmni
5. sicrhau bod y cyfarpar ar y tir y mae angen ei wasanaethu a’i atgyweirio yn ddiogel, wedi ei baratoi a’i ynysu o ffynonellau pŵer lle bo angen
6. cymryd y rhagofalon angenrheidiol i atal cemegau, nwyon a sylweddau rhag dianc a lleihau’r perygl o halogi a pheryglon lle bo angen
7. defnyddio amrywiaeth o ddulliau i gasglu gwybodaeth ddiagnostig i nodi diffygion a namau  
8. pennu’r gofynion ar gyfer gwasanaethu ac atgyweirio
9. nodi a sefydlu argaeledd cydrannau amnewid sydd eu hangen ar gyfer y gweithgaredd
10. symud ac amnewid systemau aerdymheru/oeri ar y tir a chydrannau cysylltiedig
11. datgymalu, archwilio ac adfer systemau a chydrannau aerdymheru/oeri ar y tir
12. cynnal gweithgareddau gwasanaethu neu atgyweirio gan ddilyn gofynion cyfreithiol a manylebau’r cynhyrchwyr
13. adnabod ac unioni namau aerdymheru, rheoli hinsawdd neu oeri
14. cynnal gwiriadau neu brofion gweithredol i sicrhau ymarferoldeb system
15. symud a disodli cydrannau wedi treulio ac wedi eu niweidio yn unol â chyfarwyddiadau a manylebau
16. defnyddio dulliau profi addas i asesu perfformiad y system wedi ei hailgydosod wrth gwblhau’r gwaith a chadarnhau ei fod yn perfformio yn unol â’r fanyleb weithredu cyn ei dychwelyd at y cwsmer
17. ailgylchu neu waredu’r mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r gofynion cyfreithiol ac amgylcheddol perthnasol a pholisi’r cwmni 
18. cwblhau cofnodion fel sydd yn ofynnol gan ddeddfwriaeth berthnasol, gofynion gwarant a gweithdrefnau’r cwmni

1. sut i nodi peryglon ac asesu risg wrth baratoi i wasanaethu ac atgyweirio cyfarpar ar y tir 
2. y math o ddillad a chyfarpar diogelu personol (PPE) sydd yn addas ar gyfer y gweithgaredd
3. yr offer a’r cyfarpar sydd eu hangen i gyflawni’r gweithgaredd a sut i’w dewis, eu paratoi, eu defnyddio, eu cynnal a’u cadw a’u storio yn ddiogel ac yn gywir, yn unol â chyfarwyddiadau’r cynhyrchydd ac arferion y cwmni
4. y gofynion cyfreithiol perthnasol ar gyfer paratoi a defnyddio cyfarpar gwaith
5. y ffordd y dylid paratoi cyfarpar ar y tir ar gyfer gwasanaethu ac atgyweirio 
6. y peryglon sy’n cael eu creu gan ynni wedi ei storio a’r ffordd y dylid ymateb i’r rhain yn ystod y cyfnod paratoi 
7. y cemegau, nwyon a’r sylweddau peryglus a allai fod yn bresennol a’r ffyrdd y dylid ymdrin â nhw 
8. y dulliau gwahanol y gellir eu defnyddio ar gyfer asesu diffygion a namau gyda systemau aerdymheru/oeri ar y tir a nodi’r achos sylfaenol  
9. diffygion a namau cyffredin sydd yn digwydd gyda systemau aerdymheru/oeri ar gyfarpar ar y tir 
10. y ffactorau sy’n effeithio ar werth gwasanaethu ac atgyweirio, fel cost, amcangyfrif o fywyd gwaith, angen brys am y cyfarpar
11. y cydrannau sydd eu hangen ar gyfer y gwasanaethu a’r atgyweirio a gweithdrefnau’r cwmni ar gyfer cael amnewidiadau 
12. egwyddorion gweithredu systemau aerdymheru ac oeri a’u cydrannau
13. mathau a chyfliniad systemau yn unol â’r cymhwysiad
14. sut i symud a gwasanaethu neu amnewid cydrannau aerdymheru neu oeri
15. sut i ddatgymalu, archwilio ac adfer cydrannau aerdymheru neu oeri yn unol â gofynion y cynhyrchydd
16. sut i unioni namau aerdymheru, rheoli hinsawdd neu oeri
17. y dulliau o brofi cyfarpar wrth gwblhau gweithgaredd i gadarnhau ei fod yn perfformio yn unol â’r fanyleb weithredu cyn ei ddychwelyd at y cwsmer
18. sut i ailgylchu neu waredu’r mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r gofynion cyfreithiol ac amgylcheddol a pholisi’r cwmni 
19. yr effaith bosibl y gallai eich gweithgaredd ei gael ar yr amgylchedd a ffyrdd y gellir rheoli hyn
20. y wybodaeth y mae angen ei chofnodi, gweithdrefnau’r cwmni ar gyfer cadw cofnodion a gofynion deddfwriaeth diogelu data

Gweithgareddau - e.e. profi (gollyngiad, pwysedd, gwactod) adfer, llifolchi ac ailwefru

Namau - e.e. methiant gyriant/cywasgwr, colli oerydd, oerydd/llif aer cyfyngedig, switsh a/neu reolyddion tymheredd diffygiol, tanddefnydd/gorddefnydd o oerydd neu iraid

Gallai cemegau a sylweddau peryglus gynnwys:

• tanwydd

• olewau

• hylifau

• nwyon

• llwch

• aer cywasgedig

Cyfarwyddiadau a manylebau:

• darluniau/cynlluniau

• amserlenni

• datganiadau dull

• Gweithdrefnau Gweithredu Safonol (SOP)

• Cyfarwyddiadau’r cynhyrchydd

• gofynion cwsmeriaid

• cyfarwyddiadau llafar

Dulliau diagnosis:

• archwiliadau gweledol

• profion ymarferol a gweithredol

• cyfarpar diagnostig

• systemau rheoli a monitro electronig o bell

• adolygu data technegol

Gwiriadau gweithredol - e.e. gyriant cywasgwr, switshys/rheolyddion, cyflenwadau pŵer, cyfradd/effeithiolrwydd oeri, anwedd, inswleiddio, brigo, llif aer, hidlwyr

Ynni wedi ei storio:

• sbringiau

• tyndra strap

• pwysedd hydrolig

• gollyngiad trydanol

• gollyngiad cronnwr

Systemau a’u cydrannau - e.e. cywasgwr, cyplyswyr, pibellau a phibau, cyddwysydd, anweddydd, sychwr derbynnydd, cyfnewidwyr gwres, thermostatau, falfiau ehangu rheoli a thermol (TXV), tiwb tyllau sefydlog (FOT), hidlwyr/gwahanwyr

Mathau o systemau - e.e. Aerdymheru Symudol MAC, oeri peiriannau sefydlog, TXV – Falfiau ehangu thermol, FOT – tiwb tyllau sefydlog