Yn ol

Gwasanaethu ac atgyweirio systemau niwmatig ar gyfarpar ar y tir

URN: LANLEO25
Sectorau Busnes (Suites): Gweithrediadau Peirianneg ar y Tir
Datblygwyd gan: Lantra
Cymeradwy ar: 2022

Trosolwg

​

Mae’r safon hon yn cynnwys gwasanaethu ac atgyweirio systemau niwmatig ar gyfarpar ar y tir. Mae’n cynnwys diagnosis, symud, gwasanaethu/atgyweirio ac adfer cylchedau, systemau a chydrannau niwmatig yn unol â manylebau’r cynhyrchydd, (e.e. mecanweithiau brecio aer neu wedi eu cychwyn gan aer).

Wrth weithio gyda pheiriannau neu gyfarpar dylech fod wedi cael hyfforddiant ac yn meddu ar ardystiad cyfredol lle bo angen, yn unol â deddfwriaeth berthnasol.

Wrth weithio ar gerbydau trydan foltedd uchel (foltedd peryglus /HaV) mae’n rhaid i ddadrymuso gael ei wneud gan berson sydd wedi cael hyfforddiant yn unol â gweithdrefnau’r cynhyrchydd.

Mae’r safon hon ar gyfer y rheiny sy’n gweithio ym maes peirianneg ar y tir sy’n defnyddio eu menter eu hun mewn rôl sy’n ymwneud yn uniongyrchol â chwsmeriaid. Gallai gynnwys mentora cydweithiwr iau i gynorthwyo gydag agweddau o’r gwasanaethu ac atgyweirio.

Meini prawf perfformiad

Mae'n rhaid eich bod chi'n gallu:

​

  1. bod yn ymwybodol o beryglon ac asesu’r risgiau sydd yn gysylltiedig â’r gweithgaredd a’r lleoliad lle bydd yn cael ei wneud
  2. bod yn ymwybodol o’r effaith amgylcheddol bosibl sydd yn gysylltiedig â’r gweithgaredd a ffyrdd y gellir rheoli hyn
  3. dewis a gwisgo dillad addas a chyfarpar diogelu personol (PPE)
  4. dewis, paratoi, defnyddio, cynnal a chadw a storio’r offer a’r cyfarpar sydd eu hangen i gyflawni’r gweithgaredd yn unol â gofynion cyfreithiol perthnasol, cyfarwyddiadau’r cynhyrchydd ac arferion y cwmni
  5. sicrhau bod y cyfarpar ar y tir y mae angen ei wasanaethu a’i atgyweirio yn ddiogel, wedi ei baratoi a’i ynysu o ffynonellau pŵer lle bo angen
  6. cymryd y rhagofalon angenrheidiol i atal cemegau, nwyon a sylweddau rhag dianc a lleihau’r perygl o halogi a pheryglon lle bo angen
  7. defnyddio amrywiaeth o ddulliau i gasglu gwybodaeth ddiagnostig i nodi diffygion a namau  
  8. pennu’r gofynion ar gyfer gwasanaethu ac atgyweirio
  9. nodi a sefydlu argaeledd cydrannau amnewid sydd eu hangen ar gyfer y gweithgaredd
  10. nodi, symud ac amnewid cydrannau system niwmatig ar gyfarpar ar y tir
  11. rhyddhau pwysedd aer wedi ei storio ac anwedd mewn systemau a chylchedau
  12. datgymalu, gwasanaethu/atgyweirio ac adfer systemau a chydrannau niwmatig yn unol â manylebau a safonau’r cynhyrchwyr
  13. symud ac amnewid cydrannau wedi eu treulio a’u niweidio yn unol â chyfarwyddiadau a manylebau
  14. canfod gollyngiadau aer a selio cydrannau a ddefnyddir mewn systemau niwmatig
  15. paratoi’r system niwmatig i gael ei phrofi a chynnal profion 
  16. defnyddio dulliau profi addas i asesu perfformiad y system sydd wedi ei hailgydosod wrth gwblhau’r gwaith a chadarnhau ei bod yn perfformio yn unol â’r fanyleb weithredu cyn ei dychwelyd at y cwsmer
  17. ailgylchu neu waredu’r mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r gofynion cyfreithiol ac amgylcheddol perthnasol a pholisi’r cwmni 
  18. cwblhau cofnodion fel sydd yn ofynnol gan ddeddfwriaeth berthnasol, gofynion gwarant a gweithdrefnau’r cwmni

Gwybodaeth a Dealltwriaeth

You need to know and understand:

​

  1. sut i nodi peryglon ac asesu risg wrth baratoi i wasanaethu ac atgyweirio cyfarpar ar y tir 
  2. y math o ddillad a chyfarpar diogelu personol (PPE) sydd yn addas ar gyfer y gweithgaredd
  3. yr offer a’r cyfarpar sydd eu hangen i gyflawni’r gweithgaredd a sut i’w dewis, eu paratoi, eu defnyddio, eu cynnal a’u cadw a’u storio yn ddiogel ac yn gywir, yn unol â chyfarwyddiadau’r cynhyrchydd ac arferion y cwmni
  4. y gofynion cyfreithiol perthnasol ar gyfer paratoi a defnyddio cyfarpar gwaith
  5. y ffordd y dylid paratoi cyfarpar ar y tir ar gyfer gwasanaethu ac atgyweirio
  6. y peryglon sy’n cael eu creu gan ynni wedi ei storio a’r ffordd y dylid ymateb i’r rhain yn ystod y cyfnod paratoi 
  7. y cemegau, nwyon a’r sylweddau peryglus a allai fod yn bresennol a’r ffyrdd y dylid ymdrin â nhw 
  8. cymwysiadau systemau niwmatig ar gyfarpar peirianneg ar y tir
  9. y dulliau gwahanol y gellir eu defnyddio ar gyfer asesu diffygion a namau gyda systemau niwmatig ar gyfarpar ar y tir a nodi’r achos sylfaenol  
  10. prif achosion methiannau niwmatig a’u symptomau
  11. y ffactorau sy’n effeithio ar werth gwasanaethu ac atgyweirio, fel cost, amcangyfrif o fywyd gwaith, angen brys am y cyfarpar
  12. y cydrannau sydd eu hangen ar gyfer y gwasanaethu a’r atgyweirio a gweithdrefnau’r cwmni ar gyfer cael amnewidiadau 
  13. y symbolau a ddefnyddir mewn diagramau cylchedau niwmatig
  14. sut i ddarllen a dehongli diagramau cylchedau niwmatig
  15. sut i symud ac amnewid cydrannau niwmatig
  16. sut i ddatgymalu, gwasanaethu/atgyweirio ac adfer cydrannau a systemau niwmatig yn unol â manylebau a safonau’r cynhyrchydd
  17. y mathau gwahanol o gylched niwmatig
  18. adeiladwaith, mathau a swyddogaeth cydrannau system niwmatig
  19. y dulliau o ganfod gollyngiadau mewn systemau aer
  20. sut i adnabod mathau o bibellau niwmatig a’u gosodiadau perthnasol
  21. sut i gydosod ac atgyweirio a chynhyrchu pibellau niwmatig
  22. sut i gynnal profion diagnostig ac addasu cydrannau a systemau niwmatig yn unol â manylebau’r cynhyrchydd a gosodiadau’r ffatri
  23. y dulliau o brofi cyfarpar wrth gwblhau gweithgaredd i gadarnhau ei fod yn perfformio yn unol â’r fanyleb weithredu cyn ei ddychwelyd at y cwsmer
  24. sut i ailgylchu neu waredu’r mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r gofynion cyfreithiol ac amgylcheddol a pholisi’r cwmni 
  25. yr effaith bosibl y gallai eich gweithgaredd ei gael ar yr amgylchedd a ffyrdd y gellir rheoli hyn
  26. y wybodaeth y mae angen ei chofnodi, gweithdrefnau’r cwmni ar gyfer cadw cofnodion a gofynion deddfwriaeth diogelu data

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Achosion methiannau niwmatig - e.e. dŵr, lludded, halogiad, gollyngiadau

Profion diagnostig - e.e. profion pwysedd, addasu falfiau cyfyngu a rhyddhau pwysedd, gosod falfiau cychwyn brêc aer

Offer diagnostig - e.e. mesurau pwysedd uchel ac isel, pwysedd

Gallai cemegau a sylweddau peryglus gynnwys:
• tanwydd
• olewau
• hylifau
• nwyon
• llwch
• aer cywasgedig

Cyfarwyddiadau a manylebau:
• darluniau/cynlluniau
• amserlenni
• datganiadau dull
• Gweithdrefnau Gweithredu Safonol (SOP)
• Cyfarwyddiadau’r cynhyrchydd
• gofynion cwsmeriaid
• cyfarwyddiadau llafar

Dulliau diagnosis:
• archwiliadau gweledol
• profion ymarferol a gweithredol
• cyfarpar diagnostig
• systemau rheoli a monitro electronig o bell
• adolygu data technegol

Cylched niwmatig - e.e. llinell unigol a llinell ddeuol

Cydrannau system niwmatig - e.e.
• cywasgwyr aer
• falfiau rheoleiddio pwysedd aer, falfiau rhyddhau, falfiau dadlwytho
• falfiau rheoli pwysedd aer, falf brêc llaw, falfiau brêc troed, falfiau wedi eu gweithredu â diaffram
• silindrau wedi eu cychwyn gan aer, clustogau aer, cydrannau system methu diogel/brys
• derbynwyr aer a sychwyr

Ynni wedi ei storio:
• sbringiau
• tyndra strap
• pwysedd hydrolig
• gollyngiad trydanol
• gollyngiad cronnwr

Dolenni I NOS Eraill

​Mae profion a diagnosteg sylfaenol wedi eu cynnwys yn LANLEO30 Archwilio a phrofi cyfarpar ar y tir

Cysylltiadau Allanol

Fersiwn rhif

Dyddiad Adolygu Dangosol

2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANLEO25

Galwedigaethau Perthnasol

Peirianneg ar y tir

Cod SOC

2129

Geiriau Allweddol

ar y tir; cyfarpar; peirianneg; niwmatig; gwasanaethu; atgyweirio