Gwasanaethu ac atgyweirio systemau rheoli a monitro electronig ar gyfarpar ar y tir

​Mae’r safon hon yn cynnwys gwasanaethu ac atgyweirio systemau rheoli a monitro electronig ar gyfarpar ar y tir. Mae’n cynnwys y cydrannau a’r systemau trydanol ac electronig a ddefnyddir i greu, prosesu a throsglwyddo data a ddefnyddir wrth reoli a monitro cyfarpar ar y tir a’u gweithgareddau cysylltiedig.

Mae hefyd yn cynnwys y sgiliau a’r wybodaeth hanfodol i alluogi’r technegydd i ddeall swyddogaeth a chymhwyso’r cydrannau a’r systemau a ddefnyddir, y dechnoleg a ddefnyddir a sut i ddilysu perfformiad system, rhoi diagnosis a chywiro diffyg cydymffurfio system â manylebau’r cynhyrchydd.

Dylid graddnodi unrhyw gyfarpar profi a ddefnyddir yn unol â gofynion y cynhyrchydd. 

Wrth weithio gyda pheiriannau neu gyfarpar dylech fod wedi cael hyfforddiant a meddu ar ardystiad cyfredol lle bo angen, yn unol â deddfwriaeth berthnasol.

Wrth weithio ar gerbydau trydan foltedd uchel (foltedd peryglus/HaV) mae’n rhaid i’r dadrymuso gael ei wneud gan berson sydd wedi cael ei hyfforddi yn unol â gweithdrefnau’r cynhyrchydd.

Mae’r safon hon ar gyfer y rheiny sy’n gweithio ym maes perianneg ar y tir gan ddefnyddio eu menter eu hunain mewn rôl sy’n ymwneud yn uniongyrchol â chwsmeriaid. Gallai gynnwys monitro cydweithiwr iau mewn agweddau ar y gwasanaethu a’r atgyweirio.

1. ​bod yn ymwybodol o beryglon ac asesu’r risgiau sydd yn gysylltiedig â’r gweithgaredd a’r lleoliad lle bydd yn cael ei wneud
2. bod yn ymwybodol o’r effaith bosibl ar yr amgylchedd sydd yn gysylltiedig â’r gweithgaredd a ffyrdd y gellir rheoli hyn
3. dewis a gwisgo dillad addas a chyfarpar diogelu personol (PPE)
4. dewis, paratoi, defnyddio, cynnal a chadw a storio’r offer a’r cyfarpar sydd yn ofynnol i gyflawni’r gweithgaredd yn unol â gofynion cyfreithiol perthnasol, cyfarwyddiadau’r cynhyrchdd ac arferion y cwmni
5. profi a dilysu uniondeb y cyfarpar diagnostig
6. sicrhau bod y cyfarpar ar y tir sydd angen ei wasanaethu a’i atgyweirio yn ddiogel, wedi ei baratoi a’i ynysu o ffynonellau pŵer lle bo angen
7. cymryd y rhagofalon cywir i atal cemegau, nwyon a sylweddau rhag dianc a lleihau’r perygl o halogiad a pheryglon lle bo angen
8. defnyddio amrywiaeth o ddulliau i gasglu gwybodaeth ddiagnostig i nodi diffygion a namau mewn cyfarpar, systemau rheoli a monitro electronig a chydrannau ar y tir, yn cynnwys namau ysbeidiol
9. pennu’r gofynion ar gyfer gwasanaethu ac atgyweirio
10. nodi a sefydlu argaeledd cydrannau amnewid sy’n ofynnol ar gyfer y gweithgaredd
11. gwasanaethu/atgyweirio a/neu amnewid cydrannau i gadarnhau perfformiad dibynadwy systemau rheoli a monitro electronig
12. adfer/dehongli/mudo gwybodaeth wedi ei storio o systemau rheoli a monitro electronig
13. gosod paramedrau, graddnodi, a dilysu perfformiad systemau rheoli a monitro electronig
14. cynnal cyfarpar rheoli a monitro electronig i gadarnhau perfformiad dibynadwy
15. cydnabod nodweddion maes electromagnetig a’r dylanwad y mae hyn yn ei gael ar gylchedau cysylltiedig
16. cadarnhau bod cyfarpar yn cael ei osod neu ei raddnodi’n gywir ar ôl gwasanaethu ac atgyweirio
17. defnyddio dulliau profi addas i asesu perfformiad y system sydd wedi ei hailgydosod wrth gwblhau’r gwaith a chadarnhau ei fod yn perfformio yn unol â manyleb weithredu cyn ei dychwelyd at y cwsmer
18. ailgylchu neu waredu mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â gofynion cyfreithiol ac amgylcheddol a pholisi’r cwmni
19. cwblhau cofnodion fel sydd yn ofynnol gan ddeddfwriaeth berthnasol, gofynion gwarant a gweithdrefnau’r cwmni

1. ​sut i nodi peryglon ac asesu risg wrth baratoi i wasanaethu ac atgyweirio cyfarpar ar y tir
2. y math o ddillad a chyfarpar diogelu personol (PPE) sydd yn addas ar gyfer y gweithgaredd
3. yr offer a’r cyfarpar sydd eu hangen i gyflawni’r gweithgaredd a sut i’w dewis, eu paratoi, eu defnyddio, eu cynnal a’u cadw a’u storio’n gywir, yn unol â chyfarwyddiadau’r cynhyrchydd a pholisi’r cwmni
4. y gofynion cyfreithiol perthnasol ar gyfer paratoi a defnyddio cyfarpar gwaith
5. sut i brofi a dilysu uniondeb cyfarpar diagnostig
6. y ffordd y dylid paratoi cyfarpar ar y tir ar gyfer ei wasanaethu a’i atgyweirio
7. y peryglon sy’n cael eu creu gan ynni wedi ei storio a’r ffordd y dylid ymateb i’r rhain yn ystod y cyfnod paratoi
8. y cemegau, y nwyon a’r sylweddau peryglus a allai fod yn bresennol a’r ffyrdd y dylid ymdrin â’r rhain
9. y dulliau gwahanol y gellir eu defnyddio ar gyfer asesu diffygion a namau gyda systemau rheoli a monitro electronig ar gyfarpar ar y tir, yn cynnwys namau ysbeidiol, a nodi’r achos sylfaenol 
10. y defnydd o gyfathrebu electronig, telemetreg, i gasglu data a sut i ddehongli data digidol
11. diffygion a namau cyffredin sydd yn digwydd gyda systemau rheoli a monitro electronig ar gyfarpar ar y tir a’r ffactorau sydd yn dylanwadu ar fethiant cydrannau electronig
12. y ffactorau sydd yn effeithio ar werth gwasanaethu ac atgyweirio, fel y gost, amcangyfrif o fywyd gweithredol, angen brys am y cyfarpar
13. y cydrannau sydd eu hangen ar gyfer y gwasanaethu a’r atgyweirio a gweithdrefnau’r cwmni ar gyfer cael amnewidiadau
14. y ffordd y caiff arwyddion trydanol, electronig a di-wifr eu creu a’u cyfathrebu
15. swyddogaeth a gweithrediad system rheoli a monitro electronig ar y tir
16. y mathau gwahanol o systemau rheoli a monitro a ddefnyddir ar gyfarpar ar y Tir
17. swyddogaeth cydrannau system rheoli a monitro electronig allweddol
18. swyddogaeth, mathau a chymhwyso sgrinio ar gyfer cydrannau electronig er mwyn llesteirio dylanwad electronig allanol
19. y dylliau a ddefnyddir i atgyweirio neu amnewid cydrannau systemau rheoli a monitro electronig cyfarpar ar y tir
20. y dylliau a ddefnyddir i wirio a chynnal uniondeb systemau rheoli a monitro electronig
21. sut i adennil, dehongli ac adfer gwybodaeth sydd wedi ei storio mewn unedau rheoli electronig (ECU)
22. sut i raddnodi a dilysu gweithrediad cywir o systemau rheoli a monitro electronig
23. systemau rheoli peiriannau hunanlywodraethol a robotig
24. cymhwyso a defnyddio cyfarpar ffermio manwl gywir
25. y dulliau o brofi cyfarpar wrth gwblhau gwaith i gadarnhau ei fod yn perfformio yn unol â’r fanyleb weithredu cyn ei ddychwelyd at y cwsmer
26. sut i ailgylchu neu waredu gwastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â gofynion cyfreithiol ac amgylcheddol perthnasol a pholisi’r cwmni
27. yr effaith bosibl y gallai eich gweithgaredd ei chael ar yr amgylchedd a’r ffyrdd y gellir rheoli hyn
28. y wybodaeth sydd angen ei chofnodi, gweithdrefn y cwmni ar gyfer cadw cofnodion a gofynion deddfwriaeth diogelu data

​Systemau rheoli a monitro - e.e.

• rheolaeth injan
• rheoli trawsyriant
• rheolaeth pentir
• monitro perfformiad
• monitro teledu cylch cyfyng
• offeru cyfarpar
• gwybodaeth gyrrwr
• rheoli crogiant
• rheoli hydrolig
• llywio peilot
• gwasanaeth gosod byd-eang (GPS)
• trawsyrru
• Trawsgyweiriad Lles Curiad (PWM)
• CAN Bus, LIN Bus, ISOBUS
• telemetreg
• systemau tywys awtomatig

Cydrannau - e.e.

• datgelwyr
• rheoleiddwyr
• gwrthyddion
• thermistorau
• troswyr
• trosglwyddwyr
• unedau rheoli electronig (ECU)

Gallai cemegau a sylweddau peryglus gynnwys:

• tanwydd
• olewau
• hylifau
• nwyon
• llwch
• aer cywasgedig

Cyfarwyddiadau a manylebau:

• darluniau/cynlluniau
• amserlenni
• datganiadau dull
• Gweithdrefnau Gweithredu Safonol (SOP)
• Cyfarwyddiadau’r cynhyrchydd
• gofynion cwsmeriaid
• cyfarwyddiadau llafar

Dulliau diagnosis:

• archwiliadau gweledol
• profion ymarferol a gweithredol
• cyfarpar diagnostig
• systemau rheoli a monitro electronig o bell
• adolygu data technegol

Ynni wedi ei storio:

• sbringiau
• tensiwn strap
• pwysedd hydrolig
• gollyngiad trydanol
• gollyngiad cronnwr