Gwasanaethu ac atgyweirio cydosodiadau trawsyrru mecanyddol ar gyfarpar ar y tir

Mae’r safon hon yn cynnwys gwasanaethu ac atgyweirio cydosodiadau trawsyrru mecanyddol ar gyfarpar ar y tir. Mae’n cynnwys tynnu, datgymalu, atgyweirio ac ailgydosod gerflychau, trawsyriadau a’u cydrannau (e.e. gafael lithro, gafael gyson, syncro-mesh), yr arferion profi, diagnosis ac atgyweirio sydd yn angenrheidiol ar gyfer trawsyriadau syml a chymhleth, yn ogystal â’r cydrannau trawsyrru sydd yn angenrheidiol i drawsyrru pŵer i olwynion gyriant a darnau peiriannau sydd yn symud, (e.e. cydosodiadau echel ôl, cydosodiadau echel flaen neu gydosodiadau echel yrru).

Wrth weithio gyda pheiriannau neu gyfarpar dylech fod wedi cael hyfforddiant ac yn meddu ar ardystiad cyfredol lle bo angen, yn unol â deddfwriaeth berthnasol.

Wrth weithio ar gerbydau trydan foltedd uchel (foltedd peryglus/HaV) mae’n rhaid i’r dadrymuso gael ei wneud gan berson sydd wedi cael hyfforddiant yn unol â gweithdrefnau’r cynhyrchydd.

Mae’r safon hon ar gyfer y rheiny sy’n gweithio ym maes peirianneg ar y tir o dan oruchwyliaeth.

1. bod yn ymwybodol o beryglon ac asesu’r risgiau sydd yn gysylltiedig â’r gweithgaredd a’r lleoliad lle bydd yn cael ei wneud
2. bod yn ymwybodol o’r effaith amgylcheddol bosibl sydd yn gysylltiedig â’r gweithgaredd a’r ffyrdd y gellir rheoli hyn
3. dewis a gwisgo dillad addas a chyfarpar diogelu personol (PPE)
4. dewis, paratoi, defnyddio, cynnal a chadw, a storio’r offer a’r cyfarpar sydd yn angenrheidiol i gyflawni’r gweithgaredd yn unol â gofynion cyfreithiol perthnasol, cyfarwyddiadau’r cynhyrchydd ac arferion y cwmni
5. sicrhau bod y cyfarpar ar y tir sydd angen ei wasanaethu a’i atgyweirio yn ddiogel, wedi ei baratoi a’i ynysu o ffynonellau pŵer lle bo angen
6. cymryd y rhagofalon angenrheidiol i atal cemegau, nwyon a sylweddau rhag dianc a lleihau’r perygl o halogi a pheryglon lle bo angen
7. defnyddio amrywiaeth o ddulliau i gasglu gwybodaeth ddiagnostig i nodi diffygion a namau  
8. pennu’r gofynion ar gyfer gwasanaethu ac atgyweirio
9. gwerthuso defnyddioldeb rhannau trawsyrru mewn atgyweiriad
10. nodi a sefydlu argaeledd cydrannau amnewid sydd yn ofynnol ar gyfer y gweithgaredd
11. symud ac amnewid cydosodiadau trawsyrru mecanyddol a’u cydrannau cysylltiedig o gyfarpar ar y tir
12. symud halogiad o drawsyrru sydd wedi methu
13. datgymalu, gwasanaethu/atgyweirio ac adfer cydosodiadau mecanyddol a’u cydrannau yn unol â manyleb a safonau’r cynhyrchydd
14. symud a disodli cydrannau sydd wedi treulio a’u niweidio yn unol â chyfarwyddiadau a manylebau
15. cadarnhau bod cyfarpar yn cael ei osod a’i raddnodi ar ôl ei wasanaethu a’i atgyweirio
16. defnyddio dulliau profi addas i asesu perfformiad y system sydd wedi ei hailgyfosod wrth gwblhau’r gwaith a chadarnau ei bod yn perfformio yn unol â’r fanyleb weithredu cyn dychwelyd at y cwsmer
17. ailgylchu neu waredu’r mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r gofynion cyfreithiol ac amgylcheddol a pholisi’r cwmni
18. cwblhau cofnodion fel sydd yn ofynnol gan ddeddfwriaeth berthnasol, gofynion gwarant a gweithdrefnau’r cwmni

1. sut i nodi peryglon ac asesu risg wrth baratoi i wasanaethu ac atgyweirio cyfarpar ar y tir 
2. y mathau o ddillad a chyfarpar diogelu personol (PPE) sydd yn addas ar gyfer y gweithgaredd
3. yr offer a’r cyfarpar sydd eu hangen i gyflawni’r gweithgaredd a sut i’w dewis, eu paratoi, eu defnyddio, eu cynnal a’u cadw a’u storio’n ddiogel ac yn gywir, yn unol â chyfarwyddiadau’r cynhyrchydd ac arferion y cwmni
4. y gofynion cyfreithiol perthnasol ar gyfer paratoi a defnyddio cyfarpar gwaith
5. y ffordd y dylid paratoi cyfarpar ar y tir ar gyfer ei wasanaethu a’i atgyweirio
6. y peryglon sydd yn cael eu creu gan ynni sydd wedi ei storio a sut dylid ymateb i’r rhain yn ystod y cyfnod paratoi 
7. y cemegau, y nwyon a’r sylweddau peryglus allai fod yn bresennol a’r ffyrdd y dylid ymdrin â nhw 
8. y dulliau gwahanol y gellir eu defnyddio ar gyfer asesu diffygion a namau gyda chydosodiadau trawsyrru mecanyddol ac adnabod yr achosion sylfaenol  
9. diffygion a namau arferol sydd yn digwydd gyda chydosodiadau trawsyrru mecanyddol ar gyfarpar ar y tir 
10. y ffactorau sydd yn effeithio ar werth cyflawni’r gwasanaethu a’r atgyweirio, fel cost, amcangyfrif o fywyd gweithredol, angen brys am y cyfarpar
11. y cydrannau sydd yn angenrheidiol ar gyfer y gwasanaethau a’r atgyweirio a gweithdrefnau’r cwmni ar gyfer cael amnewidiadau 
12. sut i werthuso defnyddioldeb rhannau trawsyrru mewn atgyweiriad
13. mathau, adeiladwaith, ac egwyddorion gweithredu gerflychau a’u cydrannau
14. sut i symud a disodli cydosodiadau trawsyrru mecanyddol a’u cydrannau o gyfarpar ar y tir
15. sut i symud halogiad o drawsyrru sydd wedi methu
16. sut i ddatgymalu, gwasanaethu/atgyweirio ac adfer cydosodiadau trawsyrru mecanyddol a’u cydrannau i fanyleb a safonau’r cynhyrchydd
17. sut i ddilyn y llwybr gyrru trwy gydosodiadau trawsyrru mecanyddol a’u cydrannau gan ddefnyddio darluniau systematig y cynhyrchydd
18. mathau, adeiladwaith ac egwyddorion gweithredu echelau pŵer blaen ac ôl a’u cydrannau
19. y berthynas rhwng pŵer, cyflymder a throrym, i gynnwys y berthynas â threfn trawsyrru, lleoliad brêcs, maint cydrannau
20. y dulliau o osod cyfarpar a pheiriannau ar ôl gwasanaethu ac atgyweirio 
21. y dulliau o brofi cydosodiadau trawsyrru mecanyddol wrth gwblhau’r gwaith i gadarnhau eu bod yn perfformio yn unol â’r fanyleb weithredu cyn eu dychwelyd at y cwsmer
22. sut i ailgylchu neu waredu’r mathau gwahanol o wastraff yn gynaliadwy, yn cynnwys gwastraff peryglus a gwastraff nad yw’n beryglus, a achoswyd gan y gweithgaredd, yn unol â’r gofynion cyfreithiol ac amgylcheddol a pholisi’r cwmni 
23. yr effaith bosibl y gallai eich gweithgaredd ei gael ar yr amgylchedd a’r ffyrdd y gellir rheoli hyn
24. y wybodaeth y mae angen ei chofnodi, gweithdrefn y cwmni ar gyfer cadw cofnodion a gofynion deddfwriaeth diogelu data

Cyflawni’r gweithgareddau angenrheidiol ar gyfer isafswm o dri cydosodiad a chydran trawsyrru: mae’n rhaid i un ohonynt fod yn erflwch mecanyddol cymhleth ar gerbyd ar y tir:

gerflychau a’u cydrannau e.e:

1. gafael lithro

2. gafael gyson

3. syncro-mesh

4. blychau ystod a lleihau

5. symudiad ôl a blaen

6. gyriannau PTO

7. gerflychau symudiad robotig/hydrolig

echelau ôl a blaen a’u cydrannau e.e:

1. unedau lleihau echelau ôl a blaen

2. differol

3. cloeon differol

4. hanner symudiadau

5. cymalau cyflymdra parhaus

6. cymalau cyffredinol

Gallai cemegau a sylweddau peryglus gynnwys:

• tanwydd

• olewau

• hylifau

• nwyon

• llwch

• aer cywasgedig

Cyfarwyddiadau a manylebau:

• darluniau/cynlluniau

• amserlenni

• datganiadau dull

• Gweithdrefnau Gweithredu Safonol (SOP)

• Cyfarwyddiadau y cynhyrchydd

• gofynion cwsmeriaid

• cyfarwyddiadau llafar

Dull diagnosis:

• archwiliadau gweledol

• profion ymarferol a gweithredol

• cyfarpar diagnostig

• systemau rheoli a monitro electronig o bell

• adolygu data technegol

Ynni wedi ei storio:

• sbringiau

• tyndra strap

• pwysedd hydrolig

• gollyngiad trydanol

• gollyngiad cronnwr