Yn ol

Gweithio’n ddiogel yn ardal waith peirianneg ar y tir

URN: LANLEO1
Sectorau Busnes (Suites): Gweithrediadau Peirianneg ar y Tir
Datblygwyd gan: Lantra
Cymeradwy ar: 31 Ion 2022

Trosolwg

​

Mae’r safon hon yn cynnwys gweithio’n ddiogel yn ardal waith peirianneg ar y tir yn ogystal â bod yn ymwybodol o gyfrifoldebau amgylcheddol. Mae’n cynnwys gofynion iechyd a diogelwch, adnabod a lleihau peryglon, nodi ac ymdrin ag argyfyngau a chyfrannu at leihau effaith amgylcheddol gweithgareddau gwaith.

I gynnal amgylchedd gwaith iach a diogel, mae’n ofynnol arnoch i gymryd gofal rhesymol o’ch iechyd a’ch diogelwch eich hun ac eraill a allai gael eu heffeithio gan eich gwaith. Mae’n ofynnol arnoch hefyd gydweithredu â’ch cyflogwr i’w helpu i gydymffurfio â’u dyletswyddau yn unol â deddfwriaeth iechyd a diogelwch.

Byddwch yn gallu cynnal asesiad risg cyn y gweithgareddau gwaith a gweithredu i leihau’r risg posibl i chi eich hun ac i eraill yn yr ardal waith, a allai gynnwys adeiladau cyflogwyr, adeiladau cwsmeriaid, trafnidiaeth gwaith neu unrhyw leoliad arall.

Mae’n rhaid eich bod yn gallu dilyn gweithdrefnau gofynnol os bydd damwain neu sefyllfa frys, er enghraifft, damwain, anaf, tân neu ddigwyddiad peryglus. Mae hefyd yn cynnwys damweiniau fu bron â digwydd (er enghraifft pan fydd damwain neu argyfwng arall bron â digwydd).

Mae’r safon hefyd yn cynnwys ymwybyddiaeth o faterion amgylcheddol a phwysigrwydd lleihau effaith eich gweithgareddau gwaith trwy gymhwyso arferion gwaith fydd yn lleihau’r risg o niwed amgylcheddol.

Mae’r safon hon ar gyfer y rheiny sy’n gweithio ym maes peirianneg ar y tir.

Meini prawf perfformiad

Mae'n rhaid eich bod chi'n gallu:

​

  1. cynnal asesiad risg ar gyfer pob gweithgaredd gwaith fel sy’n ofynnol gan ddeddfwriaeth iechyd a diogelwch a gweithdrefnau cwmni perthnasol

  2. cymryd camau gofynnol i leihau unrhyw risgiau iechyd a diogelwch a nodir

  3. adrodd a chofnodi peryglon a nodir ac amlinellu unrhyw gamau yr ydych wedi eu cymryd yn unol â gweithdrefnau iechyd a diogelwch y cwmni

  4. cyfathrebu unrhyw ragofalon iechyd a diogelwch sy’n cael eu cymhwyso yn yr ardal waith i’r rheiny sy’n mynd i mewn i’r ardal

  5. dewis a defnyddio’r cyfarpar diogelu personol (PPE) priodol sy’n ofynnol ar gyfer y dasg

  6. gweithio mewn ffordd sy’n lleihau risgiau i’ch iechyd, eich diogelwch a’ch diogeledd eich hun a phobl eraill a allai gael eu heffeithio gan eich gwaith, gan gydymffurfio â deddfwriaeth iechyd a diogelwch, codau ymarfer a pholisi a gweithdrefnau iechyd a diogelwch cwmni perthnasol

  7. adnabod prosesau, offer, cyfarpar a deunyddiau diwydiannol sydd â’r potensial i achosi niwed

  8. adnabod terfynau eich cymhwysedd eich hun a gofyn am gymorth a chyngor pan fo angen

  9. mabwysiadu arferion gwaith diogel i ddiogelu eich hun rhag anaf, clefydau’n gysylltiedig â gwaith neu broblemau iechyd eraill

  10. dilyn gweithdrefnau’r cwmni a systemau gweithio diogel wrth weithio ar eich pen eich hun neu mewn sefyllfa allai fod yn beryglus

  11. gweithredu gweithdrefnau’r cwmni heb oedi mewn sefyllfa frys, gan ofalu lleihau’r risg o anaf personol a thrydydd parti

  12. dilyn gweithdrefnau cau i lawr a gwacáu a defnyddio systemau rhybudd a rhwystrau pan fo angen
  13. nodi a defnyddio cyfarpar ymladd tân perthnasol pan mae’n ddiogel gwneud hynny
  14. gweithredu i ofyn am gymorth, hysbysu’r rheiny sydd angen gwybod a chwblhau cofnodion gofynnol
  15. cymryd y camau gofynnol i reoli a glanhau gorlifiau neu ollyngiadau
  16. adnabod y gweithgareddau allai achosi niwed i’r amgylchedd a defnyddio arferion gwaith sy’n lleihau risg
  17. adnabod, trin, defnyddio a storio sylweddau peryglus yn unol â deddfwriaeth berthnasol, taflenni data cynhyrchwyr a gweithdrefnau’r cwmni
  18. ailgylchu neu waredu’r mathau gwahanol o wastraff yn gynaliadwy, yn cynnwys rhai peryglus a rhai nad ydynt yn beryglus, rhai a achosir gan y gweithgaredd, yn unol â gofynion cyfreithiol a pholisi cwmni perthnasol 

Gwybodaeth a Dealltwriaeth

You need to know and understand:

​

  1. eich cyfrifoldebau personol chi a rhai’r cwmni yn unol â deddfwriaeth iechyd a diogelwch a chodau ymarfer cyfredol yn ymwneud â gweithgareddau peirianneg ar y tir
  2.   polisi a gweithdrefnau iechyd a diogelwch y cwmni yn cynnwys adrodd a chofnodi
  3. pwysigrwydd gwirio’n barhaus am beryglon a nodi risgiau yn ardal waith peirianneg ar y tir
  4.   hierarchiaeth mesurau i reoli risgiau yn cynnwys dileu, amnewid, rheolyddion peirianneg perthnasol, systemau gwaith diogel, hyfforddiant/cyfarwyddyd a chyfarpar diogelu personol (PPE)
  5. y mathau gwahanol o gyfarpar digoelu personol (PPE) a’u defnydd
  6.   y risgiau o anaf, clefydau’n ymwneud â gwaith neu broblemau iechyd eraill sydd yn gysylltiedig â’ch gwaith a’r arferion gwaith diogel y gellir eu mabwysiadu i ddiogelu rhag y rhain
  7.   y risg o weithio’n ynysig, mewn lleoliadau pellennig neu sefyllfaoedd â’r potensial i fod yn beryglus a systemau diogel gwaith a gweithdrefnau cwmni y mae angen eu dilyn
  8. sut i adnabod a dehongli ystyr arwyddion diogelwch a symbolau rhybudd rhyngwladol
  9. y mathau o argyfyngau a allai ddigwydd yn ardal gwaith peirianneg ar y tir a’r camau i’w cymryd
  10. gweithdrefnau’r cwmni ar gyfer cymorth cyntaf yn cynnwys lleoliad cyfarpar cymorth cyntaf ar y safle ac oddi arno a sut i gysylltu â’r swyddog cymorth cyntaf
  11. y gweithdrefnau gwacáu ar gyfer eich ardal waith
  12. y mathau gwahanol o danau a allai ddigwydd a chymhwyso cyfarpar ymladd tân perthnasol
  13. y gofynion deddfwriaethol perthnasol a gweithdrefnau’r cwmni ar gyfer adrodd a chofnodi damweiniau, digwyddiadau a damweiniau fu bron â digwydd
  14. y camau i’w cymryd i leihau risg o anaf personol neu drydydd parti yn cynnwys defnyddio systemau rhybudd a rhwystrau
  15. sut i ynysu a chau cyfarpar i lawr
  16. sut i reoli a glanhau gorlifiau a gollyngiadau
  17. pwysigrwydd diogelu’r amgylchedd rhag niwed pellach
  18. y ddeddfwriaeth a’r codau ymarfer perthnasol mewn perthynas â lleihau niwed i’r amgylchedd
  19. sut i ddefnyddio arferion gwaith sy’n lleihau’r niwed y gallai eich gweithgareddau gwaith eu hachosi i’r amgylchedd
  20. sut i nodi a dosbarthu sylwedd peryglus, a’r dulliau a’r gweithdrefnau ar gyfer trin, defnyddio a storio sylweddau peryglus yn ofalus
  21. sut i ailgylchu neu waredu’r mathau gwahanol o wastraff, peryglus ac nad yw’n beryglus, a achosir gan y gweithgaredd, yn unol â gofynion cyfreithiol perthnasol a pholisi’r cwmni

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

cyfarpar – gall fod yn sefydlog neu’n symudol

perygl – rhywbeth allai achosi niwed i chi eich hun neu i rywun arall, e.e. 
• gweithio ar beiriannau halogedig
• gweithio gyda sylweddau sy’n beryglus i iechyd
• symud ac amnewid amddiffynwyr
• symud peryglon tân, llithro a baglu
• sefydlogi gwrthrychau sydd mewn perygl o syrthio
• symud tarthau, llwch, nwyon ac anweddau peryglus
• rhyddhau pwysedd wedi ei storio
• gweithio mewn mannau uchel neu fannau cyfyngedig
• ymdrin â silindrau nwy dan wasgedd a nwyon wedi’u storio
• gweithio gyda thrydan
• codi a symud llwythi
• golau gwael
• mygdarthau
• gollyngiadau
• gweithio unigol
• lludded

sylweddau peryglus - e.e. glanhawyr cemegol, tanwydd, nwyon, ireidiau, paent, teneuwyr, asid batri, oerwyr

risg – y tebygolrwydd y bydd perygl yn achosi niwed mewn gwirionedd

gweithgareddau gwaith a allai achosi niwed i’r amgylchedd - e.e.
adfer nwyon oerol, glanhau peiriannau gosodiadau cemegol, adfer olewau a thanwydd, balast hylif

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

31 Ion 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANLEO1

Galwedigaethau Perthnasol

Peirianneg ar y tir

Cod SOC

2129

Geiriau Allweddol

iechyd; diogelwch; peryglon; risgiau; damweiniau; argyfyngau; amgylcheddol