Goruchwylio a gweithredu cynlluniau ar gyfer gosod systemau draenio tir

​Mae'r safon hon ar gyfer y rheiny sy'n gyfrifol am oruchwylio a gweithredu cynlluniau ar gyfer gosod systemau draenio tir.

Os ydych yn gweithio gyda chemegau neu beiriannau bydd angen eich bod wedi cael hyfforddiant ac yn meddu ar ardystiad cyfredol lle bo angen yn unol â deddfwriaeth berthnasol.

Mae'n rhaid i chi wneud eich gwaith mewn ffordd fydd yn lleihau'r effaith ar yr amgylchedd naturiol ac yn gwella ei werth o ran natur, cadwraeth a hamdden.

1. asesu'r risg sydd yn gysylltiedig â'r safle a'r gwaith arfaethedig ar gyfer draenio tir 
2. cadarnhau bod dillad ac offer amddiffynnol personol (PPE) addas yn cael eu gwisgo 
3. archwilio, asesu ac adrodd ar y safle cyn gosod systemau draenio tir 
4. cadarnhau bod y cynlluniau ar gyfer gosod systemau draenio tir yn cyd-fynd â diben a swyddogaeth y safle a'r manylebau 
5. pennu'r adnoddau sy'n ofynnol i weithredu'r gwaith o osod systemau draenio tir 
6. cadarnhau bod yr offer, y cyfarpar a'r peiriannau priodol ar gyfer gosod systemau draenio tir yn cael eu paratoi a'u defnyddio yn ddiogel ac yn gywir 
7. sicrhau bod dulliau gwaith yn cael eu sefydlu a'u cyfathrebu'n glir i bawb sydd yn gysylltiedig â'r gwaith o osod systemau draenio tir 
8. lleihau'r perygl i'r cyhoedd a gweithredwyr eraill 
9. rhoi'r gweithrediadau a gynlluniwyd ar waith ar gyfer gosod systemau draenio tir 
10. goruchwylio a monitro'r gweithrediadau a gynlluniwyd i sicrhau eu bod yn bodloni'r manylebau a'r amserlen y cytunwyd arni 
11. cadarnhau bod gwaredu gwastraff a deunydd dros ben yn lleihau'r perygl amgylcheddol yn unol â'r gofynion cyfreithiol perthnasol 
12. cadarnhau bod gwaith yn cael ei wneud yn unol â deddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau sefydliadol

1. sut i adnabod peryglon ac asesu risg wrth oruchwylio a gweithredu cynlluniau ar gyfer gosod systemau draenio tir 
2. y math o ddillad ac offer amddiffynnol personol (PPE) sydd yn addas ar gyfer y gweithgaredd 
3. sut i ddewis, paratoi, defnyddio a chynnal a chadw'r offer, y cyfarpar a'r peiriannau gofynnol yn ddiogel ac yn gywir 
4. pwysigrwydd arolygu, asesu ac adrodd ar gyflwr y safle cyn gosod systemau draenio tir 
5. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo a sut dylid gwneud hyn 
6. egwyddorion a dulliau yn ymwneud â dewis a gweithredu peiriannau ar gyfer gosod systemau draenio tir 
7. pwysigrwydd systemau draenio sydd yn gweithio'n gywir ac yn effeithlon 
8. egwyddorion dyluniad draeniad 
9. yr egwyddorion a'r cyfrifiadau sy'n ymwneud â manylebau draeniad  
10. pam y mae'n bwysig cadw ardaloedd gwaith yn lân ac yn daclus 
11. sut i drin, cludo a gwaredu gwastraff yn unol â gofynion cyfreithiol a sefydliadol perthnasol 
12. pam y mae'n bwysig gwneud gwaith yn unol â'r amserlen y cytunwyd arni 
13. y cofnodion y mae angen eu cwblhau a'u cadw a pham 
14. pa risg i'r cyhoedd a gweithredwyr a allai fod yn bresennol wrth osod systemau draenio tir a sut i'w lleihau 
15. y gofynion cyfreithiol perthnasol sy'n rheoli gwaredu gwastraff a deunyddiau dros ben  
16. pwysigrwydd dilyn arfer gorau amgylcheddol ac ecolegol i leihau effaith eich gwaith ar yr amgylchedd 
17. eich cyfrifoldebau yn unol â deddfwriaeth amgylcheddol ac iechyd a diogelwch, codau ymarfer a pholisïau sefydliadol perthnasol

​

Cyfarwyddiadau: llafar neu ysgrifenedig

Manylebau: darluniau, amserlenni, datganiadau dull, Gweithdrefnau Gweithredu Safonol (GGS), canllawiau cynhyrchwyr, polisïau sefydliadol