Marchnata a gwerthu planhigion a chynnyrch perthnasol eraill

​

Mae'r safon hon ar gyfer y rheiny sydd yn marchnata ac yn gwerthu planhigion a chynnyrch perthnasol eraill.

Mae'r safon yn cynnwys sicrhau eich bod yn deall y cynnyrch yr ydych yn eu marchnata ac yn eu gwerthu. Er mwyn gwerthu planhigion a chynnyrch perthnasol yn llwyddiannus, mae'n rhaid eich bod yn gallu hysbysu cwsmeriaid am ofynion y cynnyrch, e.e. ym mha gyflwr y dylid eu cadw, gofynion storio, dulliau dyfrio, gofal a chynnal a chadw cyffredinol, cylch bywyd a sut i sefydlu planhigyn er mwyn cael y twf gorau.

Mae gwerthu llwyddiannus yn dibynnu ar ddenu a chadw cwsmeriaid.  Yn yr amgylchedd hwn bydd angen eich bod yn gallu gofalu am eich cwsmeriaid a marchnata a gwerthu eich planhigion a chynnyrch perthnasol eraill.  Er mwyn gwneud hyn yn llwyddiannus mae'n rhaid eich bod yn cymryd rhan weithredol mewn rôl werthu.

Mae'n rhaid i chi wneud eich gwaith mewn ffordd fydd yn lleihau'r effaith ar yr amgylchedd naturiol.

​

1. marchnata planhigion a chynnyrch perthnasol eraill mewn ffordd fydd yn denu cwsmeriaid ac yn cynyddu gwerthiant
2. cynnal yr amodau gorau posibl ar gyfer y planhigion cyhyd â phosibl yn y cyfleusterau sydd ar gael
3. darparu bwyd a dŵr fel y bo angen i gynnal cyflwr y planhigion
4. adnabod unrhyw blanhigion neu gynnyrch y dylid eu tynnu a chymryd y camau gofynnol
5. cylchdroi stoc planhigion a chynnyrch eraill
6. monitro datblygiad planhigion newydd yn erbyn y cynllun cylchdroi stoc a chymryd camau os oes unrhyw broblemau
7. defnyddio deunyddiau a labeli yn y man gwerthu yn effeithiol 
8. hyrwyddo gwerthiannau cysylltiedig
9. cyfathrebu'n dda gyda chwsmeriaid
10. darparu gwybodaeth i gwsmeriaid am y planhigion neu gynnyrch eraill yr ydych yn eu gwerthu
11. agor a chau gwerthiannau yn foddhaol
12. gwneud eich gwaith yn unol â deddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau sefydliadol

1. sut i farchnata planhigion a chynnyrch perthnasol eraill er mwyn cynyddu gwerthiannau

2. pwysigrwydd lleoli planhigion ac effaith gwres ac oerfel

3. sut i gynnal cyflwr planhigion a chynnyrch perthnasol eraill
4. plâu neu glefydau gwahanol sy'n effeithio ar blanhigion a'r camau priodol i'w cymryd 
5. y ffyrdd gwahanol y caiff planhigion eu gwerthu e.e. gorchudd gwreiddiau a chynwysyddion 
6. egwyddorion cylchdroi stoc
7. gwerth deunydd yn y man gwerthu a'r ystod sydd ar gael
8. y ffordd y gellir cysylltu gwerthiannau eraill â phryniannau planhigion
9. dulliau gwahanol o gyfathrebu gyda chwsmeriaid a phryd i'w defnyddio
10. pwy yw eich cwsmeriaid, yr hyn y maent yn ei ddisgwyl a pham y gallent beidio dod yn ôl 
11. y cynnyrch yr ydych yn eu gwerthu
12. sut i roi gwybodaeth i gwsmeriaid
13. egwyddorion gwasanaeth cwsmeriaid da
14. sut i agor a chau gwerthiannau yn foddhaol 
15. sut i ymdrin ag ymholiadau a chwynion
16. pwysigrwydd dilyn arfer gorau amgylcheddol ac ecolegol i leihau effaith eich gwaith ar yr amgylchedd
17. eich cyfrifoldebau yn unol â deddfwriaeth amgylcheddol ac iechyd a diogelwch, codau ymarfer a pholisïau sefydliadol

​

A.         arddangos y cynnyrch canlynol i farchnata a gwerthu:

1. cyfryngau tyfu
2. cynwysyddion
3. bwyd planhigion
4. planhigion
5. hadau
6. bylbiau