Gosod arwynebeddau llorlechi/slabiau caled

Mae’r safon hon ar gyfer y rheiny sydd yn gosod arwynebeddau llorlechi/slabiau caled.

Mae’r safon hon yn un o gyfres o chwech wedi eu hanelu at y rheiny sydd yn gosod y mathau amrywiol o arwynebeddau llawr caled a ddefnyddir yn y diwydiannau tirlunio.

Mae’r safon hon yn targedu gweithredwyr sydd yn gweithio o dan oruchwyliaeth gyfyngedig ac mae’n canolbwyntio ar y sgiliau sy’n ofynnol i ddeall y strwythur a gosod arwynebeddau caled tra’n gweithio yn unol â manylebau.

Bydd disgwyl i chi ddeall effaith gosod ar yr amgylchedd uniongyrchol, ac effaith yr amgylchedd ar y strwythur.

1. ​asesu'r risg sydd yn gysylltiedig â'r safle a'r gwaith arfaethedig
2. dewis, paratoi a defnyddio offer a chyfarpar ar gyfer gosod arwynebeddau llorlechi/slabiau caled, yn cynnwys offer amddiffynnol personol (PPE) ac offer amddiffynnol anadlol (RPE) yn ddiogel ac yn gywir
3. cadw niwed, gwastraff diangen, effaith annymunol ar yr amgylchedd a llygredd mor isel â phosibl tra'n gosod arwynebeddau llorlechi/slabiau caled
4. gosod allan ar gyfer llinell a lefel
5. gosod arwynebeddau llorlechi/slabiau caled mewn patrwm addas gan ddefnyddio technegau llaw a/neu â chymorth mecanyddol fel y bo'n briodol
6. sicrhau bod yr arwynebedd sydd wedi ei osod yn cyd-fynd
7. torri i mewn i'r safon ofynnol ar yr ymylon ac o amgylch rhwystrau fel gorchuddion mynediad
8. cywasgu arwynebedd
9. sicrhau bod gosodiad terfynol arwynebedd llorlechi/slabiau caled yn cydymffurfio ac unioni unrhyw broblemau 
10. llenwi cymalau a gorffen yn briodol
11. cynnal arwynebedd glân a di-staen 
12. cadw'r safle mewn cyflwr glân a thaclus tra'n gosod arwynebeddau llorlechi/slabiau caled
13. glanhau, cynnal a chadw a storio offer a chyfarpar ar ôl gosod arwynebeddau llorlechi/slabiau caled yn brydlon ac yn ddiogel
14. diogelu arwynebeddau llorlechi/slabiau caled rhag tywydd a defnydd nes eu bod mewn cyflwr addas
15. gadael y safle yn ddiogel, yn daclus ac yn addas ar gyfer y defnydd a fwriadwyd ar ei gyfer
16. cynnal perthynas waith gyda phawb sydd yn gysylltiedig â gosod arwynebeddau llorlechi/slabiau caled, neu wedi eu heffeithio ganddo
17. parhau i gyfathrebu gyda phawb sydd yn gysylltiedig â'ch gwaith, neu wedi eu heffeithio ganddo
18. gwneud eich gwaith yn unol â deddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau sefydliadol

​

1. y tywydd sy'n briodol ar gyfer gosod arwynebeddau llorlechi/slabiau caled
2. sut i gynnal asesiad risg ar gyfer gosod arwynebeddau llorlechi/slabiau caled a phenderfynu ar amodau gwaith diogel
3. sut i ddehongli manylebau gosod arwynebedd llorlechi/slabiau caled
4. sut i fesur er mwyn sicrhau bod y gwaith o fewn y goddefiannau 
5. sut mae disgyniadau, llinellau a lefelau yn cael eu pennu a'u gosod allan
6. sut i ddewis a pharatoi'r offer a'r cyfarpar cywir ar gyfer y dasg, yn cynnwys offer amddiffynnol personol (PPE) ac offer amddiffynnol anadlol (RPE)
7. sut i ddefnyddio, cynnal a chadw, glanhau a storio'r offer a'r cyfarpar angenrheidiol yn ddiogel ac yn gywir, yn cynnwys holltwr, llif ac offer tocio
8. pwysigrwydd atal llwch ac offer amddiffynnol anadlol (RPE) wrth ddefnyddio cylchlif
9. pwysigrwydd atalfeydd ymylon
10. sut i gyfrifo ansawdd y deunyddiau palmant sy'n ofynnol
11. sut dylid storio deunyddiau palmant ar y safle, sut cânt eu dosbarthu i'r man gosod a sut maent yn cael eu gosod ar gyfer y gweithredwr gosod
12. yr ystod o arwynebeddau llorlechi/slabiau sydd ar gael a'u cymwysiadau addas
13. sut mae cwrs gosod caled yn cael ei baratoi, bywyd gwaith y deunydd haenu a phwysigrwydd peidio â pharatoi ardal rhy fawr cyn yr ardal osod
14. yr ystod o batrymau llorlechi/slabiau a ddefnyddir yn gyffredin ar y safle, eu cryfderau a'u gwendidau perthynol, a sut cânt eu sefydlu
15. y ffordd y gall taenu ymylon sydd yn derbyn wella cymhwysedd cymalau priddgalch sy'n cael eu pwyntio â llaw
16. y ffordd y mae arwynebeddau llorlechi/slabiau yn cael eu gosod i radiysau a chorneli
17. y ffordd y mae arwynebeddau llorlechi/slabiau yn cael eu gosod ar rampiau a chroesfannau isel, a lle mae newid mewn graddiant neu gyfeiriad disgyniad
18. pwysigrwydd cymysgu a dewis llorlechi ar hap o dri phecyn neu fwy cyn gosod
19. y ffordd y mae arwynebeddau llorlechi/slabiau yn cael eu gwirio'n barhaus o ran cydymffurfio â llinell, lefel, lled cymal a chymhwysedd llorlechi yn ystod y broses osod
20. sut mae torri i mewn yn cael ei gyflawni gan ddilyn egwyddorion isafswm maint llorlech, slab, toriadau rhiciau a thechnegau torri mewnol
21. y defnydd o rimynnau concrid o amgylch rhwystrau fel gorchuddion mynediad 
22. pwysigrwydd defnyddio deunyddiau cymalu a’u rôl ym mherfformiad yr arwynebedd wedi ei gwblhau 
23. technegau a ddefnyddir ar gyfer growtio sych a gwlyb (slwtsh), chwistrell gwn a phwyntio â llaw
24. y ffordd y caiff gyrdd, morthwylion pren ac offer cywasgu eraill eu defnyddio a’r defnydd o unrhyw atodiadau angenrheidiol
25. tynnu ac adnewyddu llorlechi/slabiau diffygiol
26. y ffordd y caiff arwynebeddau eu gwirio’n barhaus o ran cydymffurfio â llinell, lefel, lled cymal a chymhwysedd deunyddiau yn ystod o broses osod
27. pwysigrwydd gwiriadau cydymffurfio terfynol
28. pwysigrwydd parhau i gyfathrebu gyda’r rheiny sydd yn gysylltiedig â’ch gwaith, neu wedi eu heffeithio ganddo, a sut dylid gwneud hyn
29. pwysigrwydd dilyn arfer gorau amgylcheddol ac ecolegol perthnasol i leihau effaith eich gwaith ar yr amgylchedd
30. eich cyfrifoldebau yn unol â deddfwriaeth iechyd a diogelwch, codau ymarfer a pholisïau sefydliadol perthnasol

A.      dewis a defnyddio’r mathau canlynol o offer a chyfarpar wrth osod arwynebeddau llorlechi/slabiau: 

1. cywasgwyr platiau sy’n dirgrynu
2. holltwyr gilotîn
3. cylchlifau
4. gordd a morthwyl pren
5. cymhorthion gosod mecanyddol
6. cymhorthion gosod gwactod

B.      cynnal y tasgau canlynol wrth osod arwynebeddau llorlechi/slabiau:

C.      defnyddio’r mathau canlynol o ddeunyddiau:

• gosod i linellau syth a chromliniau araf

• gosod llorlechi/slabiau i radiysau a chorneli cyflym gan ddefnyddio patrwm radiws ffan

• gosod llorlechi/slabiau i radiysau a chorneli cyflym gan ddefnyddio patrwm radiws dolen

• gosod llorlechi/slabiau i radiysau a chorneli cyflym gan ddefnyddio patrwm rhedeg

• gosod llorlechi/slabiau i radiysau a chorneli cyflym gan ddefnyddio patrwm cornel tref newydd

• torri i mewn i ymylon a rhwystrau

• pwyntio â llaw

• cymharu â phriddgalch a slwtsh polymerig

• cywasgu

• codi ac adnewyddu

Cyfarwyddiadau: llafar neu ysgrifenedig.

Deunyddiau:

• llorlechi concrid

• slabiau cerrig naturiol

PPE: Offer amddiffynnol personol.