Adeiladu pyllau a nodweddion dŵr

​

Mae'r safon hon ar gyfer y rheiny sydd yn adeiladu pyllau a nodweddion dŵr.

Mae'r deunyddiau a'r offer arferol y byddech yn eu defnyddio wrth adeiladu pyllau a nodweddion dŵr yn cynnwys: creigiau a choncrid, leinwyr plastig rhychiog neu hyblyg, pympiau neu hidlwyr wedi eu pweru'n drydanol.

Dim ond trydanwr medrus a chymwys ddylai wneud gwaith trydanol.

Os ydych yn gweithio gyda pheiriannau dylech fod wedi cael hyfforddiant ac yn meddu ar ardystiad perthnasol lle bo angen.

Mae'n rhaid i chi wneud eich gwaith mewn ffordd fydd yn lleihau'r effaith ar yr amgylchedd naturiol ac yn gwella ei werth o ran natur, cadwraeth a hamdden.

1. ​asesu cyflwr y safle i sefydlu addasrwydd cyn dechrau adeiladu pyllau a nodweddion dŵr
2. bod yn ymwybodol o'r peryglon sydd yn gysylltiedig â'r safle a'r gwaith arfaethedig
3. cynnal asesiad amgylcheddol o'r safle cyn dechrau gwaith
4. nodi a pharatoi'r offer, y cyfarpar a'r deunyddiau angenrheidiol i wneud y gwaith yn ddiogel ac yn gywir
5. gwisgo dillad ac offer amddiffynnol personol (PPE) addas
6. paratoi'r safle yn unol â'r manylebau
7. gosod ac adeiladu pyllau neu nodweddion dŵr yn ddiogel ac yn unol â'r manylebau
8. gosod offer yn unol â chyfarwyddiadau'r cynhyrchydd a'r gofynion cyfreithiol perthnasol
9. dewis, paratoi a defnyddio offer, peiriannau a chyfarpar yn ddiogel ac yn gywir
10. gwneud yr holl waith mewn ffordd sy'n achosi'r effaith leiaf bosibl ar yr ardal gyfagos ac i ddefnyddwyr eraill y safle
11. sicrhau bod y pwll neu'r nodwedd ddŵr yn gweithio'n gywir
12. nodi diffygion posibl yn y pwll neu'r nodwedd ddŵr a chymryd camau ataliol neu gywiro lle bo angen
13. adfer y safle i gyflwr priodol ar ôl cwblhau'r gwaith o osod y pwll neu'r nodwedd ddŵr
14. prosesu gwastraff yn ddiogel ac yn gywir yn unol â deddfwriaeth berthnasol a gofynion sefydliadol
15. parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi eu heffeithio ganddo
16. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau sefydliadol

1. ​y peryglon sydd yn gysylltiedig ag adeiladu pyllau a nodweddion  dŵr
2. sut i ddehongli asesiadau risg
3. pwysigrwydd cynnal asesiad amgylcheddol o'r safle cyn dechrau gwaith a'r canfyddiadau a allai effeithio ar y gwaith arfaethedig
4. sut i ddehongli manylebau a phwysigrwydd eu dilyn
5. y mathau o offer, cyfarpar a deunyddiau sy'n ofynnol ar gyfer gosod pyllau a nodweddion dŵr a sut i ddewis, paratoi a defnyddio'r rhain yn ddiogel ac yn gywir
6. y math o ddillad ac offer amddiffynnol personol (PPE) sydd yn addas ar gyfer y gweithgaredd
7. y problemau a allai godi wrth adeiladu pyllau a nodweddion dŵr a pha gamau i'w cymryd
8. sut i leihau effaith eich gwaith ar yr ardal gyfagos ac ar ddefnyddwyr eraill y safle
9. pwysigrwydd dilyn arfer gorau amgylcheddol ac ecolegol i leihau effaith eich gwaith ar yr amgylchedd
10. yr amodau sydd yn addas ar gyfer adeiladu pyllau a nodweddion dŵr
11. y nodweddion a chymhwyso'r ystod o ddeunyddiau a ddefnyddir i osod pyllau neu nodweddion dŵr
12. egwyddorion a dulliau adeiladu pyllau a nodweddion dŵr
13. egwyddorion cyfrifo, dewis a gosod pŵer pympiau
14. y gofynion diogelwch ar gyfer systemau pympiau
15. y dulliau a ddefnyddir i sicrhau bod pwll neu nodwedd ddŵr yn gweithio'n gywir ar ôl ei osod
16. symptomau'r mathau o namau a allai ddigwydd mewn pyllau neu nodweddion dŵr
17. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo a sut dylid gwneud hyn
18. y gofynion cyfreithiol a sefydliadol perthnasol ar gyfer trin, cludo a gwaredu gwastraff
19. eich cyfrifoldebau yn unol â deddfwriaeth amgylcheddol ac iechyd a diogelwch, codau ymarfer a pholisïau sefydliadol perthnasol

​
A.      adeiladu’r mathau canlynol o bwll neu nodwedd ddŵr:
1.    nentydd
2.    ffynhonnau
3.    rhaeadrau dŵr
4.    pyllau

B.      dewis a defnyddio’r mathau canlynol o ddeunyddiau wrth adeiladu pyllau neu nodweddion dŵr:
1.    leinwyr clai ar gyfer pyllau  
2.    gwydr ffibr yn y lle priodol
3.    concrid yn y lle priodol
4.    ffurf afreolaidd wedi ei ffurfio neu ei osod ymlaen llaw
5.    leiniwr biwtyl neu PVC
6.    leinwyr hyblyg

C.      dewis a defnyddio’r offer neu’r cyfarpar canlynol:
1.    wedi eu pweru
2.    offer llaw

D.      dewis a gosod yr offer canlynol:
1.    pympiau
2.    hidlwyr
3.    cyflenwad trydan

Mae pyllau a nodweddion dŵr yn cynnwys: pyllau, nentydd, ffynhonnau a rhaeadrau dŵr.

Manylebau: darluniau, amserlenni, datganiadau dull, Gweithdrefnau Gweithredu Safonol (GGS), canllawiau cynhyrchwyr, polisïau sefydliadol.