Adeiladu gerddi cerrig

Mae'r safon hon ar gyfer y rheiny sydd yn adeiladu gerddi cerrig.

Os ydych yn gweithio gyda chemegau neu beiriannau, dylech fod wedi cael hyfforddiant ac yn meddu ar dystysgrif berthnasol os oes angen.

Mae'n rhaid i chi wneud eich gwaith mewn ffordd fydd yn lleihau'r effaith ar yr amgylchedd naturiol ac yn gwella ei werth o ran natur, cadwraeth a hamdden.

1. ​asesu cyflwr safleoedd i asesu eu haddasrwydd ar gyfer adeiladu gerddi cerrig
2. bod yn ymwybodol o'r peryglon sydd yn gysylltiedig â safle'r ardd gerrig a'r gwaith arfaethedig
3. dewis, paratoi a defnyddio'r deunyddiau a'r offer gofynnol yn ddiogel ac yn gywir
4. gwisgo dillad ac offer amddiffynnol personol (PPE) addas
5. dewis cerrig ar gyfer adeiladu'r ardd gerrig yn unol â'r manylebau, y gofynion gweithredol ac esthetig
6. nodi llwybrau mynediad diogel ar gyfer deunyddiau ac offer cyn dechrau'r gwaith
7. trin deunyddiau ac offer yn ddiogel ac yn gywir
8. adeiladu gwaith cerrig yn gywir yn unol â'r manylebau
9. gadael safle'r ardd gerrig yn ddiogel, yn daclus ac yn barod ar gyfer plannu ar ôl cwblhau'r gwaith
10. parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi eu heffeithio ganddo
11. cadarnhau bod gwaith yn cael ei wneud mewn ffordd sy'n lleihau niwed amgylcheddol
12. prosesu gwastraff yn ddiogel ac yn gywir yn unol â deddfwriaeth berthnasol a gofynion sefydliadol
13. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau sefydliadol

1. ​sut i asesu addasrwydd cyflwr y safle ar gyfer adeiladu gerddi cerrig

2. y peryglon sydd yn gysylltiedig ag adeiladu gerddi cerrig

3. y mathau o offer a chyfarpar sy'n ofynnol i adeiladu gerddi cerrig a sut i'w paratoi, eu defnyddio, eu cynnal a chadw a'u storio'n ddiogel ac yn gywir
4. y math o ddillad ac offer amddiffynnol personol (PPE) sydd yn addas ar gyfer y gweithgaredd
5. y meini prawf ar gyfer dewis llwybrau mynediad ar gyfer deunyddiau ac offer ar gyfer adeiladu gerddi cerrig
6. y mathau a'r defnydd o gerrig a ddefnyddir wrth adeiladu gerddi cerrig 
7. egwyddorion trefnu cerrig mewn gerddi cerrig
8. y gofynion diogelwch wrth godi a thrin cerrig
9. nodweddion a dibenion gerddi cerrig gwahanol
10. y peryglon posibl sydd yn deillio o adeiladwaith anniogel, heb ei orffen
11. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo, a sut dylid gwneud hyn
12. y ffynonellau gwastraff posibl a'r effaith niweidiol amgylcheddol ac ecolegol a sut gellir lleihau'r rhain
13. sut i drin, cludo a gwaredu gwastraff yn unol â gofynion cyfreithiol a sefydliadol perthnasol
14. y problemau arferol a allai godi wrth adeiladu gerddi cerrig a sut i ymdrin â'r rhain yn gywir
15. eich cyfrifoldebau yn unol â deddfwriaeth amgylcheddol ac iechyd a diogelwch, codau ymarfer a pholisïau sefydliadol perthnasol

​
A.      gwneud y mathau canlynol o waith cerrig i adeiladu gerddi cerrig:
1.    brigiadau
2.    sgri a marian
3.    cymoedd
4.    rhaeadrau
5.    grisiau

B.      ymdrin â deunyddiau yn y ddwy ffordd ganlynol:
1.    â llaw
2.    yn fecanyddol

Mae cerrig yn cynnwys: brigiadau; sgri a marian; cymoedd; rhaeadrau; grisiau.

Manylebau: darluniau, amserlenni, datganiadau dull, Gweithdrefnau Gweithredu Safonol (GGS), canllawiau cynhyrchwyr, polisïau sefydliadol.