Yn ol

Cefnogi cyfranogwyr ar ddiwrnod saethu

URN: LANGa3
Sectorau Busnes (Suites): Rheoli Helfilod a Bywyd Gwyllt
Datblygwyd gan: Lantra
Cymeradwy ar: 30 Maw 2022

Trosolwg

​

Mae’r safon hon yn ymwneud â chefnogi cyfranogwyr ar ddiwrnod saethu. Mae’n ymwneud â’r gweithgareddau yr ydych yn eu gwneud wrth gynghori a hyfforddi cyfranogwyr ar ddiwrnodau saethu ysglyfaeth byw.

Mae’r safon hon ar gyfer y rheiny sydd yn gweithio ym maes saethu helfilod.

I fodloni’r safon hon byddwch yn gallu:
• disgrifio gofynion y diwrnod saethu i gyfranogwyr
• darparu gwybodaeth am foesgarwch saethu
• darparu gwybodaeth am rywogaethau ysglyfaeth a’u hymddygiad disgwyliedig
• darparu gwybodaeth am ddefnydd a diogelwch saethwyr
• cynnal cysylltiadau cwsmeriaid
• hyfforddi unigolion ar ddatblygiad eu galluoedd saethu.

Er mwyn i chi ddeall cynnwys y safon yn llawn, a’r gweithgareddau y mae’n eu disgrifio, mae’n bwysig eich bod yn gallu deall y termau a ddefnyddir yn y safon. Gweler yr Eirfa am rai diffiniadau ddylai eich helpu gyda hyn.

Meini prawf perfformiad

Mae'n rhaid eich bod chi'n gallu:

​

  1. gwneud y gweithgaredd yn ddiogel yn unol â’r gofynion iechyd a diogelwch perthnasol
  2. cael dealltwriaeth o lefel profiad y cyfranogwyr
  3. cadarnhau bod y cyfranogwyr yn deall gofynion sylfaenol y diwrnod saethu
  4. cefnogi’r cyfranogwyr i baratoi ar gyfer y gweithgareddau sydd wedi eu cynllunio ar gyfer y diwrnod saethu
  5. rhoi gwybodaeth i’r cyfranogwyr, i gefnogi eu dealltwriaeth o’r gweithgareddau saethu
  6. cyfathrebu’n glir ac yn effeithiol gyda’r cyfranogwyr
  7. cefnogi cyfranogwyr mewn ffordd gwrtais a moesgar
  8. arsylwi gallu saethu’r cyfranogwyr
  9. rhoi adborth i’r cyfranogwyr ar y perfformiad a arsylwyd a gallu saethu
  10. rhoi cymorth a chefnogaeth i’r cyfranogwyr i gefnogi datblygiad eu techneg saethu

Gwybodaeth a Dealltwriaeth

You need to know and understand:

​

  1. y gofynion iechyd a diogelwch sydd yn gysylltiedig â saethu a diwrnodau saethu
  2. y cyfyngiadau cyfreithiol perthnasol sy’n rheoli perchnogaeth a defnydd o arfau tanio 
  3. y gofynion cyfreithiol sy’n rheoli storio, cludo a chario arfau tanio ac arfau
  4. deddfwriaeth a chodau ymarfer cyfredol sy’n benodol i wlad yn ymwneud â’r defnydd o fathau gwahanol o arfau
  5. gofynion gweithgareddau saethu
  6. paratoadau’r diwrnod saethu, yn cynnwys sut i gwblhau gwiriadau cyn defnyddio ar arfau tanio ac arfau
  7. y wybodaeth ddiogelwch sydd yn angenrheidiol i gefnogi diwrnodau saethu
  8. pwysigrwydd cyfathrebu effeithiol i sicrhau diogelwch ar ddiwrnodau saethu
  9. moesgarwch a phrotocolau saethu
  10. y gweithgareddau saethu gwahanol a sut maent yn cael eu gweithredu
  11. sut i adnabod y rhywogaethau ysglyfaeth a’u gofynion saethu
  12. ymddygiad tebygol (disgwyliedig) rhywogaethau ysglyfaeth ar ddiwrnodau saethu
  13. y dechneg saethu sydd yn addas ar gyfer amrediad, codi a rhwystro'r ysglyfaeth, ac ar gyfer yr arfau tanio a'r arfau sydd ar gael
  14. sut i osod arfau tanio a’r ffordd y mae nodweddion corfforol personol cyfranogwr yn effeithio ar osod a defnyddio arf tanio
  15. amrediad effeithiol arfau tanio ac arfau, yn cynnwys yr amrediad absoliwt
  16. cyflwr y maes a’i effaith ar weithgareddau saethu
  17. ymdrin â saethwyr yn cynnwys sut i lwytho a throsglwyddo arfau tanio i gyfranogwyr ar y maes saethu
  18. y sgiliau cyfathrebu sydd yn ofynnol, yn cynnwys sut i roi adborth cadarnhaol ar berfformiad
  19. pwysigrwydd cwrteisi yn cynnal gwasanaeth cwsmeriaid
  20. y camau i’w cymryd os caiff y saethu ei amharu gan ddifrodwyr

Cwmpas/ystod

​

Sicrhau bod cyfranogwyr yn deall y gofynion canlynol:
• chwaraeon
• cyfreithiol

Darparu gwybodaeth am:
• nodweddion yr ystâd chwaraeon
• moesgarwch saethu
• nodweddion rhywogaethau gwahanol o helfilod a’r ymateb tebygol i weithgareddau diwrnod saethu
• diogelwch

Rhoi cymorth a chefnogaeth o ran:
• ymdrin â gwn
• codi gwn
• techneg ac osgo saethu
• adnabod ysglyfaeth a’r ymateb tebygol i weithgareddau diwrnod saethu
• moesau a phrotocolau saethu
• diogelwch
• amhariad difrodwyr

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Gweithgareddau saethu – unrhyw chwaraeon maes cyfreithiol perthnasol sydd yn cynnwys hela helfilod gydag arf tanio

Ardal rheoli bywyd gwyllt – unrhyw ardal o dir a ddefnyddir i ddarparu gweithgareddau saethu helfilod

Cyfranogwyr – unigolion sydd yn cymryd rhan yn y gweithgaredd saethu

Helfilod – unrhyw rywogaeth ysglyfaeth cyfreithlon yn y wlad lle mae’r saethu’n digwydd. Mae’r cyfyngiadau cyfreithiol ar gyfer saethu “helfilod bach” yn wahanol ym mhob un o bedair gwlad y DU a dylid eu gwirio gyda’r awdurdod cenedlaethol perthnasol.

Saethwr – cyfranogwr mewn gweithgaredd saethu

Awdurdod cenedlaethol sydd yn rheoli gweithgareddau saethu:
• Lloegr – DEFRA
• Gogledd Iwerddon – NI Environment Agency
• Yr Alban – NatureScot
• Cymru – Cyfoeth Naturiol Cymru

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

30 Maw 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANGa3

Galwedigaethau Perthnasol

Gweithiwr Ystadau, Ciper

Cod SOC

5119

Geiriau Allweddol

saethu; cefnogi; helfilod; saethu