Yn ol

Cyfrannu at fagu cywion adar hela ac adar hela ifanc

URN: LANGa29
Sectorau Busnes (Suites): Rheoli Helfilod a Bywyd Gwyllt
Datblygwyd gan: Lantra
Cymeradwy ar: 30 Maw 2022

Trosolwg

​

Mae’r safon hon yn ymwneud â chyfrannu at fagu cywion adar hela ac adar hela ifanc i gefnogi gweithgareddau saethu helfilod. Gellir ei chymhwyso i unrhyw aderyn hela sydd yn cael ei fagu o dan amodau wedi eu rheoli.

Mae’r safon hon ar gyfer y rheiny sydd yn gweithio ym maes cadwraeth helfilod a gellir ei chymhwyso i unrhyw ardal rheoli bywyd gwyllt neu fferm helfilod.

I fodloni’r safon hon byddwch yn gallu:
• cyfrannu at fagu cywion adar hela ac adar hela ifanc wedi ei gynllunio o dan amodau wedi eu rheoli
• cynnal y gwaith o gynhyrchu cywion adar hela ac adar hela ifanc.

Er mwyn i chi ddeall cynnwys y safon hon yn llawn, a’r gweithgareddau y mae’n eu disgrifio, mae’n bwysig eich bod yn gallu deall y termau a ddefnyddir yn y safon. Gweler yr Eirfa am rai diffiniadau ddylai eich helpu chi gyda hyn.

Meini prawf perfformiad

Mae'n rhaid eich bod chi'n gallu:

​

  1. cyfrannu at fagu cywion adar hela ac adar hela ifanc er mwyn gallu cyflawni’r targedau cynhyrchu, yn unol â’r gofynion cyfreithiol cenedlaethol a'r codau ymarfer perthnasol 
  2. cadarnhau bod gwaith yn cael ei wneud yn ddiogel, yn unol â’r gofynion iechyd a diogelwch perthnasol
  3. cynnal gweithrediadau cynhyrchu o fewn argaeledd hysbys adnoddau ac yn unol â gofynion lles
  4. gweithredu mesurau i fonitro a chynnal diogelwch a diogeledd y cywion adar hela a'r adar hela ifanc
  5. gweithredu mesurau i reoli plâu ac ysglyfaethwyr
  6. gweithredu mesurau ar gyfer cludo a derbyn cywion adar hela ar gyfer eu magu
  7. gweithredu cyfundrefnau bwydo a gofal ar gyfer cywion adar hela ac adar hela ifanc i gynnal eu gofynion maeth a lles
  8. dilyn gweithdrefnau wedi eu sefydlu i leihau effaith ffactorau sydd yn gallu amharu ar fagu
  9. gweithredu amodau magu sydd yn cynnal lles a datblygiad cywion adar hela ac adar hela ifanc ac yn hybu eu goroesiad
  10. adnabod salwch mewn adar hela sydd wedi eu magu, trwy ddehongli arwyddion yn gywir 
  11. gweinyddu triniaethau proffylactig a chlefydau i’r cywion adar hela a'r adar hela ifanc sydd wedi eu magu, yn unol â chyfarwyddiadau milfeddygol, gofynion cyfreithiol cenedlaethol a chodau ymarfer
  12. parhau i gyfathrebu gyda’r rheiny sy’n gofalu am gywion adar hela a chywion ifanc i hwyluso eu cynhyrchiant effeithiol
  13. cadarnhau bod cofnodion cywir yn cael eu cadw fel sydd yn ofynnol gan ddeddfwriaeth, codau ymarfer a gofynion sefydliadol perthnasol

Gwybodaeth a Dealltwriaeth

You need to know and understand:

​

  1. y gofynion cyfreithiol cenedlaethol a'r codau ymarfer perthnasol yn ymwneud â chynhyrchu, cludo a lles cywion adar hela ac adar hela ifanc sydd wedi eu magu
  2. y gofynion iechyd a diogelwch sydd yn gysylltiedig â magu cywion adar hela ac adar hela ifanc
  3. y mesurau y gellir eu cymryd i ddiogelu diogeledd cywion adar hela ac adar hela ifanc
  4. sut i weithredu rhaglen magu adar hela i gyflawni’r targedau a gynlluniwyd
  5. y gofynion lletya ar gyfer magu cywion adar hela ac adar hela ifanc
  6. y gofynion cyfreithiol a’r codau ymarfer ar gyfer dwysedd stoc
  7. gofynion lles y cywion adar hela a’r adar hela ifanc sydd yn cael eu cynhyrchu
  8. pwysigrwydd hylendid a glanhau i fagu adar hela
  9. gofynion amgylcheddol cywion adar hela ac adar hela ifanc yn ystod y broses fagu
  10. gofynion maeth pob cyfnod o ddatblygiad adar hela
  11. manteision ac anfanteision y systemau magu gwahanol 
  12. y clefydau adar hela cyffredin a’u symptomau, achosion posibl heintiau a thriniaethau
  13. y gofynion cyfreithiol cenedlaethol ar gyfer adrodd am glefydau hysbysadwy
  14. sut i weinyddu triniaethau i gywion adar hela ac adar hela ifanc a'r gofynion cyfreithiol cenedlaethol a'r codau ymarfer perthnasol sydd yn gysylltiedig â defnyddio meddyginiaethau milfeddygol 
  15. y colledion magu disgwyliedig yn cynnwys “methiant i fwyta neu yfed”
  16. y gofynion cyfreithiol perthnasol sy’n rheoli gwaredu cywion marw a gwastraff arall
  17. gofynion ymdrin arbenigol cywion adar hela ac adar hela ifanc
  18. sut gall newidiadau yn y tywydd effeithio ar ddatblygiad adar hela wedi eu magu
  19. y ddeddfwriaeth, y codau ymarfer a’r gofynion sefydliadol perthnasol ar gyfer cwblhau a storio cofnodion

Cwmpas/ystod

​

Cyfrannu at y gweithgareddau cynhyrchu canlynol:
• cludo a derbyn cywion adar hela
• cynnal unedau deor
• darparu porthiant a dŵr
• cynnal amodau amgylcheddol gofynnol
• gofal iechyd
• gofal adar hela ifanc
• gwaredu cywion marw
• gwaredu gwastraff

Dilyn gweithdrefnau i ymdrin â phedwar o’r ffactorau canlynol sydd yn gallu amharu ar gynhyrchiant:
• newidiadau mewn amodau amgylcheddol
• methiant cyfarpar
• prinder adnoddau
• gweithredoedd plâu ac ysglyfaethwyr
• clefydau
• difrodi

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Cynhyrchu – datblygiad helfilod o gywion diwrnod oed hyd nes eu bod yn barod i’w rhyddhau

Helfilod – ffesantod, petris, hwyaid

Adnoddau – pobl, deunyddiau, porthiant a dŵr, cyfarpar, pŵer, amser

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

30 Maw 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANGa29

Galwedigaethau Perthnasol

Gweithiwr Ystadau, Ciper

Cod SOC

5119

Geiriau Allweddol

adar hela; magu; ffesantod; petris; hwyaid