Yn ol

Cefnogi rhyddhau adar hela ifanc

URN: LANGa16
Sectorau Busnes (Suites): Crofftio a Chadw Tyddyn,Rheoli Helfilod a Bywyd Gwyllt
Datblygwyd gan: Lantra
Cymeradwy ar: 30 Maw 2022

Trosolwg

​

Mae’r safon hon yn ymwneud â chefnogi rhyddhau adar hela ifanc yn y gwyllt. Mae’n ymwneud â’r gweithgareddau yr ydych yn eu gwneud i gefnogi rhyddhau adar hela a’u sefydlu mewn lleoliadau penodedig yn yr ardal rheoli bywyd gwyllt.

Mae’r safon hon ar gyfer y rheiny sydd yn gweithio ym maes cadwraeth helfilod, a gellir ei chymhwyso i unrhyw ardal rheoli bywyd gwyllt sydd yn gysylltiedig â rhyddhau adar hela ifanc.

I fodloni’r safon hon byddwch yn gallu:
• sefydlu adar hela ifanc mewn ardaloedd rhyddhau, gan ddilyn y fanyleb ryddhau
• cynnal lles adar hela ifanc wrth eu rhyddhau
• cefnogi’r broses ryddhau i sefydlu adar hela ifanc yn y gwyllt
• cynnal adar hela ifanc mewn lleoliadau penodedig mewn ardal rheoli bywyd gwyllt.

Er mwyn i chi ddeall cynnwys y safon yn llawn, a’r gweithgareddau y mae’n eu disgrifio, mae’n bwysig eich bod yn gallu deall y termau a ddefnyddir yn y safon. Gweler yr Eirfa am rai diffiniadau ddylai eich helpu chi gyda hyn.

Meini prawf perfformiad

Mae'n rhaid eich bod chi'n gallu:

​

  1. gwneud gweithgareddau i gefnogi rhyddhau adar hela ifanc yn ddiogel, yn unol â’r gofynion iechyd a diogelwch perthnasol
  2. dilyn y broses ar gyfer cefnogi rhyddhau adar hela ifanc er mwyn gallu cyflawni'r fanyleb ryddhau
  3. cynnal diogelwch a diogeledd yr adar hela ifanc wrth eu rhyddhau
  4. cynnal rheolyddion plâu ac ysglyfaethwyr i gyfyngu eu heffaith ar yr adar hela ifanc sydd wedi eu rhyddhau
  5. paratoi ardaloedd rhyddhau i gynyddu siawns adar hela ifanc o oroesi wrth gael eu rhyddhau
  6. paratoi adar hela ifanc ar gyfer cael eu rhyddhau
  7. trosglwyddo adar hela ifanc yn ddiogel i ardaloedd rhyddhau mewn ffordd sy’n lleihau straen
  8. sefydlu adar hela ifanc mewn ardaloedd rhyddhau yn ôl y dwysedd anghenrheidiol
  9. ymdrin ag adar hela ifanc mewn ffordd sydd yn cynnal eu lles ac yn lleihau straen
  10. darparu porthiant a dŵr i reoli lleoliad a dosbarthiad adar hela ifanc sydd wedi eu rhyddhau i fodloni’r fanyleb ryddhau
  11. arsylwi ymddygiad a chyflwr adar hela ifanc ac adrodd am unrhyw arwyddion o straen neu anhwylder
  12. gweithredu i leihau effaith amhariad sy’n debygol o amharu ar y rhyddhau sydd wedi ei gynllunio
  13. cadw cofnodion cywir fel sydd yn ofynnol gan y ddeddfwriaeth, codau ymarfer a'r gofynion sefydliadol perthnasol 

Gwybodaeth a Dealltwriaeth

You need to know and understand:

​

  1. y gofynion iechyd a diogelwch perthnasol sydd yn gysylltiedig â’r broses ryddhau, yn cynnwys y goblygiadau sydd yn gysylltiedig â gweithio unigol
  2. y cyfyngiadau cyfreithiol a’r codau ymarfer perthnasol wrth ryddhau adar hela ifanc
  3. y ffordd y gall safleoedd gyda dynodiadau cadwraeth effeithio ar ryddhau adar hela ifanc
  4. y fanyleb ryddhau a’i pherthynas â gweithgareddau chwaraeon wedi eu cynllunio
  5. yr amseru o ran rhyddhau yn ymwneud â datblygiad adar hela ifanc a gweithgareddau saethu
  6. sut i baratoi ardaloedd rhyddhau i dderbyn adar hela ifanc
  7. y cyfarpar rhyddhau a’i gymhwyso yn y broses ryddhau
  8. y dulliau o baratoi adar hela ifanc ar gyfer eu rhyddhau a'r codau ymarfer perthnasol
  9. yr amodau byw a’r gofynion lles sydd yn ofynnol i gynnal iechyd a datblygiad yr adar hela ifanc wrth eu rhyddhau
  10. y technegau rhyddhau ar gyfer adar hela ifanc
  11. ymddygiad disgwyliedig adar hela ifanc wrth eu rhyddhau a'r camau i’w cymryd os bydd ymddygiad yn amrywio o’r norm
  12. yr arwyddion sydd yn dangos straen neu anhwylder mewn adar hela ifanc
  13. y ffordd y gall lleoliad a dosbarthiad adar hela ifanc sydd wedi eu rhyddhau gael ei reoli trwy roi porthiant, dŵr a lloches
  14. y ffactorau sydd yn gallu effeithio'r broses ryddhau a sut gellir rheoli’r rhain
  15. effeithiau plâu, ysglyfaethwyr, tresmasu a photsio ar y broses ryddhau
  16. sut i leihau niwed i gynefin naturiol a bywyd gwyllt wrth ryddhau
  17. y ddeddfwriaeth, codau ymarfer a’r gofynion sefydliadol perthnasol ar gyfer cwblhau a storio cofnodion

Cwmpas/ystod

​

Paratoi ardaloedd rhyddhau yn ymwneud â:
• lloches
• amddiffyn
• diogelwch
• diogeledd

Arsylwi ymddygiad o ran:
• bwydo
• symud

Cyflawni manylebau rhyddhau o ran:
• lleoliad adar hela
• dosbarthu adar hela

Gweithredu o ran yr amhariadau canlynol:
• dynol
• plâu ac ysglyfaethwyr

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Adar hela – ffesantod, petris, hwyaid

Ardaloedd rhyddhau – ardaloedd mewn ardal rheoli bywyd gwyllt sydd wedi cael eu datblygu i gefnogi rhyddhau adar hela i’r gwyllt

Manyleb ryddhau – lleoliad bwriadol a dosbarthiad helfilod mewn ardal rheoli bywyd gwyllt

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

30 Maw 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

LANGa16

Galwedigaethau Perthnasol

Gweithiwr Ystadau, Ciper, Tyddynnwr, Crofftwr

Cod SOC

5119

Geiriau Allweddol

adar hela; rhyddhau; ffesantod; petris; hwyaid